КIиго хасел - گێڬۈ ځاسېل

گێڬۈ خاسېل.

اراب رێئێدالێل اخێرال طانځال

طۈڛېبېصېب عازداد رۇڬۈ راخچۇلېل.

طانځال غاراب غۈطۈل عارڨېلالدا ڄۇن،

ڄېعېرغېدۈ بۇڬۈ ڬۈزۈ باڞۇنېب.

ڄېعېراب زۈب قۈطۇن قۇنقرابازۇل طېل،

قێلبايالدې بۇصۇن بۇڬۈ بۈرجۇنېب.

هېزۇل كوارڨابازۇڶ ڨېرۇن،  دێر رێئێ

دێداصان نېچادڬۈ بۇڬۈ ڶۇتۇلېب.

دۇن،  سۈنازۇل سێطې طادېڬێ واځۇن،

صواكان ئۇنېب رێئێ نۇځدا رېعۇلېو.

اخادا باقوالېب خارێدا گۇسۇن،

گێڬۈ خاسالێڅڸێ ښۈ- ښاڷ داندڃوالېل.

هېل داندڃوالېل رۇڬۈ فاشمانڸێ باخچۇن،

ئۇرڅارال،  ڛېرېصېل هۇدۇلزابێڸۇن.

رۇگارال قۈيازدا رېگاراب ڝادۇڅ،

راگالدې ۺوېيازۇل خاربێدا رۇڬۈ.

خادۇر - فێكرابازۇڶ صێحقۈطێياڷۇل

ماقنازۇڅ عېنېڭۇن،  عازدادا ساردێڶ،

سۈرۈلېل،  ڞۈرۈرال،  ڞوابزال كانڸۇڅې،

ڸالگال رالاهۇلېل اراب عۇمرۇدۇل.

هانجې ڛېرې رۇڬۈ ڛېرېڬۈ ارال،

هاب خاسېلڬۇن دێر ئێځ داندڃوارال سۈنال.

رۈسۇڶ ئێنصۇل طۈځدا طامۇلېب لالڬێ،

لۇلبۇزدا گۇساراب دێر ڸێمېرڸێڬێ.

خادۇب - عۈلۈڅانڸێ،  عێشقۇدۇل چۈطا

چێيار شاهارازدې بۇڮاراب سافار،

ساردێل ماڨۇ عادێن ارال قۈياڛا

قوارێدال،  كواچارال دێي تارال كۇڃدۇل.

ڸالا ئێنا خاسېل،  ۺوېلا ڝێياب ئێځ

خۇردۇزدا هۈرڨۈصا راڭێلا طۇهدۇل.

طاد بۇصێنارۈ دێر عۇمرۇياڷۇل ئێځ،

«وۇحۇن ڶۇعاراصدا رېگۇنارۈ ڝا».

حابێب داوۇدێلازۇل

КIиго хасел.

Араб риидалил аххирал тIанхал

ТIоццебессеб гIаздад руго раххчулел.

ТIанхал гъараб гъотIол гIаркьелалда чIчIун,

ЧIчIегIергъедо буго гозо бацIцIунеб.

ЧIчIегIераб зоб къотIун къункърабазул тIел,

Къилбаялде буссун буго боржунеб.

Гьезул кваркьабазулI кьерун дир рии

Дидассан нечадго буго лIутулеб.

Дун, соназул ситIе тIадеги вахун,

Ссвакан унеб рии нухда регIулев.

Аххада бакъвалеб ххарида кIусун,

КIиго хасалихълъи цо-цалълъ дандчIвалел.

Гьел данд чIвалел руго пашманлъи баххчун,

Урхъарал, ццерессел гьудулзабилъун.

РукIарал къоязда рекIараб цIадухъ,

РакIалде щвеязул ххарбида руго.

Ххадур -пикрабазулI ссихIкъотIиялълъул

Макъназухъ гIенеккун, гIаздада сардилI,

Соролел, цIцIорорал, цIцIвабзал канлъухъе,

ЛъалкIал ралагьулел араб гIумрудул.

Гьанже ццере руго ццерего арал,

Гьаб хаселгун дир их дандчIварал сонал.

РосулI инссул тIохда тIамулеб лалги,

Лулбузда кIусараб дир лъимерлъиги.

