Дир дунял دێر دۇنيال

٢٠١٥  سۈناڷۇل چابڅادۇڶ مۈڞاڷۇل ٣١ قۈ،  عۇلجۇم قۈ - رۇزمان قۈ

دێر دۇنيال.

دێڛاڬێ ئۇرغانا دێيېڬۈ دۇنيال،

دێيې ڨۇرالداصا داهاب باطێياب.

رێطۇڅڸێ طېهالېل،  طېقڸێ باقوالېل،

طۈهۈل مايدانازدا ران رۇڬۈ رۇقزال.

هۇدۇلڸێ - واڛڸێياڷ راكارال ڝاياز،

ڞۈرۈي - كواچ كێداڬۈ ڸالارۈ هېنێب.

هېنێب،  باق انێڬێ،  ئۇنارۈ كانڸێ،

رۈڨێ ڭارال بېراز قاڸۇلا عالام.

هېنێب ښۈښاداصا ماڞ هابۇلارۈ،

ماڞ هێقۇن مێلاتال رێڨ - رێڨۇلارۈ.

هېنێب ياراغ هېڃۈ،  هېنێب راغ هېڃۈ،

رۈڨۇل كۇڃدۇل رۇڬۈ كێنازۇلڬۈ بۈلكېڃ.

هېب دێر دۇنيالالدا دێنڬێ،  عېلمۇڬێ

عادامازې عۈلۈ بۇڬۈ حالطۇلېب.

حالطۇلېص ڬۇرۈنێ حانڃۇلارێلان،

حانڄازۇل كېڃ بۇڬۈ قانۇنڸۇن بۈسۇن.

هېنێب كاكۇلارۈ اراب زامانا

زاناڨ ڨێجارالڬۇن احۇلارۈ ڨال.

هېنێر رێچۇلارۈ ڞارال،  څۇلۇڅال

بۈڞێ عېمېراصې قۇلۇلارۈ خالق.

هېب دۇنێيال دێڛا،  دۇنڬۈ ئۇنېڷۇل،

دێرڬۈ ناسلابازې تېلا ئێرساڷې.

رێطۇڅڸێ طېهالېب،  طېقڸێ باقوالېب،

طۈهۈل مايدان دۇيې ڨېلا داغێستان.

داوۇدێلازۇل حابێب

Дир дунял.

Диццаги ургъана диего дунял,

Дие кьуралдасса дагьаб батIияб.

РитIухълъи тIегьалел, тIекълъи бакъвалел,

ТIогьол майданазда ран руго рукъзал.

Гьудуллъи - ваццлъиялълъ ракарал цIаяз,

ЦIцIорой - квач кидаго лъаларо гьениб.

Гьениб, бакъ аниги, унаро канлъи,

Рокьи ккарал бераз къалъула гIалам.

Гьениб цоцадасса мацIцI гьабуларо,

МацIцI гьикъун милатал рикь - рикьуларо.

Гьениб ярагъ гьечIо, гьениб рагъ гьечIо,

Рокьул кучIдул руго киназулго кечI.

Гьеб дир дунялалда динги, гIелмуги

ГIадамазе гIоло буго хIалтIулеб.

ХIалтIулесс гурони хIанчIуларилан,

ХIанчIчIазул кечI буго къанунлъун босун.

Гьениб какуларо араб замана

Занакь кьижаралгун ахIуларо кьал.

Гьенир ричуларо цIцIарал, хъулухъал

БоцIцIи гIемерассе къулуларо ххалкъ.

Гьеб дуниял дицца, дунго унелълъул,

Дирго наслабазе тела ирсалълъе.

РитIухълъи тIегьалеб, тIекълъи бакъвалеб,

ТIогьол майдан дуе кьела Дагъистан.

Давудилазул ХIабиб

Ахалде اخالدې

٢٠١٥  سۈناڷۇل چابڅادۇڶ مۈڞاڷۇل ٢٧ قۈ،  انڷځۇر قۈ - ئێتنێ قۈ

اځالدې

بۇڞۇحۇن بۇگايا،  اځ،  صابرۇ هابېيا،  مێسكێن،

ڬۇرحېل هېڃېزۇل كوېرڅان كۇمېك هېڃێن نێڶېيې.

دۇر بېطېرهانچێياصدې هابۇڬې دۇڛا عايێب،

هابزاڛا ڭۇراب بالكان گۈلارێن دۈصدا ڃوازې.

