Жакъад гIид гьабулелълъул جاقاد عێد هابۇلېڷۇل

٢٠١٥  سۈناڷۇل چابڅادۇڶ مۈڞاڷۇل ٢٠ قۈ،  انڷځۇر قۈ - ئێتنێ قۈ

جاقاد عێد هابۇلېڷۇل

هۇدۇل گۈچۈنڬې دۇدا

جاقاد عێد هابۇلېڷۇل

هۇدۇل گۈچۈنڬې دۇدا.

عێداڷۇل رۈخېل ۺوېڃېل

عادامال عېمېر رۇگێن.

راغۇڛاڬۇن راقۇڛا

ماڨۇ طۇرێزابۇرال

راڨالدا هابساعاتاڷ

عېمېراو ئێنسان وۇگێن.

جاقاد عێد هابۇلېڷۇل

هۇدۇل گۈچۈنڬې دۇدا،

چادێڅ ئۇرڅارال ڸێمال

دۈب شاماڷۇل راڨالدا.

راقۇڶې ئۇمۇمۇل ئۇن

ڨالۇڶ عاڬارڸێ غۇرۇن

غارێم خۇطارال طانڃێ

ڃاڬۈڸێيان احۇلېل.

جاقاد عێد هابۇلېڷۇل

هۇدۇل گۈچۈنڬې دۇدا.

چامڬێ غارێماب څێزان

چادێل طاعام گۈچارال.

گال بێڿازې ڷێم ۺوېڃېل

ڭۈلېڷۇل لۇقما ۺوېڃېل

عێداڷۇل قۈياڷ ڸێمېر

بۈخێزې سايغات هېڃېل.

جاقاد عێد هابۇلېڷۇل

هۇدۇل گۈچۈنڬې دۇدا

عۇزراباز گوېگۇلاڬۈ

بۇسادا عۇمرۇ ئۇنېل.

طادې نۇڞا راهێزې

هۈبۈل هۇدۇل ۺۈلارېل

عاڬارڸێ ڸێمېر هېڃېل.

ڃاڬۈياز رېخۇن تارال.

جاقاد عێد هابۇلېڷۇل

هۇدۇل گۈچۈنڬې دۇدا.

ځاباڶ دۇر دۇعاياڷۇڅ

ئۇرڅۇن رالاهۇن ڄارال.

تاد رۇصێنې نۇځ هېڃېل

احۇن كۇمېك ۺۈلارېل

هابۇراب عامال بۈسۇن

الاهاصۇڅې ارال.

جاقاد عێد هابۇلېڷۇل

هۇدۇل گۈچۈنڬې دۇدا

هال نێعماتازۇڅ شۇكرۇ

الاهاصې هابێزې.

گۈچۈنڬې خالێقاصۇل

دائێم دۇيې بۇڬېب ڞۈب.

گۈچۈنڬې بېطېرهاناص

دۇدې رېۺطۇنېب راحمات.

حاجێمۇراد دامادا.

Жакъад гIид гьабулелълъул

Гьудул кIочонге дуда…

Жакъад гIид гьабулелълъул

Гьудул кIочонге дуда.

ГIидалълъул роххел щвечIел

ГIадамал гIемер рукIин.

Рагъуццагун ракъуцца

Макьу тIуризабурал

Ракьалда гьабсагIаталълъ

ГIемерав инсан вукIин.

Жакъад гIид гьабулелълъул

Гьудул кIочонге дуда,

Чадихъ урхъарал лъимал

Доб Шамалълъул ракьалда.

РакъулIе умумул ун

КьалулI гIагарлъи гъурун

Гъарим ххутIарал тIанчIи

ЧIаголъиян ахIулел.

Жакъад гIид гьабулелълъул

Гьудул кIочонге дуда.

Чамги гъаримаб хъизан

Чадил т1агIам кIочарал.

КIал биччазе лълъим щвечIел

Кколелълъул лукъма щвечIел

ГIидалълъул къоялълъ лъимер

Боххизе сайгъат гьечIел.

Жакъад гIид гьабулелълъул

Гьудул кIочонге дуда

ГIузрабаз кIвекIулаго

Бусада гIумру унел.

ТIаде нуцIцIа рагьизе

Гьобол гьудул щоларел

ГIагарлъи лъимер гьечIел.

ЧIагояз реххун тарал.

Жакъад гIид гьабулелълъул

Гьудул кIочонге дуда.

ХабалI дур дугIаялълъухъ

Урхъун ралагьун чIчIарал.

ТIад руссине нух гьечIел

АхIун кумек щоларел

Гьабураб гIамал босун

Аллагьассухъе арал.

Жакъад гIид гьабулелълъул

Гьудул кIочонге дуда

Гьал нигIматазухъ шукру

Аллагьассе гьабизе.

КIочонге Ххаликъассул

Даим дуе бугеб цIцIоб.

КIочонге БетIергьанасс

Дуде рещтIунеб рахIмат.

ХIажимурад Дамада.

2015 соналълъул чабхъадулI моцIцIалълъул 20 къо, анлълъхур къо - итни къо