БЕЧЕДАЛ ЧАГIАЗДЕ بېچېدال چاعازدې

٢٠١٥  سۈناڷۇل چابڅادۇڶ مۈڞاڷۇل ٩ قۈ، هۈرڨۈ قۈ - خامێز قۈ

بېچېدال چاعازدې

عۈدۈصانڬۈ ڨێبێل ڨۇرارابێلان،

ڨۇردێزې ڬۇرۈنێ ازدا ڸالارېب.

ڨۈلبۈڶانڬۈ تۇخۇم بېچېدابێلان،

كوانازې ڬۇرۈنێ دۇر ماخۺېل هېڃېب.

احۇلېل كۇڃدۇلڬێ كېفال خاربالڬێ،

كېرېن چۇچێياڷې،  چان هېل نۇجېيې.

چاماصداكێل غۈطۈڨ غۈرڨ عۈدۈرڬێ ڄۇن،

عۇمرۇ كێنازۇلڬۈ كېف - صۇحماتالدا.

كوانێيې حالڬێ ڨۇن،  حالطێ گۈچۈن تۇن،

گوارال مێسكێنزابێ زۇرۇلېل هانجې.

زارۇڨ حێنقارال قان،  قارال څاتێڨ ڭۇن،

كواطێ شاكاب،  زاينۇ،  زۇلمۇ خالقالدا.

زامانا ځێسێزې قۈطێ هېڃێلان،

قوالاڨ طېڮ ڭۇرازڬێ كوېر خېخ ڮواعێلېب.

ڮێبێل ۺۈقڸێڃۈڬۈ ۺواراب دۇر رێزقێ،

ۺێواو چێياص ئێنێن،  ئېدێن مۇنڬێ تۇن.

نادێڶ عېط ڝێرێڃېب بۈڞۇڅ بالاهې،

باهانا دۇيڬێ ۺۇن،  ۺێب ڭۈلېبالێ.

شاكڸێ هېڃېب دالێل،  دۇدا هېب بێڄا،

هۈبۈ عادێن دۇنيال دائێم صوېرۇلېب.

ئێنخۈصا عالێحاجێياو

2015 соналълъул чабхъадулI моцIцIалълъул 9 къо, гьоркьо къо - ххамиз къо 

БЕЧЕДАЛ ЧАГIАЗДЕ

ГIодоссанго кьибил кьурарабилан,

Кьурдизе гурони азда лъалареб.

КьолболIанго туххум бечедабилан,

Кваназе гурони дур махщел гьечIеб.

АхIулел кучIдулги кепал ххарбалги,

Керен чучиялълъе, чан гьел нужее.

Чамассдакил гъотIокь гъоркь гIодорги чIчIун,

ГIумру киназулго кеп-ссухIматалда.

Квание хIалги кьун, хIалтIи кIочон тун,

КIварал мискинзаби зурулел гьанже.

Зарукь хIинкъарал къан, къарал хъатикь ккун,

КватIи щакаб, Зайну, зулму ххалкъалда.

Замана хисизе къотIи гьечIилан,

Къвалакь тIехь ккуразги квер ххехх хьвагIилеб.

Хьибил щокълъичIого щвараб дур ризкъи,

Щивав чиясс инин, эдин мунги тун.

НадилI гIетI цIиричIеб боцIцIухъ балагье,

Багьана дуйги щун, щиб кколебали.

Щаклъи гьечIеб далил, дуда гьеб бичIчIа,

Гьобо гIадин дунял даим ссверулеб.

Инххосса ГIалихIажияв