اځ،  مۇن ڝاق قوارێڸۇڬې،  قېچۈن حال بېرهۇنێلان،

ڷێم باڃۇنېب زامالا ازداهۈ قێنڸۇن بۇڬێن.

مادۇهال عۈرڞۇنێلان عۈدۇڬې دێدا ڛېبې،

ياح هېڃېزۇل چاڮال ڝۇن،  چێداي جۈ طۈگڸۇلارێن.

ئێنخوادېرێل قۈ ڮێڮۇن قۇرباندێ راڅدا تانا،

ڃێڨدېرێل سۈردۈ ڮێڮۇن سايڬێد - مۇحاماد تانا.

رادال - قاد ڷێم باچێنې قۇرباندێڛا تۈلارۈ،

قاصێ سۈردۈ رۈهێنې دێداڬێ حال گۈلارۈ.

نێچ تۇن ڞارۇڞارازې ڞۈهۈدۇنڬێ ڷێم ۺۈلا،

ڞۇيال نێج گێيازۇلڬۈ اځال عادادا ځوانا.

عايێبالڬۈ هارۇڬې،  عالێبېڬێل مۇحاماد،

دۇر ماحال ڃۇنتێ ڸانێ،  ڃۇحێلا څايتۇلايڬێ.

ئێنخوال،  ڃێڨال رێخۇنان خېخڸۇڬې وۈرې،  مێسكێن،

كێصاي ڃۈبۈڬۈياو چێ ڃالعۇنێن عادامازدا.

ئێنخوادېرێل بێڮێنال رۈڮ ڝۇنێزې ڷوانێڬێ،

ښۈحۈنێڬێ ڃێڨێياو ڃالۇ كامۇن خۇطێڃۈ.

ڷېدې راڃارال ڃوازې ڃێڨال رېكېرانێڬێ،

اځ ڷاڸاڃېو ئێنخۈصېو عالێ ڬۇرېو خۇطێڃۈ.

ئێنخۈصا عالێحاجێ

Ахалде

БуцIцIухIун букIая, ах, ссабру гьабея, мискин,

ГурхIел гьечIезул кверхъан кумек гьечIин нилIее.

Дур бетIергьанчияссде гьабуге дуца гIайиб,

Гьабзацца ккураб балкан кIоларин доссда чIвазе.

Ах, мун цIакъ къварилъуге, къечон хIал бергьунилан,

Лълъим бачIунеб Замала аздагьо къинлъун бугин.

Мадугьал гIорцIцIунилан гIодуге дида ццебе,

ЯхI гьечIезул чахьал цIун, чидай жо тIокIлъуларин.

Инххвадерил къо хьихьун Къурбанди рахъда тана,

ЧIикьдерил сордо хьихьун Сайгид-МухIамад тана.

Радал-къад лълъим бачине Къурбандицца толаро,

Къасси сордо рогьине дидаги хIал кIоларо.

Нич тун цIцIаруцIцIаразе цIцIогьодунги лълъим щола,

ЦIцIуял ниж кIиязулго ахал гIадада хвана.

ГIайибалго гьаруге, ГIалибегил МухIамад,

Дур махIал чIунти лъани, чIухIила Хъайтулайги.

Инххвал, ЧIикьал риххунан ххеххлъуге воре, мискин,

Киссай чIобогояв чи чIалгIунин гIадамазда.

Инххвадерил бихьинал рохь цIунизе лълъваниги,

ЦохIониги ЧIикьияв чIалу камун ххутIичIо.

Лълъеде рачIарал чIвазе ЧIикьал рекераниги,

Ах лълъалъачIев Инххоссев ГIали гурев ххутIичIо.

Инхосса ГIалихIажи

2015 соналълъул чабхъадулI моцIцIалъул 27 къо, анлълъхур къо - итни къо

ڴواحالاصدې КIКIВАХIАЛАССДЕ

٢٠١٥  سۈناڷۇل چابڅادۇڶ مۈڞاڷۇل ٢٥ قۈ،  بۈرهان قۈ - شامات قۈ

ڴواحالاصدې

كێوېخۇن مۇن ۺوانێڬێ،  ۺێب باگالدا ڄانێڬێ،

دۇڛاڬۈ حال قوێنڃۈنێ،  دۇر قادرۇ ڞێڴێنارۈ،

كێعان دۇي بۈڨانێڬێ،  باڨال رێڅ -  رێڅانێڬێ،

مۇنڬۈ عېبېدې وېڬۇن،  دۇي ماعێشات – شاكاب جۈ.

