КIодол дарсал گۈدۈل دارسال

Кӏодол дарсал گۈدۈل دارسال

Как ахIулеб буго МухIамадтIагьир كاك احۇلېب بۇڬۈ مۇحامادطاهێر

كاك احۇلېب بۇڬۈ  مۇحامادطاهێر.

راڃا ماعارۇلال ښۈ عێن طامێزې،

عێشقۇياڷ احۇلېب ماعارۇل كۈڃۈڅ.

هاب كېڃاڷ هابێلا گۇدێياب اسار،

اراب عاصرۇياڷۇل،  حاقێقاتاڷۇل.

دۈو ئێمام شامێلێل، راغازۇل تارێخ،

خالقاڷې بێښاراو، مۇحامادطاهێر.

دۇيې قێمات ڨېزې، حال ڷێدا گوېلېب،

قارال طاڸێيالدا، وێجاراو ئێنسان؟

الاهاصې عۈلۈ، دێناڷې عۈلۈ،

شامێل ئێماماماصۇل بايراڅ بۈرخاراو،

گۇدێياو عالێمچێ، عېلمۇدۇل راڸاد.

كاك احۇلېب بۇڬۈ مۇحامادطاهێر.

"خوالچابازۇل فارقێ شامێلێل راغۇل"

هېب طېڮ څواراب دۇڛا نێڶېر خالقاڷې.

خێرێياو بېطېرهان رازێ هاوێزې.

كاك احۇلېب بۇڬۈ مۇحامادطاهێر.

جاقا ناسلاباڛا ڞالۇلېب دۇر طېڮ،

بېعېراب قالاماڷ دۇڛا شۇراراب،

راغۇلال قۈيازۇل قێسمات بێښاراب،

كاك احۇلېب بۇڬۈ مۇحامادطاهێر.

خێرێياو اواراڬ ﷺ رازێ هاوێزې،

نۇعڸۇن مۇن هاوۇراو شامێل ئێماماص،

مۇن ڮوادارال نۇځاز، رۈرخاتال ۺۈباز،

كاك احۇلېب بۇڬۈ مۇحامادطاهێر.

ئێماماصۇل امرۇ طۇبازې قاصداڷ

مۇفتێڸۇن وۇگاراو ئێماماتاڷۇل.

الاهاص دۇي ڨۇراب، عېلمۇدۇل قۇوات.

كاك احۇلېب بۇڬۈ، مۇحامادطاهێر.

خالقالدا هۈرڨۈڅېب ماصلێحاتاڷې،

مۇن حالاي وۇگانا حال ڭارال قۈياز،

حێكماڸێ عېلارێۺ بېطېرهاناصۇل

كاك احۇلېب بۇڬۈ مۇحامادطاهێر.

دۇر فاصێحاب گاڸاي خالقازدا هۈرڨۈب

خوالچېنڸۇن بۇگانا راغۇل قۈيازدا.

هېڷ ئێمام شامێلێي مۇن حاجاڸاراو.

كاك احۇلېب بۇڬۈ مۇحامادطاهێر.

راحماتڸۇن راڨالدا وێجێ ڬۇرۈنێ،

بێښۇن حال گۈلارۈ دۇر عۇمرۇياڷۇل.

جاقا دۇر زێيارات عاڬاراب ڝۇلدا.

كاك احۇلېب بۇڬۈ، مۇحامادطاهێر.

كېڃ څوانا ساعێدێلازۇل عۇماربېڬێڛا

Как ахӏулеб буго Мухӏамадтӏагьир.

Рачӏа магӏарулал цо гӏин тӏамизе,

Гӏишкъуялълъ ахӏулеб магӏарул кочӏохъ.

Гьаб кечӏалълъ гьабила кӏудияб асар,

Араб гӏассруялълъул, хӏакъикъаталълъул.

Дов Имам Шамилил, рагъазул тарихх,

Ххалкъалълъе бицарав, Мухӏамадтӏагьир.

Дуе къимат кьезе, хӏал лъида кӏвелеб,

Къарал тӏалъиялда, вижарав инсан?

Аллагьассе гӏоло, диналълъе гӏоло,

Шамил имамамассул байрахъ борххарав,

Кӏудияв гӏалимчи, гӏелмудул ралъад.

Как ахӏулеб буго Мухӏамадтӏагьир.

