ЛIугIана кинабго ڶۇعانا كێنابڬۈ

٢٠١٥  سۈن. چابڅادۇڶ مۈڞ. ٣ قۈ.

ڶۇعانا كێنابڬۈ.

ڶۇعانا كێنابڬۈ - كېڃڬێ رۈڨێڬێ،

بۈڨۇلېب ئێځ انا خاسالێڶ دۇنڬێ تۇن.

خاسالێل عازدادا عێدرا كێنێڬێ،

عۈدۇلېب خۇطانا ځېرڸێ ڸاڃېب راگ.

چۈرخۈل عۇزراباڛا عۈدۈب طامۇراب،

عۈلۈڅانڸێ هېڃۈ طۈگاڷ باڅۇلېب.

سۈنازۇل باگڸێياڷ بېكۇن ڃالۇڬێن،

ڃۇنتۇن بۇڬۈ مێنا دێر حاسراتازۇل.

عۇجرۇقۇل ڞۈكۈڸۇن ڶۇڶازې ۺۈلا،

ڷۇقاراب رېگېدا راگالدې ۺوېيال.

بۈطرۈل راسازداصا ساوۇ باڞێنې.

باڃۇلا ڸێمېرڸێ زازێل ڞێلێڞڬۇن.

دێر رۈڨێ ڨێجاراب ڨۇرۇل نۈڅۈدې،

نۇڅابێ ڬۇرۈنێ هېڃۈ رۈرجۇنېل.

عۇرڿێنڸێ طاعاراب،  طامځال غېناراب،

غۈطۈدا بۇلبۇلاڷ احۇلارۈ كېڃ.

ڸالڅېيان احۇلا،  ڄايان هارۇلا،

ڄېڃۈڬۈ ڶۇتۇلېب زامانايالدا.

زۈدێل قۇنقراباڅې قۈقۇنېب عۇمرۇ،

عۈدۈب گۇسۇلارۈ دۇنڬۇن خاربێيې.

هالې ۺوانا سۈردۈ،  صوانا ښۈيڬێ قۈ،

قۈقڸانا داهاڷـڬێ دێر نۇځ ڛېبېخۇن.

قێسماتاڷۇل هۈبۈل گېطېرۈ بۇڬۈ،

گۇطۇلېب خېنېزې خۇطارال قۈيال.

داوۇدێلازۇل حابێب

ЛIугIана кинабго.

ЛIугIана кинабго - кечIги рокьиги,

Бокьулеб их ана хаслилI дунги тун.

Хасалил гIаздада гIидра киниги,

ГIодулеб ххутIана херлъи лъачIеб ракI.

Чорххол гIузрабацца гIодоб тIамураб,

ГIолохъанлъи гьечIо тIокIалълъ бахъулеб.

Соназул бакIлъиялълъ бекун чIалугин,

ЧIунтун буго мина дир хIасратазул.

ГIужрукъул цIцIоколъун лIулIазе щола,

Лълъукъараб рекIеда ракIалде щвеял.

БотIрол расаздасса саву бацIцIине.

БачIула лъимерлъи зазил цIцIилицIцIгун.

Дир рокьи кьижараб кьурул нохъоде,

Нухъаби гурони гьечIо роржунел.

ГIурччинлъи тIагIараб, тIамхал гъенараб,

ГъотIода булбулалълъ ахIуларо кечI.

Лъалхъеян ахIула, чIчIаян гьарула,

ЧIчIечIого лIутулеб заманаялда.

Зодил къункърабахъе къокъунеб гIумру,

ГIодоб кIусуларо дунгун ххарбие.

Гьале щвана сордо, ссвана цойги къо,

Къокълъана дагьалъги дир нух ццебеххун.

Къисматалълъул гьобол кIетIеро буго,

КIутIулеб ххенезе ххутIарал къоял.

ХIабиб Давудилазул