ۺۈب - ۺۈبالدېڬێ واځۇن خالقالدې احدانێڬێ،

حالطۇلارېل كوېراڅې كوێنې چېدڬێ ۺوېلارۈ.

شۇكرۇ بېطېرهاناصې،  رێقزێ ڨۈلېو وۇڬێلان،

ڨێجۇن عېبېدې ڄانێ ڄۈلېب،  فاقێر،  دۇر چاناغ.

چانا مۇحاماد عادێن عاچێوېڮڸۇن ڃۇحانێ،

ڃۈبۈڬۈياب ښارغێنێب ښۈ صاح بان وۈخێلارۈ.

دانڬێزێل بۈڨڬێ باڅۇن بۈڬاڷ مۇن عۈرڞێلارۈ،

عاشاتێل چاڅۇ ڮێڮۇن چارۇڅال ڝێڸێلارۈ.

چێيار ڬوايال رۈرخۇنێن ڬۇردېڬێ دۇي ۺوېلارۈ،

ڬۈربۈل ۺېگ طۇنانێڬێ طاجۇ ڨۈلېو ڭېلارۈ.

طادچاعازې حېلۇنێن حالاي چێ شاكاو وۇڬۈ،

ۺۈلېب دۇرڬۈ نافاقا مۇقصانڸێزې بێڿاڬې.

بېچېدال چاعێيازۇل چارال خارباڅ عېنېڭۇن،

خانێل باهايابنێڬێ هابێڃۈڬۈ وۇگۇنڬې.

وۈرې،  بېڬاوۇلاصدا بادێو والان ڮێمۇڬې،

ڮێمال بۇسېنالداڬێ دۇيېڬۈ حالڮێ هابې.

حېلۇنێن خايێر هېڃېو بېطېرهانڸۇن هاوۇڬې،

خابار هۇئێنێڛا مۇن هاوۇلێن،  فاقێر،  ئێنجێت.

الاهاص څوارابێلان خۈنجرۈلڬۇن ماخصارا تې،

څواراب جۈ ځۈلارێلان ځوالدې داندې وۈرتۇڬې.

كێصاي ڃۈبۈڬۈياو چێ چێداي قابێحاو وۇڬێن،

حالطۇڶ ڃۇحێ جێبڬۈ تۇن،  جۇواي،  ڬۇرۇن غۇجدۇلڬۇن.

جاحبارێل طێلڬێ خێسۇن طالدا - نۈڅۈ ڭۇنانێ،

كېفكاڛا مۇن ڝېخېلا،  ڞانێڬێ كامێلارۈ.

كامێلێل ڬازا - راخان ڬۈربۈدا دۇر حالڸانێ،

حالۇڅێناڷ رۈقۈبې نۇځ ڸېڃۈڬۈ تېلارۈ.

تېمێربېڬێل مۈڬۈرۈ ڬۇرێۺ خاراڷۇل ئۇستار

خێنگازۇل قاناعاڸێ قواطێبې غۈلېب هۇدۇل.

قواڃا - طێلڬێ رېقاراب راقۇل حال بېرهانانێ،

قابێحاب فێشا هابۇن راهداتېلڸۇن ڄېزېعان.

هال دێڛا دۇي رېخصارال ماخۺېلازدې عێن طامۇن،

عاطێدڬۈ كوېرڬێ بېهۇن،  ښۈ ڭېزابې دۇي ناڅې.

ێنخۈصا عالێحاجێ

КIКIВАХIАЛАССДЕ

Кивеххун мун щваниги, щиб бакIалда чIчIаниги,

Дуццаго хIал къвинчIони, дур къадру цIцIикIкIинаро,

КигIан дуй бокьаниги, бакьал рихъ-рихъаниги,

Мунго гIебеде вегун, дуй магIишат – щакаб жо.

Щоб-щобалдеги вахун ххалкъалде ахIданиги,

ХIалтIуларел кверахъе квине чедги щвеларо.

Щукру БетIергьанассе, рикъзи кьолев вугилан,

Кьижун гIебеде чIчIани чIчIолеб, пакъир, дур чанагъ.

Чана МухIамад гIадин гIачивехьлъун чIухIани,

ЧIобогояб царгъиниб цо cсaxI бан воххиларо.

Дангизил бокьги бахъун богалълъ мун гIорцIцIиларо,

ГIашатил чахъу хьихьун чарухъал цIилъиларо.

Чияр гваял рорххунин гурдеги дуй щвеларо,

Горбол щекI тIунаниги тIажу кьолев ккеларо.