Ххадуб  гIолохъанлъи гIищкъудул чотIа

Чияр шагьаразде бухьараб сапар,

Сардил макьу гIадин арал къояцца

Къваридал, квачарал дий тарал кучIдул.

Лъала ина хасел, щвела цIияб их

Ххурдузда гьоркьосса раккила тIугьдул.

ТIад буссинаро дир гIумруялълъул их,

«ВухIун лIугIарассда рекIунаро цIа».

ХIабиб Давудилазул.

Жокко барщун буго جۈڭۈ بارۺۇن بۇڬۈ

جۈڭۈ بارۺۇن بۇڬۈ رۈسدال راعالدا، 

عازۇڛا باخچاراب رۈڮێل بۈگنێدا.

مۇغزادې بېڬاراب،  بېرێچاب راڄڬۇن،

بېڬۇن بۇڬۈ ڬوانڬوا غۈطۈل هۈدرێنێب.

نۇځلۇل راڨانڸۇدا بېرښێناب خارطاڷ

"ڷێگ ۺواراب خاسېل" - ان څوان بۇڬۈ كێلۺاز.

تاصدێق هابۇن ڃواراب سۇرڬۇچ كێنێڬێن، 

كوېرزۇل صۇرات بۇڬۈ ڸێماڛا تاراب

Жокко барщун буго росдал рагIалда,

ГIазуцца баххчараб рохьил бокIнида.

Мугъзаде бегараб, беричаб рачIчIгун,

Бегун буго гвангва гъотIол гьодриниб.

Нухлул ракьанлъуда берцинаб ххартIалълъ

"ЛълъикI щвараб хасел" - ан хъван буго килщаз.

Тассдикъ гьабун чIвараб сургуч кинигин,

Кверзул ссурат буго лъимацца тараб

Огь, чIухIараб Кавказ! ئۈه، ڃۇحاراب كاوكاز

هۇرازۇڶ مۈڞاڷۇل ١١ قۈ،  ئێتنێ قۈ - انڷځۇر قۈ.

ئۈه،  ڃۇحاراب كاوكاز.

ئۈه،  ڃۇحاراب كاوكاز. باحارچێياب خالق.

مۇن قۇلۇن بۇڬېب كۇښ،  قۇرڨۇن بۇڬېب كۇښ.

دۇر قادرۇ،  دۇر تارێخ،  تالاوۇرچاعاز،

تاخال ڭوېزې عۈلۈ رېخۇن بۇڬېب باگ.

رێطۇڅڸۇي طېهارال دۇر مۇعرۇزدا طاد،

طېقڸێ كێدالڸېعان ڮوادێزې تېلېب؟

ئېركېنڸێ ڝۇنارال ڞۇمازۇل طاڸێ،

ڞۈهازۇڅ خالاتێۺ خۇطێزې بۇڬېب؟

هالې هېل جاقادڬێ احطۈلېل رۇڬۈ،

بۇطرۇل رێۺێيالدې كاوكاز ۺۇن هېڃێن.

هېنێر چاعێ هېڃێن،  چاڅابێ رۇڬێن،

چاڅاباز جێدېيڬۈ وېڮ وێۺۇلارێن.

هېل رێطارال رۇڬۈ،  هېل عۇڮبۇڛا نێڶ،

عېمېرال سۈناڛا رۇڬۈ «ڮێڮۇلېل».

ڛېبې كانڸێ هېڃېب،  ناڅې نۇځ هېڃېب،

نۈڅۈدا رېڅېنڸۇن قۈطۇن بۇڬۈ خالق.

ڃۇحاراب دێر كاوكاز. باحارچێياب خالق.

كێدال نێڶ رۈرڃۇنېل هاب ماڨێداصا؟

كێدال طاد بۇصۇنېب نێڶېر مۇعرۇزدې،

ماعناڬێ،  راحمۇڬێ،  باحارچێڸێڬێ؟

داوۇدێلازۇل حابێب

ГьуразулI моцIцIалълъул 11 къо, итни къо - анлIхур къо.

Огь, чIухIараб Кавказ!

Огь, чIухIараб Кавказ! БахIарчияб ххалкъ!

Мун къулун бугеб куц, къуркьун бугеб куц.