"Ххвалчабазул паркъи Шамилил рагъул"

Гьеб тӏехь хъвараб дуцца нилIер ххалкъалълъе.

Ххирияв бетӏергьан рази гьавизе.

Как ахӏулеб буго Мухӏамадтӏагьир.

Жакъа наслабацца цӏцIалулеб дур тӏехь,

Бегӏераб къаламалълъ дуцца шурараб,

Рагъулал къоязул къисмат бицараб,

Как ахӏулеб буго Мухӏамадтӏагьир.

Ххирияв авараг ﷺ рази гьавизе,

Нугӏлъун мун гьавурав Шамил имамасс,

Мун хьвадарал нухаз, рорххатал щобаз,

Как ахӏулеб буго Мухӏамадтӏагьир.

Имамассул амру тӏубазе къассдалълъ

Муптилъун вукӏарав имаматалълъул.

Аллагьасс дуй кьураб, гӏелмудул къуват.

Как ахӏулеб буго, Мухӏамадтӏагьир.

Ххалкъалда гьоркьоссеб масслихӏаталълъе,

Мун хӏалай вукӏана хӏал ккарал къояз,

Хӏикмалъи гӏеларищ бетӏергьанассул

Как ахӏулеб буго Мухӏамадтӏагьир.

Дур пасихӏаб кӏалъай ххалкъазда гьоркьоб

Ххвалченлъун букӏана рагъул къоязда.

Гьелълъ Имам Шамилий мун хӏажалъарав.

Как ахӏулеб буго Мухӏамадтӏагьир.

Рахӏматлъун ракьалда вижи гурони,

Бицун хӏал кӏоларо дур гӏумруялълъул.

Жакъа дур зиярат гӏагараб Цӏулда.

Как ахӏулеб буго, Мухӏамадтӏагьир.

Кечӏ хъвана Сагӏидилазул Гӏумарбегицца.

Хъабхъил гьоцIцIо څابڅێل هۈڞۈ

څابڅێل هۈڞۈ

څابڅێل هۈڞۈ بۇڬۈ ڝاق دارۇياب نۇجېر طۇلاڷې،  كوېن بێحێناڷۇل نێزام ڷێگڸێزابۇلا، ښێنڬێ چېڮڬێ ڷاماڸێزې هابۇلا.

څابڅێل هۈڞۈ كوانازې بېهۇلا ڨارێياو چێياصې، ئۇرهێصالابێ ئۇنتارال چێياصې، ښێنڬێ گواۺۇل فۇنڝېرۈ ئۇنتاراب چێياصې.

څابڅێل هۈڞۈ هابێزې ڭانانێ،  ښێن څاباڅ طاصا قۈطێزې ڭۈلا، ښێنڬێ جانێب بۇڬېب جۈ قواطێبې باڅۇلا، ښێنڬێ ڝېزېعان چاكار جانێبې بالا.

چاكار بان ڸۇعارابڬۈ هاداب طاصان قۈتاراب څابڅێل كېسېك طاد ڸۈلا،  ښێنڬێ هېب څاباڅ طاصێنێب ڸۈلا.

هېدێن تېزې ڭۈلا څابڅێل څال تاماخڸێزېعان.

څابڅێل څال تاماځڸارابڬۈ څابڅێل هۈڞۈ ڶۇهۇلا،  ښێنڬێ هېب څابڅێل هۈڞۈ ڞۈرۈراعێنێبې  طۈلا.

څابڅێل هۈڞۈ ڝۇنێزې ڭۈلا ڞۈرۈلكۈرالدا جانێب.

كوانازې بېهۇلا كێعان بۈڨانێڬێ بۈڨاراب زامانايالدا.

Хъабхъил гьоцӏцIо

Хъабхъил гьоцӏцIо буго цӏакъ даруяб нужер тӏулалълъе, квен бихIиналълъул низам лълъикӏлъизабула, цинги чехьги лъамалъизе гьабула.

Хъабхъил гьоцӏцIо кваназе бегьула кьарияв чияссе, ургьиссалаби унтарал чияссе, цинги кӏващул пунцӏеро унтараб чияссе.

Хъабхъил гьоцӏцIо гьабизе кканани, цин хъабахъ тӏасса къотӏизе ккола, цинги жаниб бугеб жо къватӏибе бахъула, цинги цӏезегӏан чакар жанибе бала.

Чакар бан лIугӏарабго гьадаб тӏассан къотараб хъабхъил кесек тӏад лъола, цинги гьеб хъабахъ тӏассиниб лъола.

