هارداراصې شۇكرۇ ۺاي هابۇلارېب؟

هارداراصې شۇكرۇ ۺاي هابۇلارېب؟

هاب دۇنێيالاڷۇل حێساب هابێدال

حاسراتڬۈ گۇطۇلا دێر كاراندا راگ.

صوېرۇڅ خالێقاصۇل حالگۈڸێياڷۇل

حێكماتال رێڮێدال فاناڸۇلا چېرخ.

خێيالال هارۇلا دێڛا عېمېرال.

خالێقاص بێجاراب هاب عالاماڷۇل.

عالاماتال رێڮۇن يێخۇن خۇطۇلا

خالێقاصۇل قۇدرات حالگۈڸێ بێڮۇن.

هېڃېڸۇصان رۈسۇن مۇعرۇل رێجاراو

مۇعرۇزې صانڬارڸۇن ڨۇرابێ ڨۇراو

ڨۇرابازۇل قواگێ چارمێل هابۇراو

هارداراصې شۇكرۇ ۺاي هابۇلارېب؟

راڨۇڶان قواطێبې ڷێم نێڶېي ڨۇراو

هېب هارزاڬێ هابۇن عۈرال عۇڞاراو

رۈڮالڬێ غۇطبێڬێ رێجێزارۇراو

هارداراصې شۇكرۇ ۺاي هابۇلارېب؟

حارۺۇل ادام هاوۇن هېصێي حاوا ڨۇن

عادامال رێجێزې حالگۈڸێ عۇراو

عۇمرۇڬێ عامالڬێ خالقاڷې ڨۇراو

هارداراصې شۇكرۇ ۺاي هابۇلارېب؟

خالقۇل عالاماڷې ئێسلام ماڷێزې

راسۇلۇلاه نێڷېي جێنڛا وێطاراو

واحيۇ هابێياڷې جێبرێل وێجاراو

هارداراصې شۇكرۇ ۺاي هابۇلارېب؟

ۺۈبالڬێ مۇعرۇلڬێ عۈرال ڸارالڬێ

عېلمۇڬێ عۇمرۇڬێ دێنڬێ دۇنيالڬێ

نێڶېيې بێجاراو نێڶ ڮێڮۇن رۇڬېو.

هارداراصې شۇكرۇ ۺاي هابۇلارېب؟

الجانڬێمۇ جۇجاح صێراطڬێن عازاب

بێجاراو بېطېرهان عالامۇل سۇلطان

جۇجاح طاصا ئێنې كاك گال ڨۇراڷۇڅ

هارداراصې شۇكرۇ ۺاي هابۇلارېب؟

سۈردۈ قۈ باقڬێن مۈڞ ځاسېل ئێخ رێئێ

رېقېزې هابۇراو قۇدراتاو الله

ڞادال راي هۇرال فۇي جێنداڸۇن بۇڬېو.

هارداراصې شۇكرۇ ۺاي هابۇلارېب؟

طۈلڬۈ ئێنسانێيات عاقلۇ ڸايڬێ ڨۇن

راڨالدې بێڿاراو خێرێياو الله

عېلمۇڬێ عادلۇڬێ نێڶېي ماڷۇلېو.

هارداراصې شۇكرۇ ۺاي هابۇلارېب؟

قاصێ ڨێجێياڷې ماڨۇ ئۇرغاراو

رادال راڅێناڷې كۇمېك هابۇلېو

دۇنيال عالاماڷې كۇښ مۇڅ بێگاراو.

هارداراصې شۇكرۇ ۺاي هابۇلارېب؟

عانگۇدال ځێنڸێياڷ خانێدا جانێب

رۇح ڨۇن طێنڄ باڅێزې قۇدرات حالگۈلېو

طۈلڬۈ دۇنيالالدا ماخلۇق بێجاراو

هارداراصې شۇكرۇ ۺاي هابۇلارېب؟

خالێقاص بێجاراب طۈلابڬۈ ماخلۇق.

رېځصېزې گوېلارۈ زاعێفاي دێدا.

اما داهابنێڬێ رېځصۈن تېلا هېب.

شۇكرۇ راحماناصې خالقاڷ هابێزې.

شێعرابازې هۇنار بۇڬېيڸۇن ڬۇرۈ.

شۇكرۇ هابێياڷۇل بێښۇنېي يێڬۈ.

دۇنيالاڷۇل رۈقۈر قادێراص ڨۇرال.

نێعماتازې شۇكرۇ كامێزې تۈڬې.

ئێزانێصا نۇښالځانازۇل مادێنات

طاد يۇصا

طاد يۇصا.

طاد يۇصا،  يۈڨۇلېي،  بۈڨۇن هېڃۈ دێي

نێڶېر رۈڨۇل ڞوابزال ڝايال صواراب زۈب،

ڞۈرۈراب رۇقاڷۇل قېدا دالاراب

دۇر صۇراتاڷ ڨۈلېل ڨۈعال سۇئالال.

طاد يۇصا،  رێڨارال رۈڨۇل نۇځازدا

ڨۈيال زاماناڷۇل ڸاراز ئێنالدې.

نێڶېر حاسراتاڷۇل حۇڮېل ڮێڮارال

ڮۇڮال راقوالېلدې،  رێئێ ئێنالدې.

طاد يۇصا،  طانځاڛا طادې دۇغڬێ ڞان،

طۈڛېبې قۈچاراب قۈ راگالدې ۺۇن.

راگالدې ۺوېزابې،  گۈچۈن تېلالدې

دۈل گۇطبازۇل طاعام،  دۇر غالازۇل ماح.

طاد يۇصا،  راطاڸێ رێڴاڸاناعان،

راگازۇڅې ئۇنېل كۇمال طېلالدې.

طاد يۇصۇنېب نۇځدا دێر عايێبازۇل،

عازۇل بۇراناڶان ئێنې ڭانێڬێ.

طاد يۇصا،  ڛېبېڬۈ طاصا ڶۇها يان،

طاغۇر باڅۇن بۇڬێن دێر ڃۇحێياڷ دۇي.

ڃۈبۈڬۈ خۇطاراب رېگېل تاخێدې

ياځا دێر خێرێياي،  ځوېزې تۈڬې دۇن!

حابێب داوۇدێلازۇل

عۇماخاناصۇل قانۇنال

عۇماخاناصۇل قانۇنال

«عۇماخاناصۇل قانۇنال» ابۇن تارێخالدا جانێب ماشهۇراب،  قێمات طۈگاب، عېلمێياب،  سێياسێياب وا جامعێياب ڮوادا - ڃوادێياڷۇل طادقايال،  بێښانێڅې،  نێڶېدا كۈدۈبې ۺۇن بۇڬۈ،  ١٩٤٦ سۈنالدا شامێل مۇڅاڷۇل هاندێڅ رۈسۇڶ ښۈ نېگصێياب عاراب طېڮالدا هۈرڨۈب باتۇن. هېب څوان بۇڬۈ عاراب ماڞالدا وا هېلدا بێڮێزېڬێ هابۇن بۇڬۈ قانۇن جێنڛا داندې هابۇراو گۇدێياب عېلمۇياڷۇل وا عاقلۇياڷۇل بېطېرهان خۇنزاڅا عۇماخان ځواراب زامان هێجراياڸۇل ١٠٤٤،  ڝێياب قاعێدايالداڸۇن ١٦٣٤ سۈن ڭۈلێلان. بالاهاراب مېخالدا،  هېب بۇگێنې ڭۈلا ۱۶ عاصرۇياڷۇل اخێر وا ۱۷ عاصرۇياڷۇل اوال.

