واچې دۇنڬێ ښاداڅ Ваче дунги цадахъ

٢٠١٥ سۈناڷۇل باقعېدۇڶ مۈڞاڷۇل ١ قۈ،  انڷځۇر قۈ - ئێتنێ قۈ

واچې دۇنڬێ ښاداڅ.

ڞۇمال،  دۇنڬێ واچې،  ښاداڅ وۈرجێنې،

وێجاراب راڨالدا څۇرۺێ ڃالعانێن.

څۇلۇڅازې عۈلۈ،  عارښۇيې عۈلۈ،

عادامال ڃوالېڷۇب ڃۇنتۇن بۇڬێن راگ.

واچې،  ئېركېناب حێنڃ،  زۈبال تێرێزې،

زۇلمۇدۇل دۇنێيال داهاڷ گۈچېنې.

واچې،  هاب نامۇسڬێ ياحڬێ بۇحۇلېب،

ماح ۺوېڃېل ۺۈبازدا رېۺطێنې ښاداڅ.

واچې بۈرخاڸۇدې،  باڞاداب رۈڨێ،

راڨالدا بێلاراب،  بالاهێزې دۇن.

دێر انێۺال،  ڮۇلال رۇڮارال راخصال

راڅېيان هارێزې هېنێر ناڴازدا.

رۈهالێل ڞوابزاڅې،  ڞۇمال،  واچې دۇن،

ڝا رېگۇن باقۇڛا هېل رۇحێلالدې؛

ڞۈرۈراب دێر رېگېل غاصدا صواراب ڝا

ڝێداصا باكېيان هېزدا هارێزې.

دۇنيال تېلېلدې،  تۈلېب ۺێناڷۇڅ،

تې دۇن والاهێزې بۈرخاڸۇداصان.

خێرێياب رۈسدادا،  صوېرۇڅ مۇعرۇزدا،

طاد صوېرێڬێ باڅۇن سالام بێطێزې.

كېڃ څوانا داوۇدێلازۇل حابێبێڛا

2015 соналълъул бакъгIедулI моцIцIалълъул 1 къо, анлълъхур къо - итни къо

Ваче дунги цадахъ.

ЦIцIумал, дунги ваче цадахъ воржине,

Вижараб ракьалда хъурщи чIалгIанин.

Хъулухъазе гIоло, гIарцуе гIоло,

ГIадамал чIвалелълъуб чIунтун бугин ракI.

Ваче, эркенаб хIинчIчI, зобал тиризе,

Зулмудул дуниял дагьалълъ кIочене.

Ваче, гьаб намусги яхIги бухIулеб,

МахI щвечIел щобазда рещтIине цадахъ.

Ваче борххалъуде, бацIцIадаб рокьи,

Ракьалда билараб, балагьизе дун.

Дир анищал, хьулал рухьарал раххссал

Рахъеян гьаризе гьенир накIкIазда.

Рогьалил цIцIвабзахъе, цIцIумал, ваче дун,

ЦIа рекIун бакъуцца гьел рухIилалде;

ЦIцIорораб дир рекIел гъассда ссвараб цIа

ЦIидасса бакеян гьезда гьаризе.

Дунял телелде, толеб щиналълъухъ,

Те дун валагьизе борххалъудассан.

Ххирияб росдада, ссверухъ мугIрузда,

ТIад ссвериги бахъун салам битIизе.

КечI хъвана Давудилазул ХIабибицца