Гьедин тезе ккола хъабхъил хъал тамахлъизегӏан.

Хъабхъил хъал тамахлъарабго хъабхъил гьоцӏцIо лIугьула, цинги гьеб хъабхъил гьоцӏцIо цIцIорорагIинибе тӏола.

Хъабхъил гьоцӏцIо цӏунизе ккола цӏцIоролкоралда жаниб.

Кваназе бегьула кигӏан бокьаниги бокьараб заманаялда. 

ЦIцIорорагI - банка

Биччай магIарул мацIцI магIарул гъассда بێچّاي ماعارۇل ماڞ ماعارۇل غاصدا

بێڿاي ماعارۇل ماڞ ماعارۇل غاصدا

كێداڬۈ ڬوانغاراب باقڸۇن بۇگێنې،

بێڿاي ماعارۇل ماڞ ماعارۇل غاصدا

بېرۈلېب دارۇياب ئێڛڸۇن بۇگێنې.

راڃا،  ماعارۇلال،  ماعارۇل ماڞاڷ

هۇئێناب بېرښێناب كالام هابێزې،

راڃا،  ماعارۇلال،  ماعارۇل غاصدا

نێڷېرڬۈ مێلاتڬێ ماڞڬێ ڝۇنێزې.

ڝېڛا بۇحۇلارېب،  عۈراڷ ئۇنارېب

ښۈ باڸڬۈڸێ بۇڬۈ نێڶېر ماڞاڷۇڶ،

طاد ساوۇ ڭۈلارېب،  ڨاوۇ ڃوالارېب

ښۈ حێكماڸێ بۇڬۈ هاب كالاماڷۇڶ.

وۈرېڬێ گۈچۈنڬې ښاداڅ بۈسێزې

ئۇمۇمۇزۇل عادلۇ،  دۇر عاڬاراب ماڞ،

بېرښێناب كالامڬێ،  حېرېناب ماڞڬێ

چارا هېڃېب بۇڬێن نێڶېر خالقاڷې.

ئېلمێرا جامالێلازۇل،  خاراڮێ رۈسۇ

Биччай магIарул мацI магIарул гъассда

Кидаго гвангъараб бакълъун букIине,

Биччай магIарул мацIцI магIарул гъассда

Беролеб даруяб иццлъун букIине.

РачIа, магIарулал, магIарул мацIцIалълъ

Гьуинаб берцинаб калам гьабизе,

РачIа, магIарулал, магIарул гъассда

НилIерго милатги мацIцIги цIунизе.

ЦIецца бухIулареб, гIоралълъ унареб

Цо балъголъи буго нилIер мацIцIалълъулI,

ТIад саву кколареб, кьаву чIвалареб

Цо хIикмалъи буго гьаб каламалълъулI.

Вореги кIочонге цадахъ босизе

Умумузул гIадлу, дур гIагараб мацIцI,

Берцинаб каламги, хIеренаб мацIцIги

Чара гьечIеб бугин нилIер ххалкъалълъе.

Элмира Жамалилазул, Ххарахьиб росу

Я, ГIабдулагьил вас, дир рекIел матIу

يا، عابدۇلاهێل واس، دێر رېگېل ماطۇ،

طادوۇصۇن ۺوانا دۇن ماڭايالداصا.

يا، امێناتێل نۇر، دێر چېرخاڷۇل رۇح،

رېگېڶا ئۇنارۈ مادێنا شاهار.

يا، خادێجاتێل رۈص،  باركاتاڷۇل ئێڛ، 

دۇر قێمات ڸاڃۈڬۈ اراب دێر عۇمرۇ،

فاطێماتێل دادا، راحماتاڷۇل ڞاد،

دۇر سۇنات ڝۇنێڃېب صۈعاب دێر عامال.

دۇڅې «ئێقرائ» بۈسۇن جابراعێل ۺواراب،

نۈڅۈدې واځێندال باراب دێدا عېط،

مۇن جانێو واخچاراب «ساورالدې» ۺوېدال،

دێرڬۈ مۇناهازۇل طاڮال ڞالارال.

طادېعاناو الاه ڬۇرحۇلېو وۇگێن،

حېجالدې واڃێندال بێڄاراب دێدا.

جێندێر لاغزادېرێل خاطا باخچۇلېو،

خالێق وۇگێنالدا راگڬێ ڄاراب دێر.