عارابالداصان هېب طۈڛېبې ماعارۇل ماڞالدې بۇصێنابۇن بۇڬۈ ئۇستاز حاجێمۇراد خاشايێلازۇل هارێيالدا رېقۈن،  ڝاداصا حامزاتێڛا.

بۈطرۈدا ياڸۇنێ چۈڮۈدا رۇغۇن ڸۇن بۇڬۈنێ،  هېب بۈطرۈدا ڸۇراب رۇغۇن عادال ناځۇدې ۺۇن بۇڬۈنێ،  ياڸۇنێ چۈڮۈدا ڸۇراب رۇغۇن باڨازدا څوان بۇڬۈنێ،  رۇغۇن ڸۇراصۇڅا باڅێزې ٦٦ چاڅۇ - ڨېعېر.

راغۇلاڬۈ ښۈياص ښۈڬێداصۇل گێيابڬۈ بېر باڅانێ،  عايێبێياصۇڅا باڅێزې ٢٠٠ چاڅۇ،  ښۈياب بېر باڅانێ – ١٠٠ چاڅۇ.

گێيابڬۈ كوېر قۈطانێ،  ياڬێ عاجێزڸێزابۇنێ،  عايێبێياصۇڅا باڅێزې ٢٠٠ چاڅۇ. ښۈياب كوېر قۈطانێ،  ياڬێ عاجێزڸێزابۇنێ باڅێزې ١٠٠ چاڅۇ.

هېدێنابڬۈ عاگا باڅێزې بۈخدۇل قۈطانێ ياڬێ هېل عاجێزڸێزارۇنێ.

ښۈياب عێن قۈطانێ،  عايێبێياصۇڅا جاماعاتاڷې فايداياڷې باڅێزې ٥٠ چاڅۇ وا عێن قۈطاراصې ڨېزې ڄېزابۇراب رۈښېنالدا عاگا. گێيابڬۈ عێن قۈطانێ،  باڅێزې ١٠٠ چاڅۇ.

نێڶېر راڨاڷۇل چێياص چێيار راڨالداصا واڃاراو ڃوانێ،  وا ڃواراصۇل عاڬارڸێياڷ ڃوادارۇڅان حێسابالدا هېو وێڮێزاوۇلېو وۇڬێلانڬێ راعۇن،  باڸڬۈ غۈرڨان هېصۇڅې رېقېل طالاب هابێزې چێڬێ رێطۇن،  هېز ڃوادارۇڅان ݭۈڬێداو وۇڬێلان وێڮێزاوۇنێ،  وا هېلدا خاناصۇل دێوانچاعێ شاكڸۇلېلڬێ رۇڬۈنێ،  هېدێزې ڭۈلا ڃواراصۇل ١٠ عاڬاراو چێ. هېل هېدۇلېل رۇڬۈنێ،  ئێش هېلداڸۇن ڶۇعێزې تۈلا،  هېدێزې ئێنكار هابۇنێ،  شاكڸێ بۇڬېصداصا باڅێزې رېڝېلاڷۇل باۺداب.

ښۈ ڷێڛا بۇڬۈنێڬێ عايێب هېڃېب چێيار هوې ڃوانێ،  هېب ڃواراصۇڅا باڅێزې هېدێنابڬۈ هوې وا ښۈ چاڅۇ،  ناڬاه هوې ڃوان بۇڬۈنێ ښۈ كێناب بۇڬۈنێڬێ عايێب ڭۇن،  هېب مېخاڷ باڅێزې هېدێنابڬۈ هوې ياڸۇنێ ښۈ چاڅۇ.

هوېل بېطېرهاناص ڄېزابۇلېب بۇڬۈنێ،  هوې عايێب هېڃۈڬۈ ڃوان بۇڬێن،  عايێبێياوڬێ ڄۇن وۇڬۈنێ هوې عايێب ڭۇن ڃوانێلان،  هېب مېخاڷ عايێبێياو هېدێزې ڭۈلا قۇرئانالدا كوېرڬێ څواڃۈڬۈ. هېدێزې بېهۇلا گۇدێياو چێڬێ،  بالۇغڸێيالدې واځێنڃېوڬێ. هېدۇلېو هېڃۈنێ،  هېصۇڅا باڅۇلا عاگا.

كېتۇ ڃوانێ،  باڅێزې هېدێنابڬۈ كېتۇ. حېلېكۈ ڃوانێ،  باڅێزې حېلېكۈ،  عانگۇ ڃوانێ،  باڅێزې عانگۇ.

راغێزې ڭاراب باگالدا ۺێو وۇڬۈنێڬێ ڃوان وۇڬۈنێ،  عايێبێياوڬێ ڸالېو هېڃۈنێ،  اما ڃواراصۇل عاڬارڸێياڷۇل شاكڸێڬێ ښۈ ڷێدې بۇڬۈنێڬێ ڭۇن بۇڬۈنێ،  هېو شاكڸێ ڭاراو هېدێزې ڭۈلا ١٠ چێڬۇن ښاداڅ.

ناڬاه هېدێنابڬۈ حالالدا ښۈ ۺێو وۇڬۈنێڬێ ڷۇقۇن وۇڬۈنێ،  شاكڸێ ڭاراو هېدێزې ڭۈلا ٣ چێڬۇن ښاداڅ.

كێلێۺ قۈطاراڷۇڅ باڅێزې ١٥ چاڅۇ. هېدێنابڬۈ عادلۇ ۺێباب قۈطاراب كێلۺێڅ.

ناڬاه ڷۇقۇن وۇڬۈنێ،  عايێبێياوڬێ ڸالېو هېڃۈنێ،  ڷۇقاراصۇل عاڬارڸێياڷ ٣ قۈيالدا جانێب جێدېرڬۈ شاكڸێ ڭاراب باگ بێښێنڃۈنێ،  هېزۇڅا باڅۇلا ئۇنقڬۈ بۇطا هابۇن ښۈ بۇطا راطالاڷۈل هاڞۇل.

ڷێدا بۇڬۈنێڬێ جانێبې باهاراب رۇغۇن ڸۇنانێ،  هېب رۇغۇن بۈرښۇنا هۈرڨۈڅېب بێڛاڸێياڷۇل كێلۺاز عېبڸۇڅې. ۺێباب كێلێۺ رێڴۇن عايێبێياصۇڅا باڅۇلا ښۈ چاڅۇ. رۇغۇن بۈرښێنې كێلۺازۇل قادار ڞێڴارابعان،  ڞێڴۇنا عايێبێياصۇڅا راڅۇلېل چاڅابازۇل قادارڬێ.

