.

2.18.2018

ИМАМ ХIАМЗАТ

 

ئێمام حامزات 

 

غێزلاراڷۇل كێلێسا كوېراڛا طۇطۇن باراو،   

كافۇرزابێ غۇرێزې غالباڝ - عالێ عادێناو.  

سالداتال غۈرڶ غانقێزې نۇحێل طۇفان عادێناو.  

دېربېنتاڷۇل غافۇدا چۈدۇل مېهېدڬێ تۇنكۇن،   

تۇشبابازۇل كۇرمۇزدا ڝا باكاراو باهادۇر.  

باڞۇن عۇرۇس طادېڸۇن طۇڮێدۇل ڞاد بالېڷۇل،   

ڞار باڅاراب حالالدا حۇجراياڷۇو واغاراو.  

حايدارێل حاسان - حۇسېن كاربێلائالدا عادێن،   

كارانزۇل رۇح بۈساراو مۇسرۇ بان خاباڶ ڸۈلا.  

جێندێي ڸېزې ځۈب ۺوېڃېو غازاواتاڷۇل غالباڝ.  

ئۇمۇمۇزۇل نۇښالڸێ عۈدۈب تۇن،  دێن كۈدۈب ڭۇن،   

كافۇرزابێ غۇرێزې  غېج ڬۇرۇن ياح باڅاراو.  

بالېب ڬۇلێدا ڛېوې  ڬالاماڷۇن جێو ڄاراو  

چاراماڷۇل راگ بۇڬېو،  چۈرخۈڶ هۇنار بېرهاراو،   

هۈڞاڶا حامزات انێۺ ئێنېبان عۇرۇس ناڅې. 

 

قۇدۇڨا ساعێد (١٩٠٩ سۈن.)




ИМАМ ХӏАМЗАТ 

Гъизларалълъул килиса кверацца тӏутӏун барав,
Капурзаби гъуризе Гъалбацӏ-Гӏали гӏадинав.
Салдатал гъорлI гъанкъизе Нухӏил тӏупан гӏадинав.
Дербенталълъул гъапуда чодул мегьедги тункун,
Тушбабазул курмузда цӏа бакарав багьадур.
Бацӏцӏун гӏурус тӏаделъун тӏухьидул цӏцIад балелълъул,
ЦӏцIар бахъараб хӏалалда хӏужраялълъув вагъарав.
Хӏайдарил Хӏасан-Хӏусен Карбилаалда гӏадин,
Каранзул рухӏ босарав мусру бан хабалI лъола.
Жиндий лъезе хоб щвечӏев гъазаваталълъул гъалбацӏ.
Умумузул нуцаллъи гӏодоб тун, дин кодоб ккун,
Капурзаби гъуризе  гъеж гурун яхӏ бахъарав.
Балеб гулида ццеве  галамалъун жив чӏчIарав
Чарамалълъул ракӏ бугев, чорххолI гьунар бергьарав,
ГьОЦӏЦIАЛIА ХӏАМЗАТ анищ инебан гӏурус нахъе. 

КЪУДУКЬА САГӏИД (1909 сон.) 




1.25.2018

Мала Нассрудин مالا ناصرۇدێن

عۇرۇل راعالدا عۇمرۇ هابۇن وۇڬېو مالا ناصرۇدێنێڅې ښۈ ڞالاراو چێ واڃانێلا،  جێندێيې هېب عۈر باځێزې كۇمېك هابېيان. جێندێر دۈب راڅالدا څۇلۇڅ بۇڬێلان. هابێلێن هاوڬێ رازێڸۇن،  غېجدا دۈو چێڬێ رېگێناوۇن،  عۈر قۈطۇن ئۇناڬۈ،  مالا ناصرۇدێنێصا بێښۇنېب جۈياڷۇڶ غالاط هابۇنێلا.   

- دۇدا عېلمۇ ناحوێ ڸالارێۺ،  دۇڛا هېب ڞالێڃێۺ،  - يان هێقانێلا ڞالاراو چێياص.  

- ڸالارۈ.    

- باۺداب عۇمرۇ عادادا اراو چێ وۇڬۈخا مۇن!   هېدێن ئۇناڬۈ عۈر باڨۇڶې ۺۈلېل رۇگانێلا،  مالا ناصرۇدێنێڛا دۈو چێياصدا هێقانێلا:    

- دۇدا ڷێم خازې ڸالێۺ،  – ان.    

- ڸالارۈ،  ۺێب ڭاراب؟    

- مۇن طۇبانڬۈ عادادا ځواراو چێ وۇڬۈخا هۇدۇلاو چێ - نێڶ غانقێزېڅێن رۇڬۈ 

 

ГIурул рагIалда гIумру гьабун вугев Мала Нассрудинихъе цо цIцIаларав чи вачIанила, жиндие гьеб гIор бахизе кумек гьабеян. Жиндир доб рахъалда хъулухъ бугилан. Гьабилин гьавги разилъун, гъежда дов чиги рекIинавун, гIор къотIун унаго, Мала Нассрудиницца бицулеб жоялълъулI гъалатI гьабунила. 

- Дуда гӏелму нахӏви лъаларищ, дуца гьеб цIцIаличIищ,

- ян гьикъанила цIцIаларав чиясс.  

- Лъаларо.  
- Бащдаб гIумру гIадада арав чи вугохха мун!  
Гьедин унаго гIор бакьулIе щолел рукIанила, Мала Нассрудиницца дов чияссда гьикъанила:  
- Дуда лълъим ххазе лъалищ, – ан.  
- Лъаларо, щиб ккараб?  
- Мун тIубанго гIадада хварав чи вугохха гьудулав чи - нилI гъанкъизехъин руго 

 

1.21.2018

РАКI ГУРХIУЛА НУЖОДА راگ ڬۇرحۇلا نۇجۈدا



راگ ڬۇرحۇلا نۇجۈدا. 