دێر قابێحڸێياڷۇل قێصا باتێلێن

نادالدا څوانێلان،  كوېر طاد ڸۈلائان،

طاعات داهاو وۇگێن بېراز بێښێنێن،

طېلځال رۈرخێزېښێن دۇن نېچۈلائان.

عادامال ڨێجێدال دۇن هاردۈلائان،

دۇر شافاعاتالدې غۈرڶې ڭـاڬېيان،

نۇسابڬۈ لاڬاياڷ احێ بالائان،

احمادێل ئۇماتڬۇن واڅێناوېيان.

مۇناهازۇل عۈراڷ وۈسۇن ئۇنېو دێي،

كوېر بازې ۺواراب باگ باتێلارێۺ هاب.

كوېشاب ۺێناب عامال عۈدۈب رېخێزې،

زامزاماڷۇل ئێڛدې احۇن هېڃێۺ دۇن.

اصحابزابێ ڄاراب باگ باتێلێلان،

حاجرۇل اسوادالدې داند وێطۇن ڄۈلا.

هانێب حارامالدا ۺێباب ناط رێڴۇن،

ڷێگال عادامازۇل ڸالگال رێڮۇلا.

يا بێچاصۇل راسۇل،  وۈسې دۇن طادې،

دۇڛاڬێ څامۇنێ كێوېخۇن ئێنېو.

اصحابۇل كاهفاڛا هۈيڬێ بێڿانێن،

وێڿاي دۇر رېڅاڷې،  ناڅې وێطۇڬې.

مۇرتازاعالێلازۇل مۇرتازاعالێ

Я, ГIабдулагьил вас, дир рекIел матIу,

ТIадвуссун щвана дун Маккаялдасса.

Я, Аминатил нур, дир черххалълъул рухI,

РекIелIа унаро Мадина шагьар.

Я, Ххадижатил росс, баркаталълъул ицц,

Дур къимат лъачIого араб дир гIумру,

ПатIиматил дада, рахIматалълъул цIцIад,

Дур сунат цIуничIеб ссогIаб дир гIамал.

Духъе «Икъраъ» босун Жабрагӏил щвараб,

Нохъоде вахиндал бараб дида гIетI,

Мун жанив ваххчараб «Савралде» щведал,

Дирго мунагьазул тIахьал цIцIаларал.

ТIадегIанав Аллагь гурхIулев вукIин,

ХIежалде вачIиндал бичIчIараб дида.

Жиндир лагъзадерил ххатIа баххчулев,

Ххаликъ вукIиналда ракIги чIчIараб дир.

Дир къабихIлъиялълъул къисса батилин

Надалда хъванилан, квер тIад лъолаан,

ТIагIат дагьав вукIин бераз бицинин,

ТIелхал рорххизецин дун нечолаан.

ГIадамал кьижидал дун гьардолаан,

Дур шапагIаталде гъорлIе ккагеян,

Нусабго лагаялълъ ахIи балаан,

АхIмадил уматгун вахъинавеян.

Мунагьазул гIоралълъ восун унев дий,

Квер базе щвараб бакI батиларищ гьаб.

Квешаб щинаб гIамал гIодоб реххизе,

Замзамалълъул иццде ахIун гьечIищ дун.

АссхIабзаби чIчIараб бакI батилилан,

ХIажрул асвадалде данд витIун чIчIола.

Гьаниб хIарамалда щибаб натI рикIкIун,

ЛълъикIал гIадамазул лъалкIал рихьула.

Я Бичассул Расул, восе дун тIаде,

Дуццаги хъамуни кивеххун инев.

АссхIабул кагьпацца гьойги биччанин,

Виччай дур рехъалълъе, нахъе витIуге.

Муртазагӏали Муртазагӏалилазул.

Унге мугIрул тун ئۇنڬې مۇعرۇل تۇن

ئۇنڬې مۇعرۇل تۇن

ئۇنڬۈ، ماعارۇلال نۇجېر خێيالاز، 

خاڬان واتۇلا دۇن ښۈ - ښۈ مېخالدا.

فاراقاڸێ عۇرال عادامال رێڮۇن، 

عاجائێبڸۇن هېزۇڅ والاهۇلا دۇن.