خۈنجرۈڛا ياڬێ نۇس ڨابۇن ڸۇراب رۇغۇنڬێ بۈرښۇنا هۈرڨۈڅېب بێڛاڸێياڷۇل كێلۺاز وا كێلێۺاڷۇل عېبڸێ بۇڬېب رۇغناڅ باڅۇلا باۺداب چاڅۇ،  گێڬۈ كێلێۺ عېبڸۇدا بۇڬېب رۇغۇن بۇڬۈنێ چاڅۇ.

داعبا - راغ هېڃۈڬۈ چێ ڷۇقانێ،  بۈرښێنې ڭۈلا رۇغۇن. رۇغنال باها گێڬۈ چاڅداداصا ڞێڴۇنېب هېڃۈنێ،  شاكڸێ بۇڬېص جێوڬۈ واڞاد هاوێزې بېهۇلا هېدێيالداڸۇن. رۇغنال باها ڸابڬۈ چاڅدادا باۺاڸانێ،  شاكڸێ ڭاراصدا ښاداڅ هېدێزې ڭۈلا ښۈڬێ چێ. رۇغنال باها ڞێڴاناعان،  ڞێڴۇنا هېدێزې ڭۈلېزۇل قادارڬێ.

ڷێڛا بۇڬۈنێڬێ ښۈڬێياصۇل حاطێلخێنگ بېكانێ،  عايێبێياصۇڅا باڅۇلا ١٠ چاڅۇ. هېڷۇل ښۈ بۇطا بېكاراصۇڅا باڅۇلا ٥ چاڅۇ.

بۈطرۈدا رۇغۇن ڸۇن بۇڬۈنێ،  هېب رۇغۇنڬێ بۈطرۈل طۈڛېبېصېب څالالدا څوالېب بۇڬۈنێ عايێبێياصۇڅا باڅۇلا ١ چاڅۇ - ڨېعېر،  رۇغۇن بۈطرۈل گێئابێلېب څالالدا څوالېب بۇڬۈنێ – ٢ چاڅۇ - ڨېعېر،  ناڬاه رۇغۇن بۈطرۈل راڨايالدا څوالېب بۇڬۈنێ – ١٠ چاڅۇ - ڨېعېر.

چێ ڷۇقۇن وۇڬۈنێ وا ڷۇقاراصۇڅې دارۇچێ احێزې ڭېلێن گێڬۈ چێياصڬێ ابۇلېب بۇڬۈنێ،  عايێبێياص جێندێرڬۈ چوانتێنێصا عاراښڬێ ڨۇن احێزې ڭۈلا دارۇچێ،  اما هېو دارۇچێ احێزې عېدېعۇلېو هېڃۈنێ،  هېصداصا باڅۇلا ئۇنقڬۈ بۇطا هابۇن ښۈ بۇطا راطالاڷۇل هاڞۇل.

گالدێب زار ڨابعۇن ياڬێ كێن بۇڬۈنێڬێ عۇساڷې زارال هابۇن بۇڬۈنێ،  عايێبێياصۇڅا باڅۇلا ١٠ چاڅۇ.

ښۈ ڮابالاڅعۇڃ بېكۇن بۇڬۈنێ،  وا هېنێب رۇغۇن ڸۇن بۇڬۈنێ عايێبێياصۇڅا باڅۇلا ٥ چاڅۇ. ماسالا،  رۇغۇن ڶۇهۇن هېڃۈنێ – ٣ چاڅۇ. ياڸۇنێ هېزدا هۈرڨۈب داعبا ڭانێ،  ڮابالاڅعۇڃ ياڬێ راڨا بېكۇن هېڃۈنێ،  هېب مېخاڷ عايێبێياصۇل عاڬارڸێياڷۇل چاعێ هېدێزې ڭۈلا بێڮێزابۇراب باگ بېكۇن هېڃێلان.

هۈد بېكانێ،  عايێبێياصۇڅا باڅۇلا ٥ چاڅۇ.

گێڬۈياو واغێزېڬێ ڭۇن،  ښۈښادا ڨابعۇن بۇڬۈنێ،  طۈڛېبې جۈ ڨابۇراصداصا باڅۇلا ٢ چاڅۇ،  داندێياصڬێ ڨابۇن بۇڬۈنێ،  هېصداصا باڅۇلا چاڅۇ. ناڬاهڸۇن ښۈنێڬێياصې حالاي واڅاراصڬێ جۈ ڨابانێ،  هېصداصا باڅێزې ٣ چاڅۇ.

خۇنجرۇل راڅۇن ښۈښازې حێنقابێ ڨۈلېل رۇڬۈنێ،  ۺێواصدا ښۈ - ښۈ چاڅۇ باڅۇلا.

داعبا هابێزېڸۇن ياراغ بان بۇڬۈنێ،  هېب ياراغ حالطێزې هابێڃۈنێڬێ هېصداصا باڅۇلا ١ چاڅۇ.

ڬۈدېگانێو گێڬۈياو واغانێ،  طۈڛېبې جۈ ڨاباراصداصا باڅۇلا ٢ ئۈښۈل باهاياب عاگا.

ڸێمادې يێڬېي ڄۇجۇ ڃوانێ،  ڃواراصۇڅا باڅێزې گێڬۈ نۇځاڷ ڞێڴۇن رېڝېل.

ڸێمادې يێگێن باخچۇن باتانێ،  باڅۇن تېزې رېڝېلڬێ ١٠ چاڅۇڬێ.

چێ ڃواراص ١٠ قۈيالدا جانێب رۈسۇ تېزې ڭۈلا. رېڝېل بێڮێزابۇراب زامانالدا ڨۈلېب هېڃۈنێ،  هېب ڨېزېعان ۺێباب قۈياڷ ښۈ - ښۈ چاڅۇ باڅۇلا. عايێبێيازۇڅا رېڝېل طالاب هابۇلا جاماعاتاڷ طامۇراو ٦ چێياص.

جێدېرڬۈ بێدۇلاو ڸابڬۈ سۈن ئێنالدې ڃواراص رېڝېلڬێ ښۈڬێدال خارجالڬێ طاد رۇصێنارۇلا وا هېو چێ رۈسۇ تۇن ئێنې ڭۈلا.

ڃواراصۇل عاڬارڸێياڷ بێدۇلاو رۈسۇڶې واڃێنې ئێزنۇ ڨۇن خادۇو ڃوانانێ،  هېو ڃواراصۇڅا باڅۇلا رېڝېل،  ښۈڬێدالڬێ خارجال وا هېو رۈسۇڶا قواطێوې غۈلا.

ڃواراصۇل عاڬارڸێياڷ،  رېقېل هابێلېلدې،  بێدۇلاصۇل مێنا بۇحانێ،  هېزۇڅا رېڝېل باڅۇلارۈ.

هېدێزې وێڮێزاوۇراو انڝڬۈياصۇل ښۈياص ئێنكار هابۇلېب بۇڬۈنێ،  هېصۇل باگالدا طامۇلا گێڬۈ ڄۇجۇعادان.