Дур къадру, дур тарихх, талавурчагIаз,

Таххал кквезе гIоло реххун бугеб бакI.

РитIухълъуй тIегьарал дур мугIрузда тIад,

ТIекълъи кидаллъегIан хьвадизе телеб?

Эркенлъи цIунарал цIцIумазул тIалъи,

ЦIцIогьазухъ ххалатищ ххутIизе бугеб?

Гьале гьел жакъадги ахIтIолел руго,

БутIрул рищиялде Кавказ щун гьечIин.

Гьенир чагIи гьечIин, чахъаби ругин,

Чахъабаз жидейго вехь вищуларин.

Гьел ритIарал руго, гьел гIухьбуцца нилI,

ГIемерал сонацца руго «хьихьулел».

Ццебе канлъи гьечIеб, нахъе нух гьечIеб,

Нохъода рехъенлъун къотIун буго ххалкъ.

ЧIухIараб дир Кавказ! БахIарчияб ххалкъ!

Кидал нилI рорчIунел гьаб макьидасса?

Кидал тIад буссунеб нилIер мугIрузде,

МагIнаги, рахIмуги, бахIарчилъиги!?

ХIабиб Давудилазул

Барка дуе алжан ГъазимухIамад باركا دۇيې الجان غازێمۇحاماد

ڬېنۇصا حاسانێلاو دێبێر

باركا دۇيې الجان غازێمۇحاماد.

اواراڬزابازۇل شارێعات ڭۇراو.

دۈل اصحابزابازۇل طارێقات ڭۇراو،

طۈلڬۈ عالاماڷۇل نۇراڷۇل چێراڅ،

باركا دۇيې الجان،  غازێمۇحاماد.

بۇصۇرمانڸێيالدا شارع طۈبێطاراو،

شارعاڷۇل نۇځالدا خالق طۈبێطاراو،

ئێسلاماڷۇل رۇكنۇ،  شارعاڷۇل حۇبێ،

باركا دۇيې الجان،  غازێمۇحاماد.

عېلمۇيالدا رېقۈن عامال هابۇراو،

قۇرئاناڷ ماڷۇڅې غازا هابۇراو،

بێچاصۇل نۇځالدا مۇن شاهێدڸاراو،

باركا دۇيې الجان،  غازێمۇحاماد.

عېلمۇڬێ عېمېراو،  عامال باڞاداو،

باحارچێڸێ ڝاقاو،  هۇنارڬێ طۈگاو،

بێچاصۇل دێناڷۇل باڅاراب خوالچېن،

باركا دۇيې الجان،  غازێمۇحاماد.

ڃۇحبێ عۈدۈر رېخۇن. اعوانال تاراو،

حاطێڛا باڷ مېرڮۇن شارێعات ڸۇراو،

بۇصۇرمانڸێيالدا گال - ماڞ ماڷاراو، 

باركا دۇيې الجان غازێمۇحاماد.

هال ڃۇحارال ۺێنال ڃۇنتێزارۇراو،

هال قۈسارال ۺێنال حێنقێزارۇراو،

مۇنافێقزابازدې خوالچېن باڅاراو،

باركا دۇيې الجان،  غازێمۇحاماد.

عارادابێ راڅۇن عۇرۇس غۇراراو،

غێزلار څالا باڅۇن څۇمۇس بێڨاراو،

يا هال عۇرۇسازې عالێل زۇلفۇقار،

باركا دۇيې الجان،  غازێمۇحاماد.

هال عالێمزابازې حاقاو مۇجادێد،

مۇتاعێلزابازې حاقاو مۇدارێس،

هال مۇئمێنزابازې چاماصداكێل غوېط،

باركا دۇيې الجان،  غازێمۇحاماد.

عېلمۇ مۇقسانڸانا،  دێن زاعێفڸانا،

حۇجرابێ رێخانا،  ماجڬێت بۇحانا،

الاهاصۇل والێ مۇن شاهێدڸانا،

حۇكمۇ هابې الاه فاسێقزابازې.

فاناياب دۇنێيال دۇڛا تانێڬێ،

طۇبانا دۇر غازا،  حاقاو باهادۇر.

