ڸالڅې ماعارۇلاو، حۇڮ
باڅې داهاڷ.
دێڛا سالام ڨۈلا، هال
دێر مۇعرۇزې،
رۈرخاتال، قێماتال، مۇعرۇل ۺۈبازې،
ۺۈبال راځۇن ئۇنېل،
صوېرێ عېمېرال،
عاطێدال، قوارێدال، سۇڅماڅ نۇځازې،
مۇعرۇزۇل كاراندا كۇنڃۇن بېرۈلېل،
هېقۈن قېچ سۇنارېل،
ئێڛۇل ڷێنازې،
ڸالڅێڬۈ هېڃۈڬۈ، چواخۇن
راڃۇنېل،
ڨۇرۇڶان، ڴالاڅان، مۇعرۇل ڸارازدې.
ڸالڅې ماعارۇلاو، حۇڮ
باڅې داهاڷ،
حۇڮ باڅێزې چۇڬێ عۇردادې بێڿان.
دۇڛا گال ڃوان هېقې ښۈ حال بێڮێزې
حێكماتاب ئێڛۇل ڷێن،
مۇعرۇل كاراندا.
هېڷ هابێلا دۇيې گۇدێياب اسار،
هېڷ بێښێنا دۇيې ارال ئێځازۇل.
چان ڶۇها - باڅێنال،
چان قوارێڸابێ،
ڸاراڛا رۈسارال، عۈراڷ
څامۇرال.
ڸالڅې ماعارۇلاو، هابې
ښۈ حێساب،
حالگۈڸێ عېمېراب دۇر طاڸێياڷۇل.
ڸالڅې ماعارۇلاو، حۇڮ
باڅې داهاڷ،
حۇڮ باڅێزې چۇڬێ عۇردادې بێڿان.
دێڛا سالام ڨۈلا ڨۇرۇل صوېرابێ،
ڨۇرێڃۈڬۈ ڄارال، طۈلڬۈ
عاصرۇياڷ.
دێڛا سالام ڨۈلا، دێر
طاڸێياڷۇل،
ڷێيېڬۈ قۇرڨێڃېل ئێمامزابازې.
هېزۇل ڸالگدا خادۇب،
غازاوات هابۇن،
رۇح بێچۇن راغارال غازێزابازدې.
دێر داغێستاناڷۇل، ماعارۇلازۇل،
ماشهۇرال ڞارازې، مېسېداڸ
څوارال.
ڸالڅې ماعارۇلاو، حۇڮ
باڅې داهاڷ،
حۇڮ باڅێزې چۇڬێ عۇردادې بێڿان.
عۇماربېڬ ساعێدێلازۇل.
چابڅادۇڶ مۈڞ ٢٠١٦ سۈن.
Лъалхъе магIарулав, хIухь бахъе дагьалълъ.
Дицца салам кьола, гьал дир мугIрузе,
Рорххатал, къиматал, мугIрул щобазе,
Щобал рахун унел, ссвери гIемерал,
ГIатIидал, къваридал, сухъмахъ нухазе,
МугIрузул каранда кунчIун беролел,
Гьекъон къеч ссунарел, иццул лълъиназе,
Лъалхъиго гьечIого, чваххун рачIунел,
КьурулIан, кIкIалахъан, мугIрул лъаразде.
Лъалхъе магIарулав, хIухь бахъе дагьалълъ,
ХIухь бахъизе чуги гIурдаде биччан.
Дуцца кIал чIван гьекъе цо хIал бихьизе
ХIикматаб иццул лълъин, мугIрул каранда.
Гьелълъ гьабила дуе кIудияб асар,
Гьелълъ бицина дуе арал ихазул.
Чан лIугьа-бахъинал, чан къварилъаби,
Лъарацца росарал, гIоралълъ хъамурал.
Лъалхъе магIарулав, гьабе цо хIисаб,
ХIалкIолъи гIемераб дур тIалъиялълъул.
Лъалхъе магIарулав, хIухь бахъе дагьалълъ,
ХIухь бахъизе чуги гIурдаде биччан.
Дицца салам кьола кьурул ссвераби,
КьуричIого чIчIарал, тIолго гIассруялълъ.
Дицца салам кьола, дир тIалъиялълъул,
Лълъиего къуркьичIел имамзабазе.
Гьезул лъалкIда ххадуб, гъазават гьабун,
РухI бичун рагъарал гъазизабазде.
Дир Дагъистаналълъул, магIарулазул,
Машгьурал цIцIаразе, меседалълъ хъварал.
Лъалхъе магIарулав, хIухь бахъе дагьалълъ,
ХIухь бахъизе чуги гIурдаде биччан.
ГIумарбег СагIидилазул.
ЧабхъадулI моцIцI 2016 сон.