ڃواراصۇل (ڷۇقاراصۇل) عاڬارڸێياڷ ياڬێ ئێرسێلاز ښۈ ياڬێ گێڬۈ نۇځاڷ بێدۇلاصۇل عاڬارڸێياڷۇڅې چێ وێطانێ وا هېل هېڷێيې مۇگۇرڸۇلېل هېڃۈنێ،  خادۇصېل قۈياز مۇگۇرڸێ رێڴۇنارۈ.

بێدۇلاصۇل عاڬارڸێياڷ ياڬێ ئێرسێلاز ابۇنێ بێدۇلاو رۈقۈو هېڃێن وا هېصۇل ڞار بێښانێ،  ئێزنۇ ڨۈلا ٣ قۈياڷ رالاهۇن ڄېزې. هېو رۈقۈوې واڃانێ وا مۇگۇرڸانێ،  ئێش طۇبالا عاماب قاعێداياڷ،  اي رېڝېلڬێ باڅۇن.

ښۈياص ښۈياو ڷۇقانێ وا عايێبێياو هېڷێيې مۇگۇرڸانێ،  اما رۇغۇناڷۇل رۈښېنالدا طاصان هېزدا هۈرڨۈب داعبا ڭانێ: ماسالا،  عايێبێياص ابۇنێ،  رۇغۇن ٣ طۈڛېبېصېب څالالدې ۺوېزېعان ڬۇرۈنێ هېڃێلان،  هېو هېدێزې ڭۈلا ښۈ عاڬاراو چێڬۇن، گێئابێلېب څالالدې ۺۇن بۇڬێلان ابۇنێ – هېدۇلا گێڬۈ عاڬاراو چێڬۇن،  بۈطرۈل راڨايالدې رۇغۇن ۺۇن بۇڬێلان ابۇنێ – ڸابڬۈ عاڬاراو چێڬۇن. هېدێنڬۈ طۇبالا داعبا ښۈڬێدال رۇغنازۇل راڅاڶانڬێ.

رۈسۇڶا قواطێوې غۇراو بێدۇلاص،  ڄېزې بێڮێزابۇراب باگ ځێسانێ،  هېصۇڅا باڅۇلا راطال هاڞۇل. مۇگۇرڸێڃۈنێ هېو هېدێزې ڭۈلا ڷادۇدا ڞارڬێ طامۇن.

باطێياب راڨاڷۇل چێياص نێڶېر راڨاڷۇل چێياصې قوارێڸێ هابۇن بۇڬۈنێ وا هېب هابێياڷۇڶ نێڶېر راڨاڷۇل چێياصڬێ عاڮالڸێ هابۇن بۇگێنالدا شاكڸێ بۇڬۈنێ هېدێزې ڭۈلا هېصۇل رۈسۇڶا قادرۇ هابۇلېو ڸابڬۈ چێ. هېل هېدانێ،  هېو عايێب هېڃېوڸۇن رێڴۇنا،  هېدێڃۈنێ،  نێڶېر راڨاڷۇل عاداتالدا رېقۈن هېصۇڅا باڅۇلا هاڞۇل گێڬۈ راطال.

چاڅۇ بێقۇن بۇڬۈنێ وا شاكڸێ ڭاراو مۇگۇرڸۇلېو هېڃۈنێ،  هېو عايێب هېڃېوڸۇن رێڴۇنا،  چاڅدال بېطېرهاناص ڞار ڃواراو چێڬۇن ݭاداڅ هېدانێ. نۇعاص هېدێزې ئێنكار هابۇنێ،  ڞۈهۈراص ڸابڬۈ نۇځاڷ ڞێڴاراب رېڝېل ڨېزې ڭۈلا.

رۈقۈصا قايێ بێقۇن بۇڬۈنێ وا شاكڸێ ڭاراص هېڷێيې ئێنكار هابۇنێ،  ڞۈه طادڄېزابۇرابڸۇن رێڴۇنا،  رۈسۇڶا چێياص هېب رێطۇڅ هابۇنێ. هېب مېخاڷ شاكڸێ ڭاراص واڞاداو وۇگێن ڄېزابێزېڸۇن جێنداڬۈ ښاداڅ هېدێزاوێزې ڭۈلا ٦ عاڬاراو چێ. ناڬاه شاكڸێ ڭاراص هېدێزې ئێنكار هابۇنێ،  جێندێر هادێ - هادێناب قايێ هېو چێياص بێقانێلان،  ښاداڅ ڸابڬۈ چێڬێ واچۇن هېدێزې ڭۈلا قوارێڸێ ڭاراو چێ. بێقاراب جۈ راطالداصا باگاب باتێڃۈنێ،  عاگاڬێ باڅێڃۈڬۈ،  بێقاراڷۇل رېڝېل بۈسۇن تېزې بېهۇلا. ناڬاه رۈسۇڶ هېب ڞۈه هابۇلېو وێڮانێلان ابۇلېو چێ واتێڃۈنێ،  ڞۈه هابێ رێطۇڅ هابۇن ها بازې ڭۈلا،  ښاداڅ ښۈ عاڬاراو چێڬێ واچۇن،  رۇقاڷۇل بېطېرهاناص. رۈسۇڶا ٦ چێڬۇن ښاداڅ ڞۈه ڄاراو هېدانێ،  هېو عايێب هېڃېوڸۇن رێڴۇنا.

چۇ،  عۈرڞېن ياڬێ عالا بێقانێ ياڬێ ڃوانێ،  وا بېطېرهانچێياص شاكڸێ ڭاراو وێڮێزاوۇنێ،  هېو ٦ چێڬۇن ښاداڅ هېدێزې ڭۈلا. هېل هېدۇلېل چاعێڬێ رۇگێنې ڭۈلا بېطېرهانچێياص ڞار ڃوارال؛ هېدێزې ئێنكار هابۇنێ،  ڞۈهۈراص بېڝێزې ڭۈلا رۈسۇڶا ٣ رێطۇڅاو چێياص ابۇراب قادارالدا بێقاراڷۇل باها. داعبا ښۈڬێداب بۈڞۇدا طاصان ڭۇن بۇڬۈنێ،  هېدۇلېزۇل قادار ڄېزابۇلا: ئۈښ بێقانێ – ٤،  عاكا بێقانێ – ٣،  ناطێح بێقانێ – ٢،  بېچې بێقانێ – ٣ چێ. هېز هېدێزې ئێنكار هابۇنێ عايێبێياص بېڝێزې ڭۈلا رۈسۇڶا ٣ رێطۇڅاو چێياص ابۇراب قادارالدا بێقاراڷۇل باها.

چاڅۇ بێقانێ وا هېب بێقێياڷې ڞۈهۈر مۇگۇرڸانێ،  هېصۇڅا باڅۇلا عێڞڬۈ چاڅۇ وا ڞۈهۈدێياڷې عۈلۈ عاگا.

قايێياڷۇل ۺێب بۇگانێڬێ جۈ بێقۇن بۇڬۈنێ وا هېڷۇل حاقاڷۇڶ خاناصدا عێڞڬۈ ڸاعالێداصان ڬۇرۈنێ ڸازابۇن هېڃۈنێ،  هېصۇل عارزا خال هابێڃۈڬۈ تۈلا.