 

غۈرڨ رۇگاراڛا تارال،  طاد رۇڬېزدا گۈچارال،  

راگ ڬۇرحۇلا نۇجۈدا، رۇگارال حاكێمزابێ. 

 

حېلحېلزابازۇل ڷېڛا ڷاڸارال نۇجۈر ځۇرزال،  

ڷێم ۺواڃۈڬۈ څارښۇنېل څۇلۇڅاز نۇج تارالڬۈ. 

 

نۇج صوېرۇن جېن - جېندارال جۇندۇل عادێن طاعانا،  

طادې تارازۇل راهدۇڅ رۇڬۈ هانجې ئېخېتۇن. 

 

نۇجۈر ڷادێڬۇن ڸێمال مېسېدێل ڿۇعا ئێنڬۇن،  

بېكاراب راسا صوېرۇڅ ساڬۇلابێڬێ رېطۇن. 

 

هالې،  نۇج ځێسارالڬێ  هېبڬۈ دارمێدا رۇڬۈ،  

غۈرڨ رۇڬېزۇڅا باڅۇن طاد رۇڬېزۇڅې باڿۇن. 

 

هېل نۇج رێڮۇن كانطێڃۈ كێبڬۈ هېدێنان بۇڬێن،  

بێقێڃۈنێ راقۇلېب زامانا باڃۇن بۇڬێن. 

 

دۇنيالالدا رێخارال اخێراتڬێ بێلارال،  ئۈه،  

نۇج ڞێڴۇن رۇڬېل كۇښ،  ڞۈهۈرال حاكێمزابێ! 

 

حابێب داوۇدێلازۇل




РАКI ГУРХIУЛА НУЖОДА. 

Гъоркь рукӏарацца тарал,
Тӏад ругезда кӏочарал,
Ракӏ гурхӏула нужода.
Рукӏарал хӏакимзаби. 

Хӏелхӏелзабазул лълъецца
Лълъалъарал нужор хурзал,
Лълъим щвачӏого хъарцунел
Хъулухъаз нуж таралго. 

Нуж ссверун жен-жендарал
Жундул гӏадин тӏагӏана,
Тӏаде таразул рагьдухъ
Руго гьанже эххетун.

Нужор лълъадигун лъимал
Меседил ччугӏа ингун,
Бекараб раса ссверухъ
Сагулабиги ретӏун. 

Гьале, нуж хисаралги 
Гьебго дармида руго,
Гъоркь ругезухъа бахъун
Тӏад ругезухъе баччун. 

Гьел нуж рихьун кантӏичӏо
Кибго гьединан бугин,
Бикъичӏони ракъулеб
Замана бачӏун бугин. 
Дунялалда риххарал
Аххиратги биларал,
Огь, нуж цӏцIикӏкӏун ругел куц,
ЦӏцIогьорал хӏакимзаби!


Хӏабиб Давудилазул 




1.14.2018

ГУРО, МУГIРУЗУЛ ЯС ڬۇرۈ، مۇعرۇزۇل ياس

ڬۇرۈ،  مۇعرۇزۇل ياس.

ڄېعېرال غالازدې غالايڬێ بێڿان،
غارێمڸێ ئۇنڬۈ دۇر دێر ماعارۇلاي.
عێڞال ماحابازدا هېب قۈقاب ڬۈردې
هێقې قادرۇيالدا،  رېقۈن بۇڬێۺان.

ڬۇرۈ،  مۇعرۇزۇل ياس،  ماعارۇل كۈڃۈهان
ۺوارال ئێختێيارال دۇڅا راڅۇلېو.
ارال ئۇمۇمۇزۇل اداب رېخارال
خاصێياتال تېيان وۇڬۈ هارۇلېو.

ځېراو دۇرڬۈ ئێنصۇل څاحڸاراب بېطېر
بۈرخێزې گۈلارېب رۈهۈ بۈسۇڬې.
«بېرښێناب» عۇمرۇدې سافارڬێ بۇڮۇن
ساردازدا عۈدێزې طامۇڬې ئېبېل.

زاماناڷۇل ئێخاز څامۇن ئۇنېو دۇن،
نۇجۈر قادرۇيالدا وۇڬۈ ځۇرخۇنېو.
قابێحاب عاصرۇدال عازداڶ رېۺطاراب،
دێر كۈڃۈڛا نۇجېڶ بالاهۇلېب ئێځ.

حابێب داوۇدێلازۇل


ГУРО, МУГIРУЗУЛ ЯС.

ЧIчIегIерал гъалазде гъалайги биччан,
Гъаримлъи унго дур дир магIарулай.
ГIицIцIал махIабазда гьеб къокъаб горде
Гьикъе къадруялда, рекъон бугищан.

Гуро, мугIрузул яс, магIарул шагIир
Щварал иххтиярал духъа рахъулев.
Арал умумузул адаб реххарал
Ххассиятал теян вуго гьарулев.

Херав дурго инссул хъахIлъараб бетIер
Борххизе кIолареб ругьу босуге.
«Берцинаб» гIумруде сапарги бухьун
Сардазда гIодизе тIамуге эбел.

Заманалълъул иххаз хъамун унев дун,
Нужор къадруялда вуго ххурххунев.
КъабихIаб гIассрудал гIаздалI рещтIараб,
Дир кочIоцца нужелI балагьулеб их.

Давуд ХIабибилазул