ТIадчагIазе хIелунин хIалай чи щакав вуго,

Щолеб дурго напакъа мукъссанлъизе биччаге.

Бечедал чагIиязул чарал ххарбахъ гIенеккун,

Ханил багьаябниги гьабичIого вукIунге.

Воре, бегавулассда бадив валан хьимуге,

Хьимал бусеналдаги дуего хIалхьи гьабе.

ХIелунин ххайир гьечIев бетIергьанлъун гьавуге,

Ххабар гьуиницца мун гьавулин, пакъир, инжит.

Аллагьасс хъварабилан ххонжролгун маххссара те,

Хъвараб жо холарилан хвалде данде вортуге.

Киссай чIобогояв чи чидай къабихIав вугин,

ХIалтIулI чIухIи жибго тун, жувай, гурун гъуждулгун.

ЖахIбарил тIилги хисун ТIалда-нохъо ккунани,

Кепкацца мун цIеххела, цIцIаниги камиларо.

Камилил газа-раххан горбода дур хIаллъани,

ХIалухъиналълъ рокъобе нух лъечIого теларо.

Темирбегил могоро гурищ ххаралълъул устар-

ХхинкIазул къанагIалъи къватIибе гъолеб гьудул.

КъвачIа-тIилги рекъараб ракъул хIал бергьанани,

КъабихIаб пиша гьабун рагьдателлъун чIчIезегIан.

Гьал дицца дуй рехссарал махщелазде гIин тIамун,

ГIатIидго кверги бегьун, цо ккезабе дуй нахъе.

Инххосса ГIалихIажи

صواكان وۇڬۈ هۇدۇل Ссвакан вуго гьудул

٢٠١٥  سۈناڷۇل چابڅادۇڶ مۈڞاڷۇل ٢٥ قۈ،  بۈرهان قۈ - شامات قۈ

صواكان وۇڬۈ هۇدۇل

صواكان وۇڬۈ،  هۇدۇل،  صواكان وۇڬۈ دۇن،

سۈنازۇل نۇځ هېڃېل ڨۇرداصا خارۇن.

څانطاراز بېڨۇلېب زاماناياڷۇل،

زۇلمۇياڷۇل فۇرۇڛ خادۇب ڞازې ڭۇن.

ئۇنتۇن بۇڬۈ،  هۇدۇل،  ئۇنتۇن بۇڬۈ راگ،

ئۇنتاراب داغێستان دێر واطان بۇگۇن.

بېطېرڸۇدا رۇڬېز نێڶېر خالقاڷۇل،

اخێرێصېب بۈجێ بێقۇلېب بۇگۇن.

كواچان بۇڬۈ،  هۇدۇل،  كێصانڬۈ فۇلېب،

فۇدارۇڅابازۇل هۈرۈڛا كېرېن.

هۇدۇلڸێ بێچاراب،  نامۇس بێلاراب،

ناسلۇڬۇن داعبادا - دۈن - كێخۈت عادێن.

حێنقۇن وۇڬۈ،  هۇدۇل،  حێنقۇن وۇڬۈ دۇن،

حێنقاراب هاب زامان خالات خۇطێلێن،

رۈڨێڬێ،  راحمۇڬێ،  باحارچێڸێڬێ،

نێڶېر طاڸێيالدا طۇبان ڶۇعێلێن.

طېقڸێياڷ قۇراو دۇن،  قێسماتاڷ هانجې،

قواطێوې،  رێڴادې وۇڬۈ احۇلېو.

رۈڨێڬێ،  راحمۇڬێ،  باحارچێڸێڬێ

بێلێڃېب ڄێنگێلڸێ... ئۈه،  كێب باتۇلېب؟

داوۇدێلازۇل حابێب

2015 соналълъул чабхъадулI моцIцIалълъул 25 къо, боргьан къо – шамат къо

Ссвакан вуго гьудул…

Ссвакан вуго, гьудул, ссвакан вуго дун,

Соназул нух гьечIел кьурдасса ххарун.

ХъантIараз бекьулеб заманаялълъул,

Зулмуялълъул пуруцц ххадуб цIцIазе ккун.

Унтун буго, гьудул, унтун буго ракI,

Унтараб Дагъистан дир ВатIан букIун.

БетIерлъуда ругез нилIер ххалкъалълъул,

Аххириссеб божи бикъулеб букIун.

Квачан буго, гьудул, киссанго пулеб,

Пударухъабазул гьороцца керен.

Гьудуллъи бичараб, намус билараб,

Наслугун дагIбада - Дон-кихот гIадин.