ڷێڛا بۇگانێڬێ ښۈڬێداصدا ڞۈه ڃوان بۇڬۈنێ وا شاكڸێ ڭاراص داندېڬێ ڸازابۇنێ، جێندې ڞۈه ڃواراص ياڬێ هېصۇل عاڬارڸێياڷ جێندێرڬێ جۈ بێقۇن بۇڬێلان،  هېصۇل عارزا ڸابڬۈ مۈڞ ئێنېعان قابۇل هابۇلارۈ.

ځۇرێصا حاما ڝۇرال ڬۇلال رێقۇن رۇڬێلان ڸازابۇنێ وا شاكڸێ ڭاراو هېڷێيې مۇگۇرڸۇلېو هېڃۈنێ،  هېو واڞاڸۇلا ښۈ چێڬۇن ښاداڅ هېدانێ،  حامێداصا داهاب جۈ بۇگۇن باتانێ،  جێوڬۈ هېدانێڬێ عۈلا. هېدێنڬۈ طۇبالا خېر بێقێيالدا طاصان ڭاراب داعباڬێ.

گێڬۈ ياڬێ ڞێڴۇن چێ رېقۈن چاڅۇ،  كۇي،  ياڬێ ڞې بێقۇن بۇڬۈنێ وا هېل ڞۈهاڷې مۇگۇرڸانێ،  هېزۇڅا باڅۇلا بێقاراب ښۈياڷۇڅ ٣ بېطېر. هېلدې طادېڬێ ۺێواصۇڅا عاگادۇيې باڅۇلا ١، ٥ راطال هاڞۇلڬێ. اما هېل ڞۈهاڷې مۇگۇرڸۇلېل هېڃۈنێ،  بېطېرهانچێياصې ئێختێيار ڨۈلا هېزۇل ښۈياصدې عايێب عۇنطێزابێزې،  ئێنكار هابۇلېب بۇڬۈنێ،  واڞاڸێزېڸۇن هېو هېدێزې ڭۈلا،  ښۈ چاڅۇ بێقۇن بۇڬۈنێ – جێوڬۈ،  گێڬۈ بێقۇن بۇڬۈنێ – هېصۇل عاڬارال چاعێڬۇن. عاڬارڸێ هېدۇلېب هېڃۈنێ وا بېطېرهانچێياصې زارال طاد بۇصێنابێزې ڭۈلېب بۇڬۈنێ،  هېصۇل ئێختێيار بۇڬۈ ښاداڅ رۇگارازدا رېڝېل ڨېياڷۇڶ عاڮالڸێ هابېيان ابێزې. هېل رازێڸانێ،  رېڝېل كێنازڬۈ ښاداڅ ڨۈلا،  ئێنكار هابۇلېب بۇڬۈنێ،  هېلڬێ هېدێزې ڭۈلا جێدېڛا ڞۈهاڷۇڶ كێناب بۇڬۈنێڬێ عاڮالڸێ هابێڃێلان وا هان كواناڃێلان. هېدۇلېل هېڃۈنێ،  هېلڬێ ڞۈه هابۇرالڸۇن رێڴۇنا وا باۺادڬۈ جاوابڬێ ڨېزې ڭۈلا.

ښۈڬۈ رۈقۈب گێڬۈ سۈردۈياڷ طاطالا ڞۈه هابۇن بۇڬۈنێ وا ڞۈهۈرڬێ گێئابێلېب سۈردۈياڷ ڬۇرۈنێ ڭوېزې ۺوېڃۈنێ،  هېصدې طادې باڃۇنا طۈڛېبېصېب هابۇراب ڞۈهڬێ.

حالێڛا رۈقۈوېڬێ واڃۇن،  هېنێصا ۺێب بۇگانێڬێ بۈسانێ،  عايێبێياصۇڅا باڅۇلا هېص بۈساراب جۈڬێ عاگاياڷې ښۈ چاڅۇڬێ. عاگا ئۇنا خاناصۇل راغۇڅابازې. رۈقۈوېڬێ ڶۇهۇن،  ۺێبنێڬێ جۈ بۈسۇن هېڃۈنێ،  هېصۇڅا باڅۇلا عاگا – ښۈ چاڅۇ. هېب ئێشاڷۇڶ چانڬۈ چێياص عاڮالڸێ هابۇن بۇڬۈنێ،  هېزۇل ۺێواصۇڅا داعبا ڶۇعێزېعان ۺێباب قۈياڷ باڅۇلا عاگا – ښۈ - ښۈ چاڅۇ.

نێڶېر راڨاڷۇل چێياصې باطێياب راڨاڷۇل چێياص قارز ڨېزې ئێنكار هابۇلېب باتانێ،  هېص عارز خاناصدې باڅێزې ڭۈلا. هېو قارز بۈسێزې باطێياب راڨالدې انێ،  هېنێبڬێ عارز خاناصدې باڅێزې ڭۈلا.

ښۈ باگالدا حاكێمزابێڸۇن ئېمېن وا واس،  گێڬۈ واڛ ياڬێ گێڬۈ واڛعال طامێزې هۇقۇلا. ناڬاهڸۇن طامۇن راتانێ،  طادېخۇن رۇڬېل حاكێمزاباز هېزۇل هێطێناو حالطۇداصا واطا هاوێزې ڭۈلا.

ڷێڛا بۇڬۈنێڬێ ښۈڬێداصې،  جێندێرڬۈ بۇڬۈڸێ ڨۈلېب بۇڬۈنێ،  هېب زامانالدا واڃاراو ڸابئابێلېص ابۇنێ،  هېب بۇڬۈڸێ جێندێيې ڨۇن بۇگانێن،  وا هېڷێيې راچۇن راڃارال نۇعزاز مۇفتێياصدا ڛېبې شارێعاتالدا رېقۈن،  هېب رێطۇڅ هابۇنێ، ښێنڬێ مۇفتێياص هېز بێښاراب بێطاراب بۇڬێلان ابۇنێ،  بۇڬۈڸێ ڸابئابێلېو چێياصې ئۇنا. هېب رێطۇڅ هابێزې گوېڃۈنێ،  بۇڬۈڸێ هېڷۇل بېطېرهاناص ڨۇراصې ئۇنا.

ڸێصا بۇگانێڬێ جێدېرڬۈ بۈڞێ چێيار عالاځالدې بالاهێزابۇن وا هېز بۈڞێ ناڅې غۈلاڬۈ طادې راڃارال بېطېرهابێ راغێزې ڶۇهانێ،  هېنێو عاڮالڸاراو ۺێواصۇڅا عاگادۇيې باڅۇلا ۺۇ - ۺۇ چاڅۇ. بۈڞۇدا عالاخاڸې هابۇراب زارال ښۈ چاڅدال باهايالداصا ڞێڴاراب بۇڬۈنێ،  بۈڞۇل بېطېرهاباز رېڝېل ڨېزې ڭۈلا ياڬێ هېزۇل ښۈياو هېدێزې ڭۈلا عالاځاڷې زارال هابێڃێلان.