نۇجېي بێڮۇلارێۺ ڃاندا چاعاڛا، 

ڃوالېب بۇڬېب مالاڨ ماعارۇل عادات؟

عاڬاراب راڨالدا رۈڨێ طاعارال، 

طادې عۈلېل عېلال عېمېرڸۇن رۇگێن؟

راڮدال ماڞ گۈچارال، چۇنتبێ فۈنڝۈرال، 

چامعالڸێ عېمېرال عاڬارڸۇن رۇگێن.

جێندێر طۈمۈل ڬۇرېب، طۈگاب جۈياڷۇل، 

ئۇرغېل هابۇلارېل، هارزاڸۇن رۇگێن.

ماعارۇل عاداماز عاڬاراب رېۺطېن، 

عاطێراڨال رۈڨۇن ڨۈلۈلېب بۇگێن.

ڨوارارال واساڛا جێدېرڬۈ رۇصېن، 

ڸاراع - بايدابازۇڅ ځێسۇلېب بۇگێن.

هېنێب چېد عېڃۈڬۈ، عۈرڞێ ڸاڃۈڬۈ، 

عۈدۈب اولاڅاڷۇڅ ئۇرڅۇن ڸالارۈ.

ڨۈلبۈل اوالڬێ تۇن، اب هاواڬێ تۇن، 

هانێصان ۺوېزې جۈ بۇڬێن ڭۈلارۈ.

ئۇنڬۈ،  طاعێناداي طادماعارۇلڸێ، 

طابێعات بېرښێناب، مۇعرۇزۇل طاڸێ.

خۇطێلاداي زانال، زۈدێڅ رالاهۇن، 

نێج رېخۇن تۈڬېيان هارۇلېل عادێن.

٢

طادماعارۇڅ راڨال رېڨۇلېل هېڃۈ، 

راڨۇل قێمات ڸالېل داهڸۇلېل رۇڬۈ.

ڷێگال ۺێنال رێۺۇن ڬۈچۇنېل رۇڬۈ، 

رۈسابێ داه - داهڭۇن ڃۇنتۇلېل رۇڬۈ.

رێخۇن كۇلال رۇڬۈ،  رېخۇن مېغ بۇڬۈ.

ماغێڶان احۇلېب كېڃ راعۇلارۈ.

خارێل حاما ڝۈلېو چێ وێڮۇلارۈ، 

چۈدا رېگۇن ئۇنېو واس داندڃوالارۈ.

قاناعاڸۇن يێڬۈ خارێل ماهڬێ ڝۇن، 

خۇرێصان ياڃۇنېي ماعارۇل عادان.

مۇغزادا كێنێڬۇن،  كۈدۈب ڸێمېرڬۇن، 

كۈلۈدا ڮوادۇلېي رۈصاصۇل ڄۇجۇ.

ماعێل عۈرالڬێ طۇن عۈدۇلا دێر راگ، 

عادامال داهڸاراب رۈسداڅ بالاهۇن.

جانێب فۇرۇڛ څواڃېل ځۇرزاڅ بالاهۇن.

ڄوادازدا رۇصارال كۇلاڅ بالاهۇن.