طۈلڬۈ مۇنافێقال رۈخانانێڬێ،

خوالچاڛا بۈسانا فێرداوۇس الجان،

باركا دۇيې الجان،  غازێمۇحاماد.

بێطاراب شارع ڭوېدال مۇن تۇشمانڸانا،

بێچاص احێلېو مۇن عێلێيۇنالدې.

جېماراب سۇمالۈ طاصاڬێ رېخۇن،

رېطێنېب دۇدا طاد نۇراڷۇل خالعات.

الجاناڷۇل رۇڬېل حۇرۇلعێنزاباز،

مۇن واڃێنېوێلان عۇڞێلا الجان.

انڨابڬۈ زۈب ڝۇرال مالائێكزابێ،

دۇيې ئێكراماڷې راڅێنا طادې.

بۇگانێ گوارێڃۈ فاناياب دۇنيال،

اواراڬزابێ راڨالدا رۇڬېل.

تانێڬێ گوارێڃۈ تۇشمان دۇنێيال،

تېزې بێجاراب مۇن،  ڷێڛاخا ڭوېلېب؟

Генусса ХIасанилав дибир

Барка дуе алжан ГъазимухIамад.

Аварагзабазул шаригIат ккурав.

Дол ассхIабзабазул тIарикъат ккурав,

ТIолго гIаламалълъул нуралълъул чирахъ,

Барка дуе алжан, ГъазимухIамад.

Буссурманлъиялда шаргI тIобитIарав,

ШаргIалълъул нухалда ххалкъ тIобитIарав‚

Исламалълъул рукну, шаргIалълъул хIуби‚

Барка дуе алжан, ГъазимухIамад.

ГIелмуялда рекъон гIамал гьабурав,

Къуръаналълъ малълъухъе гъаза гьабурав,

Бичассул нухалда мун шагьидлъарав,

Барка дуе алжан, ГъазимухIамад.

ГIелмуги гIемерав, гIамал бацIцIадав,

БахIарчилъи цIакъав, гьунарги тIокIав‚

Бичассул диналълъул бахъараб ххвалчен,

Барка дуе алжан, ГъазимухIамад.

ЧIухIби гIодор реххун. агIванал тарав‚

ХIатIицца балълъ мерхьун шаригIат лъурав,

Буссурманлъиялда кIал-мацIцI малълъарав,

Барка дуе алжан ГъазимухIамад.

Гьал чIухIарал щинал чIунтизарурав,

Гьал къосарал щинал хIинкъизарурав,

Мунапикъзабазде ххвалчен бахъарав,

Барка дуе алжан, ГъазимухIамад.

ГIарадаби рахъун гIурус гъурарав,

Гъизлар хъала бахъун хъумус бикьарав,

Я гьал гIурусазе ГIалил зулпукъар,

Барка дуе алжан, ГъазимухIамад.

Гьал гIалимзабазе хIакъав мужадид,

МутагIилзабазе хIакъав мударис,

Гьал муъминзабазе чамассдакил гъветI,

Барка дуе алжан, ГъазимухIамад.

ГIелму мукъсанлъана, дин загIиплъана,

ХIужраби риххана, мажгит бухIана,

Аллагьассул вали мун шагьидлъана,

ХIукму гьабе Аллагь пасикъзабазе.

Панаяб дуниял дуцца таниги,

ТIубана дур гъаза, хIакъав багьадур.

ТIолго мунапикъал роххананиги,

Ххвалчацца босана Пирдавус алжан,

Барка дуе алжан, ГъазимухIамад.

БитIараб шаргI ккведал мун тушманлъана,

Бичасс ахIилев мун ГIилиюналде.­

Жемараб сумало тIассаги реххун,

РетIинеб дуда тIад нуралълъул ххалгIат.

Алжаналълъул ругел хIурулгIинзабаз,

Мун вачIиневилан гIуцIцIила алжан.

Анкьабго зоб цIурал малаикзаби,

Дуе икрамалълъе рахъина тIаде.

БукIани кIваричIо панаяб дунял,

Аварагзаби ракьалда ругел.

Таниги кIваричIо тушман дуниял,

Тезе бижараб мун, лълъиццахха кквелеб?

СултIан валиюллагь ГъазимухIамад سۇلطان والێيۇلاه غازێمۇحاماد

ڬېنۇصا حاسانێلاو دێبێر

سۇلطان والێيۇلاه غازێمۇحاماد.