ښۈيازې شارێعاتالدا،  ښۈڬێدازې عاداتالدا رېقۈن داعبا طۇبازې بۈڨۇن بۇڬۈنێ،  هېب سۇئال طۇبازابێزې كّۈلا هېنێر عۇمرۇ هابۇلېزۇل ڞێڴاراصېزۇل فێكرۇيالدا رېقۈن.

نۇځماڸۇلېزۇل طالابالدا رېقۈن كێناب بۇگانێڬێ رۈسداڛا واكێل وێطۇلېو هېڃۈنێ،  هېب رۈصداداصا عاگادې باڅۇلا ١٠ چاڅۇ.

ناڸۇلاص زامانالدا،  ئێشكال ڭوېلالدې قارز،  ناڅبۇصێنابۇلېب هېڃۈنێ،  هېصدې قۈطۇلا عاگا: ماسالا،  ڷێڛا بۇڬۈنێڬێ راطال باگڸێ بۇڬېب جۈ ڞاراب بۈلجالالداصا ڸاعېل ئێنڬۇن ناڅ بۇصێنابۇلېب بۇڬۈنێ،  ڨېزې ڭۈلا ښۈڬێ باۺادابڬێ راطال،  قالێياڷۇڅ – ښۈڬێ باۺادابڬێ قالێ،  عاباسێياڷۇڅ – عاباسێڬێ ښۈ دێرهامڬێ.

رێطۇڅ هابۇن،  داعبا قۈطێزابۇن خادۇب غۈرڨڸالێيې ڸۇراب جۈ ناڅ بۇصێنابێڃۈنێ،  هېب بېڝێزې ڭۈلا.

ځاناصۇل ئێزنۇ هېڃۈڬۈ طامێزې بېهۇلارۈ رۈسابازۇل دێوانچاعێڬێ ماغۇۺالڬێ.

جێندێيې ڨۇراب طادقاي طۇبازابێزې عېدېعۇلېل هېڃۈنێ،  ياڬێ ئێنكار هابۇلېب بۇڬۈنێ،  ياڸۇنێ جێندێر باگالدا ښۈڬێ چێ وێطۇلېو وۇڬۈنێ،  هېو چێياصداصا باڅۇلا هاڞۇل ښۈ راطالڬێ،  هېڷۇل ئۇنقڬۈ بۇطا هابۇن ښۈ بۇطاڬێ. عێلا هېڃۈڬۈ احۇڷې واڅێنڃېو ۺێواصۇڅا باڅۇلا ښۈ - ښۈ چاڅۇ. عێلاڸۇن رێڴۇنا – ئۇنتێ،  خېرڸێ،  سانادې واځێنڃۈڸێ – ٢٠ سۈن طۇباڃۈڸێ وا ڷێلڬۇن بۇگانێڬێ تۇشمانڸێ بۇگێن.

رېقېل هابێلېلدې بێدۇلاو ڃوانێ،  عادلۇ هابۇلارۈ. هېدێنڬۈ عادلۇ هابۇلارۈ بێدۇلاسۇل څێزاناڸۇل چێ ڃوانێ.

بێدۇلاو رۈسۇڶا قواطێوې وێطۇن خادۇو،  هېصۇل عاڬاراو چێ ڃوانێ،  چێ ڃواراصۇڅا باڅۇلا ١٠٠ چاڅۇ. هېلدې طادېڬێ هېص ناڅ بۇصێنابێزې ڭۈلا جێندێيې بێدۇلاص ڨۇن بۇگاراب رېڝېل،  وا هېصۇل طۈلابڬۈ څێزان،  طاد رۇصێنې ئێختێيارڬێ هېڃۈڬۈ،  كێداڬۈياڷې رۈسۇڶا قواطێرې غۈلا.

جێندێرڬۈ بۇڬۈڸێڬێ هۈرۈداڅ بێڿان ڶۇتانڅۇلېو وۇڬېو ڞۈهۈر ڃوانێ،  هېصۇل بێدۇڅ ڷێڛانێڬێ جاواب ڨېزې ڭۈلارۈ.

جێندێرڬۈ بۇڬۈڸێ هېڃېو چێياصې ڷێڛانێڬێ ۺێب بۇگانێڬێ بێچانێ،  هېصۇل عاڬارڸێيالداصا قارز طالاب هابێزې هۇقۇلا.

ڶۇتانڅۇلېو وۇڬېو ڞۈهۈر ڃواراو چێياصې ڨېزې ڭۈلا ١٠ چاڅۇ. هېو ڃواراو چێياصۇڅا رېڝېلڬێ باڅۇلارۈ. ڷێڛا بۇگانێڬێ هېدێناو ڞۈهۈر عاڬارڸێياڷۇڅې ڨۇنێ، هېصۇڅا ١۰٠  چاڅۇ باڅۇلا. اما هېص ڄېزابۇنێ،  جێندێر هاو ڭوېزې رېس بۇگێنڃێلان هېصۇڅا ۺێبڬۈ باڅۇلارۈ. هېلدا شاكڸێ ڭۈلېب بۇڬۈنێ،  هېو ٣ عاڬاراو چێڬۇن ښاداڅ هېدێزې ڭۈلا. عاڬارڸێياڷ جێدېڅې ڨۇراو ڞۈهۈر ڃوانێ،  هېلدا ڸۇن كێنابڬۈ جۈ ڶۇعۇلا. ڃواڃۈنێ بۈدۇل گۇدێياز هېزدا ابێزې ڭۈلا: «نۇجېڛا هېو ڃواي،  ڃوازې بۈڨۇن باتێڃۈنێ بېڝې هېص هابۇن ۺێناب زارال،  هېب بېڝێزې عۇراب بېچېڸێ نۇجېر باتێڃۈنێ،  هېو ڞۈهۈراصدا خادۇر نێجېر راڨ تۇن ا،  نێج نۇجېرڬێ ڬۇرۈ،  نۇج نێجېرڬێ ڬۇرۈ»،  – يان. ڞۈهۈر عاڬارڸێياڷۇڅې ڨۇن واتێڃۈنێ،  هېز هېصۇل جاواب ڨېزې ڭۈلارۈ.

ڷێل بۇگانێڬێ چاڅۇ ياڬێ كۇي بێقانێ وا هېڷۇل بېطېرهانچێياص ابۇلېب بۇڬۈنێ،  كۇيدۇل باها ئۇنقڬۈ خۇخ ڭۈلێن،  چاڅۇياڷۇل ڸابڬۈ ڭۈلێن – هېدێناب باها ابێ بێطارابڸۇن رێڴێنې بېهۇلارۈ،  ۺايڬۇرېڸۇل كۇيدۇڅ ڸابڬۈ خۇخ،  چاڅۇياڷۇڅ ښۈ چاڅۇ - ڨېعېر ڬۇرۈنێ ڨۈلارۈ.