مۇعرۇل ڝۇن رۇگارال عێيال كێر ارال؟

عاچێ - باچاز ڝۇرال مۇڃدۇل كێر ارال؟

باقڸازدا بېرێچال اځال كێر ارال؟

اځاڨا حانڄازۇل باقنال كێر ارال؟

ڸارازدا هارۇرال هابال كێر ارال؟

هابێڅ خېنۈلېب دۈب طۈرۺېل كێب اراب؟

طۈځدا طێبێطاراب ڃار كێبې اراب؟

ڃالدا مۈځمۈځاڷۇل ناځ كێبې اراب؟

«نێڶېيې ئۇمۇمۇز ئێرساڷې تاراب، 

ئێياحڬێ نامۇسڬێ»، هېب كێبې اراب؟

هۇدۇل - هالماغاصدې قۈ ڭاراب قۈياڷ، 

قواطێرې راڅۇنېب عادات كێب اراب؟

ئۈښاز ځۇرڬێ بېڨۇن، حالۇڅێناڷۇل، 

حامێدا هێر قالېل قېدێصېل كێرې؟

قالێ ڮالېب ځۇرێب،  ڬۈح راكۇلڬێ بان، 

باڃێن باگارۇلېل باڬوالال كێرې؟

رێئێدال ماعاردا عاچێڬێ ڮێڮۇن، 

ڮاڬاڅې راڮ طۈلېل طێندێصېل كێرې، 

طۈهۈل باقڸابازدې عێيالڬێ رېڄۇن، 

حانێل كېف بۈسۇلېل ساسێڨېل كێرې؟

كۇراكاڷۇل اځاڶ باڃێن ڨېلێلان، 

هېلدا بۈجۇن ڄارال ڃامالال كێرې؟

رۈسدا ناڅا رۇڬېل ځۇرزالڬێ رېڨۇن، 

هېڷ بېطېر باڅارال څوارۺێصېل كێرې؟

باڮێنال عێيازۇل جۇرايڬێ هابۇن، 

ماعاردې وۇصۇنېو سێلدێصېو كێوې؟

بۇعا - رۈڶۇل هێرال هۈرۈڬێ سۈڴۇن، 

هېڷ راقێ هۇقارال هاقۈصېل كێرې؟

٣

رېخې ڬۈچارازدا عايێب باتانێ، 

عېمېرازدا هۈرڨۈب هېب دێرڬێ بۇڬۈ.

هېدارۇن ۺێبێزې ۺێواصۇل بۇڬۈ، 

ۺێباب كێلێۺ رێڴۇن غالاطال رۇڬۈ.

ۺێبۇلېل نێڶ هانێر چێيار راڨالدې؟

چاڮال عۈرڞێياڷې چېد ۺوېڃۈڬۇنێۺ؟

ڞۇمازۇل رۈل حالېل حانڄازدې هۈرڨۈر، 

حۇلێ چێيار غۇرال غۇدۇلڬۇن ݭاداڅ.

هانێر راڃاراڷۇڅ ۺێب نێڶېي ۺواراب؟

ماعارۇل هۈهېنێۺ؟ هېقۈلېب ڸێمێۺ؟

«ماڬا» «ڬۇليابازۇل» ڬۇرۇڶ ڭېلێلان، 

دۇرڬۈ ڸێمالازدا بۇڬېب حێنقێيێۺ؟

تۇشمان وێڮۇلارېب،  رۈڮازدا راغێۺ؟

راغ هېڃېڸۇر ڃوالېل عۈلۈڅابێيێۺ؟

عارښۇڅ څۇلۇڅ ۺوېزې،  داندێيالڬێ ڃوان، 

دېفۇتاتڸێيالدې نۇځ باڅۇنېلێۺ؟

نێڶېر ماڞ بێښۇنېل ساياڅ ڮوادۇلېل، 

اوال صوېرۇن رۇڬېل سائۇنابێيێۺ؟

ڞالۇل ئێداراباز ئېكزامېنازۇڅ، 

ئېركېنڬۈ بۈسۇلېب دادال عاراښێۺ؟

سۈردۈ - قۈ ڸاڃۈڬۈ رېستۈرانازدې، 

رۈقۈب نۇځ ڸالارېب،  قۈساراب قاومێۺ؟

ڷێگاب اداباڷۇل اسار ڶۇعارال، 

عادانڸێ گۈچارال هال عۈرڨێلالێۺ؟

ځېرازۇل رۇقزاباڅ ئۇمۇمۇلڬێ ڨۇن، 

هېزۇل مالالداصان كېف بۈسۇلېلێۺ؟

ڃارا - رۈقۈي تارال،  ئېمېن ڸالارېل، 

ڸێمالازۇل عۈدێ راعێزېيانێۺ؟

ناڅاصان بالاهۇن بێڮێنال ڞۇيال، 

باطا راڅۇنارېب راطلێل فۈرمايێۺ؟

فاتيا زۇليايێلان،  شۈما خانچێكێن، 

ښۈښازدې احۇلېل نێڶېر ڞارالێۺ؟

واساصۇل كێنێداڅ كېڃ احۇلارېي، 

كېرېنڬێ دێرغاراي دۇر ڝێياي نۇسێۺ؟

داحادادال ماڞاڷ گاڸازې ڸاڃېل، 

رۈسۇڶ راڃۇنارېل دۇر هێطێچالێۺ؟

بێدۇل طادې ښۇياڷ عاجێزڸێزارۇن، 

عۈلۈڅانڬۈ ۺۈلېب «ئێنوالێدڸێيێۺ»؟

عارښۇل ڬۇرۈنێ ماڞ جێدېي ڸالارېل، 

رێڮدايې حالطۇلېل حاكێمزابێيێۺ؟

چۈڮۈي خێنگێل ڬۇرېب خابار ڸالارېب، 

خێرێياب ماڞالدا ڞالێ ڸالارېب، 

ڄۇجۇ يێچارێزې بازارالدې ڸۇن، 

بێڮێناز گالاڷ باگ كوېردې بۈساراب.

