ГЬАДИНАБ ЖОЙИЩ ГЬАБ ГIУМРУ БУКIАРАБ هادێناب جۈيێۺ هاب عۇمرۇ بۇگاراب

٢٠١٥  سۈناڷۇل چابڅادۇڶ مۈڞاڷۇل ١٣ قۈ،  انڷځۇر قۈ - ئێتنێ قۈ

هادێناب جۈيێۺ هاب عۇمرۇ بۇگاراب

هادێناب جۈيێۺ هاب عۇمرۇ بۇگاراب،

عۇرڿێناب ئێځێلان دۇر خێيال ڭاراب،

عاداماصۇل هۇمېر هێماراب مېخاڷ،

ښۈ حێلا باتێلێن حێنقێزې ڭاراب.

هادێناب جۈيێۺ هاب عۇمرۇ بۇگاراب،

ماعێڛا ڷاڸاراب،  ڷېڛا چۇراراب،

ڷێگال ۺێنال چاعێ قاناباڨ ڸۇراب،

قابێحاب ۺێناب جۈ راڨالدا تاراب.

هادێناب جۈيێۺ هاب عۇمرۇ بۇگاراب،

عۇنڬۇطاباز ڭۇراب،  كوېشڸاباز ڝۇراب،

ڷێگڸێ هابۇراصې ناعانا ڨۈلېب،

ناعانا باتايال تاخێدا تۈلېب.

هادێناب جۈيێۺ هاب عۇمرۇ بۇگاراب،

عۇرۇڛا جێب اياب،  دێر راگ ئۇنتاراب،

ڞواگ - ڞواكۇن زۈبالاڅ ڞوابێڬێ رۇڬېب،

ڞار احۇن واتێزې عادانڬێ هېڃېب.

باقڸۇڅا جابراعێل حاسانێلازۇل

2015 соналълъул чабхъадулI моцIцIалълъул 13 къо, анлълъхур къо - итни къо

ГЬАДИНАБ ЖОЙИЩ ГЬАБ ГIУМРУ БУКIАРАБ

Гьадинаб жойищ гьаб гIумру букIараб,

ГIурччинаб ихилан дур ххиял ккараб,

ГIадамассул гьумер гьимараб меххалълъ,

Цо хIила батилин хIинкъизе ккараб.

Гьадинаб жойищ гьаб гIумру букIараб,

МагIицца лълъалъараб, лълъецца чурараб,

ЛълъикIалщинал чагIи къанабакь лъураб,

КъабихIабщинаб жо ракьалда тараб.

Гьадинаб жойищ гьаб гIумру букIараб,

ГIунгутIабаз ккураб, квешлъабаз цIураб,

ЛълъикIлъи гьабурассе нагIана кьолеб,

НагIана батаял таххида толеб.

Гьадинаб жойищ гьаб гIумру букIараб,

ГIуруцца жиб аяб, дир ракI унтараб,

ЦIцIвакI-цIцIвакун зобалахъ цIцIвабиги ругеб,

ЦIцIар ахIун ватизе гIаданги гьечIеб.

Бакълъухъа ЖабрагIил ХIасанилазул.