ХIинкъун вуго, гьудул, хIинкъун вуго дун,

ХIинкъараб гьаб заман ххалат ххутIилин,

Рокьиги, рахIмуги, бахIарчилъиги,

НилIер тIалъиялда тIубан лIугIилин.

ТIекълъиялълъ къурав дун, къисматалълъ гьанже,

КъватIиве, рикIкIаде вуго ахIулев.

Рокьиги, рахIмуги, бахIарчилъиги

БиличIеб чIчIинкIиллъи... Огь, киб батулеб?!

Давудилазул ХIабиб

ИСРАПЧИЯССДЕ ئێسرافچێياسدې

٢٠١٥  سۈناڷۇل چابڅادۇڶ مۈڞاڷۇل ٢٤ قۈ،  عۇلجۇم قۈ - رۇزمان قۈ

ئێسرافچێياصدې

هابێڅې ئۇن خېنۈلا،  خانجۇ عېمېر بۈڨۇلا،

عۈدۈبې ئۈخ ئۇنېڷۇل خالڬۈ از هابۇلارۈ.

خێنگال ڞێڴێن ڞار بۇڬۈ،  ڞالگۇ رێزاب كاكۇلا.

كوانان عۈرڞاراب مېخاڷ عېمېراب كالام ڭۈلا.

كالام عاجامێيازې عاراب طېڮالدا څواراب،

عېنېڭۇن خال ڭۇنانێ،  كێښێڸۇن ڛېبې ڄۈلېب.

كافۇرازۇل خان - فێرعان عېدېعۇن ئۇنېڷۇلڬێ،

ايغێرڬێ ڄېزې هابۇن بۈعۈلڬێ مۇه بۈساراو.

كۈرۈڅ - هابێڅ چامعالڸۇن چادێل اداب رېخۇلا،

چامال خانجدال عادێناب،  عاطال ڄوا  كامۇلارۈ.

مېسېد - عاراښالداڸۇن عامال گۈدۈڸاراوڬێ،

عاطال اداب رېخانێ،  رێخۇنێن عالامالدا.

عۇنڴازۇلڬۇن داراماڷ دۇي خايێر باځێنارۈ،

خابار رېقېزې هابۇن،  رۇق ڛېبې تۇرگێلارۈ.

تاوبۇ،  دۇر كانطۇنڬۇطێ،  كوانێل تۇن بۇڬېب اداب،

ئێسراف هابۇن بۈعۈلڸێ بۇڬۈ دۇر راڅ - راڅالدا.

راهارال قانداڸابێ،  قاعێدا هېڃېل هێرال،

هېزدا طاد طۈخۈل قۇڃبێ،  قۈڬۈ كاراط باڅارال.

بۇقێزې كوېرال طاعۇن،  كۇن ځوېزې رۇڴېن كامۇن،

كالێماتێل نۇسالدا بێسمێلا گۈچۈن بۇڬۈ.

بۈسۇلاڬۈ هارۺۈلا،  هێردا جانێصا غۇنا،

غارێماڷۇل هۈبۈ - كۈر كێنعاڬێ حېبطۇن بۇڬېب؟

بۈعۈلڸێدۇل حۇرمات ڭوې،  حالێڮاتێل څاتێر تې،

خێنگ دۇڛا هۇدۇل هابې،  هېڷ مۇن جانێو واچۇنێن.

نۇځدا بۈرتۇن باتاراب،  تۈڬې مۇه فۇرڃێنادۇل،

هېڷ دۇيې كوېرباقێلا،  راقۇدا ڛېبې ڄېلا.

ڄېڃۈڬۈ كوانالېو چێ كاكۇن وۇڬۈ عېلمۇياڷ،

عادلۇ هېڃېب چېڮدێلا – دارۇ هېڃېب ئۇنتێيان.

مۇنڬۈ جێندێڅ ئۇرڅاراب څانطۇن واڃۇن بۈسۇڬې،

بالاهاراو ڮێمۇلېب ڮۇل ڸېي ڸازې بێڿاڬې.

نۇجڬۈ عۈرڞۇن طۈگڸاراب رێقزێ فاسات هابۇڬې،

هېب كوێنې كواطێڃۈڬۈ ڭۈلېبڸێ ڸاي رێهداڬۈ.

ئێنخۈصا عالێحاجێ

ИСРАПЧИЯССДЕ

Гьабихъе ун ххенола, хханжу гIемер бокьула,

ГIодобе охх унелълъул ххалго аз гьабуларо.

ХхинкIал цIцIикIкIин цIцIар буго, цIцIалкIу ризаб какула.