ابێلا، رۈرخاتال رێهزالڬێ رانێن، 

رېگێزې ڃۇحاراب هۈركۈڬێ ۺوانێن.

نێڶ رېگێزې رۇڬېب ڝۇلال «چۇياڷۇل»، 

چانڬۈ ناط خامێلڬێ خێيال هابۇنێۺ؟

ڨواراراب مۇعرۇل راڨ بۈڨۇن فايدا ۺێب، 

بۈڨاراب ڭايێلان تېزې ڭانێن مۇن.

ئۇرغېلازۇل هێراز هێنال راگڬێ ڝۇن، 

هاوۇراب راڨالدې رۈڨێڬێ ڝۇنۇن.

سۇئالال،  سۇئالال،  جاواب ۺۈلارېل، 

جاقا دێڛا راگ ڄۇن ابۇلېب بۇڬۈ:

كێوې وۇڬۈنێڬێ قێبلادۇڅ عادێن، 

قۇلێلا مۇعرۇزې عۈدۈب ناكۇ ڃوان.

سايڬێدئاحماد احمادنابێلازۇل.

Унге мугIрул тун

Унго, магIарулал нужер ххиялаз,

Хаган ватула дун цо-цо меххалда.

Паракъалъи гIурал гIадамал рихьун,

ГIажаиблъун гьезухъ валагьула дун.

Нужей бихьуларищ чIанда чагIацца,

ЧIвалеб бугеб малакь магIарул гIадат?

ГIагараб ракьалда рокьи тIагIарал,

ТIаде гIолел гIелал гIемерлъун рукIин?

Рахьдал мацIцI кIочарал, чунтби понцIорал,

ЧамгIаллъи гIемерал гIагарлъун рукIин.

Жиндир тIомол гуреб, тIокIаб жоялълъул,

Ургъел гьабуларел, гьарзалъун рукIин.

МагIарул гIадамаз гIагараб рещтIен,

ГIатIиракьал рокьун кьололеб букIин.

Кьварарал васацца жидерго руссен,

ЛъарагI-байдабазухъ хисулеб букIин.

Гьениб чед гIечIого, гIорцIцIи лъачIого,

ГIодоб авлахъалълъухъ урхъун лъаларо.

Кьолбол авалги тун, аб гьаваги тун,

Гьаниссан щвезе жо бугин кколаро.

Унго, тIагIинадай тIадмагIаруллъи,

ТIабигIат берцинаб, мугIрузул тIалъи.

ХхутIиладай занал, зодихъ ралагьун,

Ниж реххун тогеян гьарулел гIадин.

Ll

ТIадмагIарухъ ракьал рекьулел гьечIо,

Ракьул къимат лъалел дагьлъулел руго.

ЛълъикIал щинал рищун гочунел руго,

Росаби дагь-дагьккун чIунтулел руго.

Риххун кулал руго, реххун мегъ буго.

МагъилIан ахIулеб кечI рагIуларо.

Ххарил хIама цIолев чи вихьуларо,

Чода рекIун унев вас дандчIваларо.

КъанагIалъун йиго ххарил магьги цIун,

Хуриссан ячIуней магIарул гIадан.

Мугъзада кинигун, кодоб лъимергун,

Колода хьвадулей россассул чIчIужу.

МагIил гIоралги тIун гIодула дир ракI,

ГIадамал дагьлъараб росдахъ балагьун.

Жаниб пуруцц хъвачIел хурзахъ балагьун.

ЧIчIвадазда руссарал кулахъ балагьун.

МугIрул цIун рукIарал гIиял кир арал?

ГIачи-бачаз цIурал мучIдул кир арал?

Бакълъазда беричал ахал кир арал?

Ахакьа хIанчIчIазул бакънал кир арал?

Лъаразда гьарурал гьабал кир арал?

Гьабихъ ххенолеб доб тIорщел киб араб?

ТIохда тIибитIараб чIар кибе араб?

ЧIалда мохмохалъул нах кибе араб?

«НилIее умумуз ирсалълъе тараб,

ИяхIги намусги», гьеб кибе араб?