عاجام اهلۇياڷې مۇن باڭاراب باق،

داغێستاناڷېڬۈ نۇراڷۇل حۇبێ

كۇفرۇڬێمۇ ئێسلام بايان هابۇراو.

حارامڬێمۇ حالال باطا هابۇراو.

سۇلطان  والێيۇلاه غازێمۇحاماد.

عېلمۇياڷۇل راڸاد،  عاقلۇدۇل مېعېر،

كافۇراو فارچاحڬێ جێنڨا حێنقاراو،

مۇرتادزابازۇلڬێ راگال رۈرڃاراو.

مۇنافێقزابازۇل رۇحال رۈساراو،

سۇلطان  والێيۇلاه غازێمۇحاماد.

بۇصۇرمانڸێياڷۇل دێناڷۇل بېطېر،

كافۇرال غۇرێزې مۇن حاقاو غالباڝ.

مۇئمێن سالێحازۇل بېرازۇل كانڸێ،

عاصێ - فاصێقاصۇل ڬۈربۈدا خوالچېن.

سۇلطان والێيۇلاه غازێمۇحاماد.

دۇڛا دێن ماڷارال هال مۇئمێنزابێ،

جاوهارال راڅۇلېب راڸاد قوانێلان،

ماحرۇمڸۇن ڭۇن رۇڬۈ مۇن شاهێدڸێدال،

سۇلطان والێيۇلاه غازێمۇحاماد.

دۇڨا جال حێنقارال فاصێقال ۺێنال.

جێدېيڬۈ بۈڨۇڅې خۇطانێن ابۇن.

عېمېر رۈخۇن رۇڬۈ مۇن شاهێدڸێدال،

فاصێق وۈخێيالدا عايێبڬۈ هېڃۈ.

عاداطاصا خوالچېن ناڅې بۈسێدال

عاصێ رازێڸێڬێ تاماشا ڬۇرۈ،

جێندا طاد بۇگاراب شارعاڷۇل غالباڝ،

الاهاص باچۇن ئۇن فاراخات تېدال،

سۇلطان والێيۇلاه غازێمۇحاماد.

عېلمۇياڷ ماڷۇڅې طاعات هابۇراو،

طېڮالدا باتۇڅې عامال هابۇراو،

مۇحامادێل سۇنات جێنڛا ڝۇناراو،

شايطاناڷۇل بێدعات ڃۇنتێزابۇراو.

ڷێگاب ۺێناب فێشا چېرخاڷ هابۇراو،

شارێعات بێخانا،  طارێقات ځوانا،

سۇناتڬێ ڃۇنتانا، بێدعا ڝێڸانا.

كوېشاب ۺێناب عامال قواطێب هاتانا،

سۇلطان والێيۇلاه غازێمۇحاماد.

ڬېندېرێل قوارێڸۇڅ مۇن شاهێدڸانا،

واغۇلېو مۇنڬێ تۇن ناڅې ڶۇتارال،

ناعانا باتاڬێ مۇرتادزابازې.

مۇنافێقزابازدې بالاه طامېڬێ،

عۇرۇسازدا غۈرڶې غېرېلېو مۇنڬێ،

دۇر رۇق تالاهێزې رۈسۇڶې ارال.

هاردارالنێ رۇڬۈ دۈل غازێزابێ،

دۇدا ښاداڅ راغۇن غازاوات ۺوارال،

طۈلالڬۈ هاردارال دۇر واڛعالزابێ،

مۇنڬۇن ښاداڅ جۇران جال شاهێدڸارال.

عېمېراو احدۈلا دۇن الاهاصدې،

قێياماصېب قۈياڷ طادې راڅێندال،

دۇر بۈياڷۇل چێڸۇن دۇنڬێ هاوېيان،

سۇلطان والێيۇلاه غازێمۇحاماد.

مۇن والێڸێيالدا شاكڸێ بۇگێنڃۈ،

مۇنافێقزابازدا دۇر قێمات ڸاڃۈ.

مۇن زاهێدڸێيالدا داعبا بۇگێنڃۈ.