رۈسۇښۈيال جێدېر راڨالدې بۈڞێ بێڿارازۇل ئێشكال ڭوېزې راڅانێ وا هېنێب ڭاراب راغۇڶ گێيابڬۈ راڅاڷ ڃواراو ياڬێ ڶۇقاراو چێ واتانێ،  رۇغۇناڷۇڅ ياڬێ چێ ڃواراڷۇڅ رېڝېل طۈلابڬۈ رۈسداڛا ڨېزې ڭۈلا.

ڷێل بۇگانێڬێ بۈڞۇڛا ښۈڬێياصۇل خارێباگ ياڬێ ځۇر ځوېزابۇن باتانێ وا هابۇراب زارالالدا طاصان هېزدا هۈرڨۈب داعبا ڭانێ،  عايێبێياو بېطېرهانچێياص وێڮێزاوۇراو ڸابڬۈ چێڬۇن ښاداڅ هېدێزې ڭۈلا.

هېدێزې راچۇنارۈ: دێبێر،  بۇدۇن،  ها بالارێلان هېداراو چێ،  لاغ وا راهطاتېل. ها بالارێلان هېداراوڸۇن رێڴۇنا عاكاڬێ باچۇن بۈدۇل گۇدێيازۇڅې اراو،  هېزێيې هېبڬێ سايێغات هابۇراو وا هېز هېصدا خادۇب هېدێناب ئێختێيار بۇگێنڬێ ڸازابۇراو چێ.

بۈدۇل گۇدێيازې ښۈ سۈناڷۇل بۈلجالالدا رۈساباڷې دێوانچاعێ طامێزې بۈڨانێ،  هېل طامێزې ڭۈلا جێدېڛا عايێبێيازۇڅا عاگابێڬێ راڅێزې رۇڬێن،  عايێب هېڃېزې تامێحڬێ هابێلارێن،  شارعالداصاڬێ ڨۇرێلارێن هېدێزې. هېزدا هۈرڨۈصان ښۈنێڬێياصې هېدێزې بۈڨێڃۈنێ،  هېصدا طاد مۇڅ ڞالا وا هېصۇڅا ښۈ چاڅۇڬێ باڅۇلا،  هېصۇل باگالدې ښۈڬێ چێڬێ وێڮێزاوۇلا. خۇطاراز جێدېداڬۈ هۈرڨۈوې ها باڃېو چێ وێڿان واتانێ،  هېزداسان باڅۇلا صۈ چاڅۇ.

نێڶېر راڨاڷۇل چێياص،  ښۈڬێداب باگالدا چێياصۇڅا قايێ باڅۇن ياڬێ بێقۇن باتانێ وا هېو چێياص طاداب ئێدارايالدې عارز باڅانێ،  عايێبێياصۇڅا باڅۇلا هېص هابۇراب زارال وا هېلدې طادېڬێ باڅۇلا راطال هاڞۇلڬێ.

ڷێڛا بۇڬۈنێڬێ ښۈڬێداو چێياصې ۺێب بۇگانێڬێ بێچانێ وا هۈرڨۈب زامان ئێندال هېو چێ واڃانێ،  بێچاراب قايێ جێندێر ڬۇرېب،  جێندێر ڃۇجۇياڷۇل بۇگانێلان وا داران بێخېيێلان هارۇن،  هېدێناب عارز قابۇل هابۇلارۈ.

ناڬاه ښۈ رۈسدال عادامال ياڬێ هېزۇل ښۈ قۇقا ښۈڬێداب رۈسدال عادامازدې ياڬێ قۇقايالدې طادېڬێ گانڝۇن، هېزۇل بۈڞێ غۇرانێ،  رۇقاڷۇل بۇڬۈڸێ ځوېزابۇنێ،  عايێبێيازۇڅا باڅۇلا هېز هابۇراب زارال وا ۺێواصداصا ۺۇ - ۺۇ چاڅۇ. هابۇراب زارالاڷۇل قادار ڄېزابۇلا هېب رۈسدال ٣ رێطۇڅاو چێياص.

ڨېنصېر وا رێس عۈرازدا هۈرڨۈر رۇڬېل راڨازۇلڬۇن قۈطێ ڭۇن بۇڬۈ،  جێو ڝۇنېيان ڶۇتۇن واڃاراو حالێڮاتاو چێ وێڿاڃۈڬۈ،  واخچێڃۈڬۈ وا كۇمېك هابێڃۈڬۈ تېزې. ڷێڛا بۇڬۈنێڬێ،  يا طۈلابڬۈ رۈسداڛا هېب قۈطێ ځوېزابۇنێ،  عاگادۇيې باڅۇلا ٣٠ چاڅۇ. هېدێنڬۈ ٣٠ چاڅۇ باڅۇلا ڶۇتۇن واڃاراصداصاڬێ.

باگاڷۇلال طادچاعازداصا ئێزنۇڬێ هېڃۈڬۈ خاناصۇڅې عارزاڷ اراو چێياصۇڅا باڅۇلا ٣٠ چاڅۇ.

ڷێڛا بۇگانێڬێ ياس ابۇنێ،  ياڬێ ياچانێ وا هېڷۇل ئێنصۇڛا ياڬێ گۇدێياو ئێنصۇڛا ڸازابۇنێ،  هېي ښۈڬێداصۇل ماهارێڬێ ڸۇراي ڄۇجۇ يێڬێلان،  هېي ياچاراصدا قۈطۇلا عاگا – ٣٠ چاڅۇ.

كێناب بۇگانێڬێ رۈسداڛا مۈڞێدا جانێب عادلۇ - نێزام ځوېزابۇلېب بۇڬۈنێ،  هېب رۈسداڛا،  عادلۇ ڶۇهێنېعان،  ۺێباب قۈياڷ باڅۇلا ښۈ - ښۈ چاڅۇ.

مۈڞێدا جانێب رۈسۇ دێبێرڬێ هېڃۈڬۈ خۇطانێ،  هېو طامێزېعان هېب رۈسداڛا ۺێباب قۈياڷ ښۈ - ښۈ چاڅۇ باڅۇلا.

بۈدۇل گۇدێيازې عالێمازابازۇل داندېڸێ احێزې بۈڨانێ،  ئێرڬا ۺوارال رۈسابازۇل عاداماز،  ڬېنۇصا باڅاراب ئێڷابې ۺوېزېعان،  هېل داندې هارێزې ڭۈلا. داندې هارێزې گواحالڸارازۇڅا وا احۇن راڃێنڃېزۇڅا باڅۇلا انڝ - انڝ چاڅۇ.

ڃواراصۇل عاڬارڸێياڷ بێدۇلاصۇل عاڬارڸێياڷۇل مال - مۇلك څامال هابۇنێ،  رۈقۈصا قواطێرې راڅێنې رێڿاڃۈڬۈ هېزێيې عاقۇبا ڨۇنێ،  عايێبێيازۇڅا باڅۇلا هېز هابۇراب زارال وا جاماعاتالدا ڛېرې راڅۇن جێدېڛا هابۇرالداصا راگ بۇحانێن ابێزېعان ۺێباب قۈياڷ ݭۈ - ݭۈ چاڅۇڬێ.