Гьудул-гьалмагъассде къо ккараб къоялълъ,

КъватIире рахъунеб гIадат киб араб?

Оцаз хурги бекьун, хIалухъиналълъул,

ХIамида гьир къалел къедиссел кире?

Къали хьалеб хуриб, гохI ракулги бан,

БачIин бакIарулел багвалал кире?

Риидал магIарда гIачиги хьихьун,

Хьагахъе рахь тIолел ТIиндиссел кире,

ТIогьол бакълъабазде гIиялги речIчIун,

ХIанил кеп босулел Сасикьел кире?

Куракалълъул ахалI бачIин кьелилан,

Гьелда божун чIчIарал ЧIамалал кире?

Росда нахъа ругел хурзалги рекьун,

Гьелълъ бетIер бахъарал Хъварщиссел кире?

Бахьинал гIиязул журайги гьабун,

МагIарде вуссунев Силдиссев киве?

БугIа-ролIул гьирал гьороги сокIкIун,

Гьелълъ ракъи гьукъарал Гьакъоссел кире?

Lll

Реххе гочаразда гIайиб батани,

ГIемеразда гьоркьоб гьеб дирги буго.

Гьедарун щибизе щивассул буго,

Щибаб килищ рикIкIун гъалатIал руго.

Щибулел нилI гьанир чияр ракьалде?

Чахьал гIорцIцIиялълъе чед щвечIогунищ?

ЦIцIумазул рол хIалел хIанчIчIазде гьоркьор,

ХIули чияр гъурал гъудулгун цадахъ.

Гьанир рачIаралълъухъ щиб нилIей щвараб?

МагIарул гьогьенищ? Гьекъолеб лълъимищ?

«Мага» «Гулябазул» гурулI ккелилан,

Дурго лъималазда бугеб хIинкъийищ?

Тушман вихьулареб, рохьазда рагъищ?

Рагъ гьечIелълъур чIвалел гIолохъабийищ?

ГIарцухъ хъулухъ щвезе, дандиялги чIван,

Депутатлъиялде нух бахъунелищ?

НилIер мацIцI бицунел саяхъ хьвадулел,

Авал ссверун ругел саунабийищ?

ЦIцIалул идарабаз экзаменазухъ,

Эркенго босулеб дадал гIарацищ?

Сордо-къо лъачIого рестораназде,

Рокъоб нух лъалареб, къосараб къавмищ?

ЛълъикIаб адабалълъул асар лIугIарал,

ГIаданлъи кIочарал гьал гIоркьилалищ?

Херазул рукъзабахъ умумулги кьун,

Гьезул малалдассан кеп босулелищ?

ЧIара-рокъой тарал, эмен лъаларел,

Лъималазул гIоди рагIизеянищ?

Нахъассан балагьун бихьинал цIцIуял,

БатIа рахъунареб ратIлил пормайищ?

Патя Зуляйилан, Шома Ханчикин,

Цоцазде ахIулел нилIер цIцIаралищ?

Васассул кинидахъ кечI ахIуларей,

Керенги диргъарай дур цIияй нусищ?

ДахIададал мацIцIалъ кIалъазе лъачIел,

РосулI рачIунарел дур гьитIичалищ?

Бидул тIаде цуялълъ гIажизлъизарун,

ГIолохъанго щолеб «инвалидлъийищ»?

ГIарцул гурони мацIцI жидей лъаларел,

Рихьдае хIалтIулел хIакимзабийищ?

Чохьой ххинкIил гуреб ххабар лъалареб,

Ххирияб мацIцIалда цIцIали лъалареб,

ЧIчIужу йичаризе базаралде лъун,

Бихьиназ кIалалълъ бакI кверде босараб.

Абила, рорххатал ригьзалги ранин,

РекIизе чIухIараб гьоркоги щванин.

НилI рекIизе ругеб цIулал «чуялълъул»,

Чанго натI ххамилги ххиял гьабунищ?

Кьварараб мугIрул ракь бокьун пайда щиб,

Бокьараб ккайилан тезе кканин мун.

Ургъелазул гьираз гьинал ракIги цIун,

Гьавураб ракьалде рокьиги цIунун.

Суалал, суалал, жаваб щоларел,

Жакъа дицца ракI чIчIун абулеб буго:

Киве вугониги къибладухъ гIадин,

Къулила мугIрузе гIодоб наку чIван.

Сайгидахӏмад Ахӏмаднабилазул.