ڬۇجڬاتالدې ГУЖГАТАЛДЕ

٢٠١٥ سۈناڷۇل چابڅادۇڶ مۈڞاڷۇل ٢٤ قۈ،  عۇلجۇم قۈ - رۇزمان قۈ

ڬۇجڬاتالدې

بۇقۇلاڬۈ كوېر ځواراب،  كۈدۈبڬۈ باسراڸاراب،

كێنالڬۈ ڨۇعدۇل ڃالخۇن،  گێڞۇلڸێزې بۇقاراب.

قۈقڸێ - خالاڸێ رېقېي،  قۈطاراب باگ ڸالارېب،

رۈښېناڷۇل كامێلڸێ،  كێعانخا طاد رېقاراب.

راڞېن ڸالېب ڨېع هېڃێن هېدێزې حێنقێلارۈ،

هابۇراب كۇښ بێڮێزې،  بالاهې هېڷۇڅ نۇجڬۈ.

هاوا - رېقېي قوالازۇل،  قۈطۇن داراي ڭۇرابعان،

كۇن - كواراڷۇل كامێلڸێ،  كێصا هېب نێڶېي ۺۈلېب.

ۺێب ڸالېب،  چېرڬېساڷا،  چابڅاد ارازۇڅې ڨۇن،

عالێي سايغات هابێزې هېزۇل عۈلێلاز ڨۇراب.

ياڬێ ڬۇرجێ مېسېدۈل ماخۺېل باتێزې ڭۈلا،

بارتۇدا ناڅاڬێ ڸۇن،  څامۇراي نێڶېر واساز.

ئێنخۈصا عالێحاجێ

2015 соналълъул чабхъадулI моцIцIалълъул 24 къо, гIулжум къо - рузман къо

ГУЖГАТАЛДЕ

Букъулаго квер хвараб, кодобго басралъараб,

Киналго кьугIдул чIалххун, кIицIцIуллъизе букъараб.

Къокълъи-ххалалъи рекъей, къотIараб бакI лъалареб,

Роценалълъул камиллъи, кигIанхха тIад рекъараб.

РацIцIен лъалеб кьегI гьечIин гьедизе хIинкъиларо,

Гьабураб куц бихьизе, балагье гьелълъухъ нужго.

Гьава-рекъей къвалазул, къотIун дарай ккурабгIан,

Кун-кваралълъул камиллъи, кисса гьеб нилIей щолеб.

Щиб лъалеб, чергесалълъа, чабхъад аразухъе кьун,

ГIалий сайгъат гьабизе гьезул гIолилаз кьураб.

Яги гуржи меседол махщел батизе ккола,

Бартуда нахъаги лъун, хъамурай нилIер васаз.

Инххосса ГIалихIажи