ښۈ رۈسدال عاداماز،  راڨاڷۇل عاداتڬێ شارعڬێ ځوېزابۇن،  ښۈڬێ رۈسدال عادامازۇل خارێباگال وا ځۇرزال ڭۇنێ،  مادۇهالێڅ رۇڬېل رۈسابازۇل عاداماز كۇمېك هابێزې ڭۈلا طادې گانڝارال ناڅې غېزې. هېز هېدێناب كۇمېك هابێڃۈنێ،  ۺێباب رۈسداڛا باڅۇلا انڝ - انڝ چاڅۇ.

ښۈ رۈسدال عادامال ښۈڬێ رۈسۇڷ چێ ځواراب باگالدې زێڬارا بازې انێ وا ځواراصۇلڬۇن هېزۇل ڛێناعالڸێيالداصا غۈرڨېخۇن عاڬارڸێ بۇگۇن باتانێ،  ياڬێ هېو هۈبۈل وۇگۇن واتێڃۈنێ،  ۺێواصۇڅا باڅۇلا ښۈ - ښۈ چاڅۇ.

لاغ ياڬێ مۇڮداڅ حالطێزې ڭۇراو،  بېطېرهانچێياصۇل ئێزنۇڬێ هېڃۈڬۈ چۈطا،  عالايالطا ياڬێ عۈرڝېنالطا رېگۇن ڨېنصېرۇڅېزۇل راڨ تۇن دۈوېعان ئۇن واتانێ،  هېصۇڅا باڅۇلا ښۈ عاگا ياڬێ ٤ چاڅۇ. هېبڬێ ڨۈلا هېصۇل بېطېرهاناصې. هېب عۈرڅۇدې هېو ۺۇن واتێڃۈنێ، باڅۇلا ٢ چاڅۇ.

ڷێڛا بۇڬۈنێڬێ غۈرڨڸالێيې،  چێيار بۈڞێ رۈسۇڶې ياڬێ جێندێرڬۈ باگالدې باچۇن باڃانێ،  هېصۇڅا ۺێباب قۈياڷ باڅۇلا: بېڄۇلېب عاكداڅ،  عۈرڝېناڷۇڅ،  چۈڅ، عالاياڷۇڅ – ښۈ عاباسێ،  حامێڅ وا ئۈښاڷۇڅ – ٢ دێرهام،  حۈراب عاكداڅ،  باسێياڷۇڅ،  باچێڅ،  چاڅداڅ، كۇياڷۇڅ، ڞېياڷۇڅ وا داعنێڅ – ١ دێرهام. داعبا هابۇلېب بۇڬۈنێ،  هېو هېدێزې ڭۈلا ٢ چێڬێ ښاداڅ واچۇن.

قاصێ ياڬێ قاد ښۈ چێ،  حال هابۇن ښۈڬێداصۇڅېڬێ ئۇن،  هېصێيې زارال هابۇنێ،  هېو طامۇلا زارال بېڝێزې. هېص جێو هېنێوې ئۇن وۇگێنڃێلان ئێنكار هابۇنێ،  بۈدۇل گۇدێيازۇل ئێختێيار بۇڬۈ رۈسدال عادامال هېدێزارێزې. هېدۇلېزۇل قادار باراب بۇڬۈ هابۇراب زارالالدا. كێعان گۇدێياب هېب بۇڬۈنێڬێ،  هېدۇلېزۇل قادار ١٠ چێياصداصا ڞێڴێنې بېهۇلارۈ. هېدێزې بېهۇلارۈ: رۈس - رۇقالدې ئێنڃېل واسال وا ياسال،  ښۈ رۈقۈصا گێڬۈ چێ. هېدێزېڬۈ وێڿالارۈ تارڅان هاوۇراو وۇڬۈنێڬێ لاغ.

ئۇزدېنچێياص لاغ ڃوانێ،  لاغاصۇل بېطېرهاناصې هېص ڨېزې ڭۈلا عێڞڬۈ ئۇزدېنچێياص ڨېزې ڭۈلېب رېڝېل.

لاغاص ئۇزدېنچێ ڃوانێ،  هېصۇل بېطېرهانچێياصۇڅا باڅۇلا رېڝېل وا هېو ڸابڬۈ سۈناڷ بێد وێخۇن قواطێوې وێطۇلا. هېدێنابڬۈ عادلۇ هابۇلا لاغاص لاغ ڃوانێڬێ.

ئێځدال ماهارێ ڸۇن ڨۈلا ٥ خۇخ،  ځاسلێڅې – ٥ ڞې.

حالێڮاتاب فێكرۇڬێن ڷێڛا بۇگانێڬێ ڄۇجۇعادانالدا كوېر څوانێ،  هېصۇڅا باڅۇلا ٢ ئۈښ،  رېڝېلاڷۇل باۺداب وا هېو ڸاعېلڬۇن باۺداڷ رۈسۇڶا قواطێوې غۈلا. ناڬاهڸۇن هېب باگالدا ڄۇجۇعادان ڃوانێ،  ڃوازې ڭۈلا هېلدا كوېر څواراو چێڬێ.

ښۈ رۈسدال عادامال ښۈڬێداب رۈسدادې طادې گانڝانێ،  هېزۇڅا باڅۇلا ٣٠ چاڅۇ،  ښۈ گێڬۈ چێ گانڝانێ،  ۺێواصۇڅا باڅۇلا ۺۇ - ۺۇ چاڅۇ،  هېلڬێ ماحرۇم هارۇلا عاراڅ ماعارداصا وا تاماۺ ماعارداصا ڨۈلېل مۇڃدۇزۇل بۇطابازداصا.

ڷێڛا بۇگانێڬێ چۈل،  عالادۇل،  عۈرڝېناڷۇل راڄ ياڬێ عێن قۈطانێ،  هېزۇڅا عاگادۇيې باڅۇلا ښۈ ئۈښ وا حايواناڷۇل بېطېرهاناصې ١٠ چاڅۇ.

هۈرڨۈب تۇشمانڸێ بۇگێناڷ ڷێڛانێڬێ مێنا بۇحانێ،  عايێبێياصۇڅا عاگادۇيې باڅۇلا ١٠٠ چاڅۇ وا بېڝێزابۇلا ڭاراب زارال. جێندێر عايێباڷې مۇگۇرڸۇلېو هېڃۈنێ هېو ٥٠ چێڬۇن ښاداڅ هېدێزې ڭۈلا.

ڷێڛا بۇگانێڬێ ماعارداصا بۈڞێ څامۇنێ وا هېب ڷێدانێڬێ بێڮێڃۈنێ،  عايێبێياصې بۈڞێ طادبۇصێنابێزې ڭۈلا،  بېطېرهابێ هېص بۈڞێ څامۇنێلان هېدانێ.

ڷێڛا بۇگانێڬێ ڬۇچۇطا ماعارداصا بێقێزېڸۇن ياڬێ ئێشكال هابێزېڸۇن بۈڞێ څامۇنێ،  هېص عاگادۇيې ڨېزې ڭۈلا ٥ چاڅۇ وا طادبۇصێنابێزې ڭۈلا څامۇراب بۈڞێ.

عارابالداصا بۇصێنابۇنا ڞاداصا حامزاتێڛا