Кванан гIорцIцIараб меххалълъ гIемераб калам ккола.

Калам гIажамиязе гIараб тIехьалда хъвараб,

ГIенеккун ххал ккунани, кицилъун ццебе чIчIолеб.

Капуразул хан - ПиргIавн гIедегIун унелълъулги,

Айгъирги чIчIезе гьабун богIолги мугь босарав.

Корохъ-гьабихъ чамгIаллъун чадил адаб реххула,

Чамал ханждал гIадинаб, гIатIал чIчIва камуларо.

Месед-гIарацалдалъун гIамал кIодолъаравги,

ГIатIал адаб реххани, риххунин гIаламалда.

ГIункIкIазулгун дарамалълъ дуй ххайир бахинаро,

Ххабар рекъезе гьабун, рукъ ццебе туркIиларо.

Тавбу, дур кантIунгутIи, кванил тун бугеб адаб,

Исрап гьабун богIоллъи буго дур рахъ-рахъалда.

Рагьарал къандалъаби, къагIида гьечIел гьирал,

Гьезда тIад тIоххол къучIби, къого каратI бахъарал.

Букъизе кверал тIагIун, кун хвезе рукIкIен камун,

Калиматил нусалда бисмила кIочон буго.

Босулаго гьарщола, гьирда жанисса гъуна,

Гъарималълъул гьобо-кор кингIаги хIебтIун бугеб?

БогIоллъидул хIурмат ккве, хIалихьатил хъатир те,

ХхинкI дуцца гьудул гьабе, гьелълъ мун жанив вачунин.

Нухда бортун батараб, тоге мугь пурчIинадул,

Гьелълъ дуе квербакъила, ракъуда ццебе чIчIела.

ЧIчIечIого кваналев чи какун вуго гIелмуялълъ,

ГIадлу гьечIеб чехьдила – дару гьечIеб унтиян.

Мунго жиндихъ урхъараб хъантIун вачIун босуге,

Балагьарав хьимулеб хьул лъей лъазе биччаге.

Нужго гIорцIцIун тIокIлъараб рикъзи пасат гьабуге,

Гьеб квине кватIичIого кколеблъи лъай ригьдаго.

Инххосса ГIалихIажи

2015 соналълъул чабхъадулI моцIцIалълъул 24 къо, гIулжум къо - рузман къо

ДУРЦЦАССДЕ دۇرڛاصدې

٢٠١٥ سۈناڷۇل چابڅادۇڶ مۈڞاڷۇل ٢٤ قۈ،  عۇلجۇم قۈ - رۇزمان قۈ

دۇرڛاصدې

عاراب نازمابازۇل قېد بێچۇلاڬۈ،

قۈيال ئێسرافڸانا،  ساردال ڞێڴانا.

بێچ - بێچۇن باراب قېد ناڅې څوالاڬۈ،

رۇخنۇل ڬۇدڬۇدانا،  ڬۇزبێ طېحڸانا.

هېل قاڃازې ئۇستار والاهۇلاڬۈ،

ڮێتال چۇرۇكڸانا،  چارۇڅال ځوانا.

خێيالازۇل چۈدا رېگۇن ڮوادێياڷ،

دۇنڬۈڬێ ځېرڸانا،  خايێرڬێ ڭېڃۈ.

خێراڬۈ رۇگاراز مۇغال رېخانا،

خێيانات بێڮێزې ڮۇلازدا راتۇن.

ڮێبێل ڃوان ڮوادارال دۈرېعان قانا،

دێرڬۇن عامال رېقۇن قادار هېڃېڷۇل.

ئێنخۈصا عالێحاجێ

ДУРЦЦАССДЕ

ГIараб назмабазул къед бичулаго,

Къоял исраплъана, сардал цIцIикIкIана.

Бич-бичун бараб къед нахъе хъвалаго,

Руххнул гудгудана, гузби тIехIлъана.

Гьел къачIазе устар валагьулаго,

Хьитал чуруклъана, чарухъал хвана.

Ххиялазул чода рекIун хьвадиялълъ,

Дунгоги херлъана, ххайирги ккечIо.

Ххираго рукIараз мугъал реххана,

Ххиянат бихьизе хьулазда ратун.

Хьибил чIван хьвадарал дорегIан къана,

Диргун гIамал рекъун къадар гьечIелълъул.

2015 соналълъул чабхъадулI моцIцIалълъул 24 къо, гIулжум къо - рузман къо

Инххосса ГIалихIажи