فاصێقڬێمۇ عاصێ دۇدا رېقېڃۈ،

سۇلطان،  والێيۇلاه غازێمۇحاماد.

مۇن ڃاڬۈ وۇگاڬۈ دۇر قێمات ڸاڃۈ،

ځوېدال بېصداڸلانا طۈلڬۈ داغێستان.

دۇڛا ماڷاراب جۈ مېقصا بێڮانا.

ماڷێزې چێ هېڃۈ هانجې رۇڬېزې.

افاندێياصۇلڬێ ماڷ هابۇلارۈ،

ښۈيڬێ ماڷۇلېزۇل عاقلۇ بێخانا،

سۇلطان،  والێيۇلاه غازێمۇحاماد.

Генусса ХIасанилав дибир

СултIан валиюллагь ГъазимухIамад.

ГIажам агьлуялълъе мун баккараб бакъ,

Дагъистаналълъего нуралълъул хIуби

Купругиму Ислам баян гьабурав.

ХIарамгиму хIалал батIа гьабурав.

СултIан  валиюллагь ГъазимухIамад.

ГIелмуялълъул ралъад, гIакълудул мегIер‚

Капурав парччахIги жинкьа хIинкъарав,

Муртадзабазулги ракIал рорчIарав.

Мунапикъзабазуп рухIал росарав,

СултIан  валиюллагь ГъазимухIамад.

Буссурманлъиялълъул диналълъул бетIер‚

Капурал гъуризе мун хIакъав гъалбацI.

Муъмин ссалихIазул беразул канлъи,

ГIасси-пассикъассул горбода ххвалчен.

СултIан валиюллагь ГъазимухIамад.

Дуцца дин малълъарал гьал муъминзаби,

Жавгьарал рахъулеб ралъад къванилан,

МахIрумлъун ккун руго мун шагьидлъидал,

СултIан валиюллагь ГъазимухIамад.

Дукьа жал хIинкъарал пассикъал щинал.

Жидейго бокьухъе ххутIанин абун.

ГIемер роххун руго мун шагьидлъидал,

Пассикъ воххиялда гIайибго гьечIо.

ГIадатIасса ххвалчен нахъе босидал

ГIасси разилъиги тамаша гуро,

Жинда тIад букIараб шаргIалълъул гъалбацI,

Аллагьасс бачун ун параххат тедал,

СултIан валиюллагь ГъазимухIамад.

ГIелмуялълъ малълъухъе тIаг1ат гьабурав,

ТIехьалда батухъе гIамал гьабурав,

МухIамадил сунат жинцца цIунарав,

ШайтIаналълъул бидгIат чIунтизабурав.

ЛълъикIаб щинаб пиша черххалълъ гьабурав,

ШаригIат биххана, тIарикъат хвана‚

Сунатги чIунтана‚ бидгIа цIилъана.

Квещаб щинаб гIамал къватIиб гьатана,

СултIан валиюллагь ГъазимухIамад.

Гендерил къварилъухъ мун шагьидлъана,

Вагъулев мунги тун нахъе лIутарал,

НагIана батаги муртадзабазе.

Мунапикъзабазде балагь тIамеги,

ГIурусазда гъорлIе гъерелев мунги,

Дур рукъ талагьизе росулIе арал.

Гьардарални руго дол гъазизаби,

Дуда цадахъ рагъун гъазават щварал,

ТIолалго гьардарал дур ваццгIалзаби,

Мунгун цадахъ журан жал шагьидлъарал.

ГIемерав ахIдола дун Аллагьассде,

Къиямассеб къоялълъ тIаде рахъиндал,

Дур боялълъул чилъун дунги гьавеян,

СултIан валиюллагь ГъазимухIамад.

Мун валилъиялда щаклъи букIинчIо,

Мунапикъзабазда дур къимат лъачIо.

Мун загьидлъиялда дагIба букIинчIо.

Пассикъгиму гIасси дуда рекъечIо,

СултIан, валиюллагь ГъазимухIамад.

Мун чIаго вукIаго дур къимат лъачIо,

Хведал бессдаллъана тIолго Дагъистан.

Дуцца малълъараб жо мекъсса бихьана.

Малълъизе чи гьечIо гьанже ругезе.

Апандияссулги малълъ гьабуларо,

Цойги малълъулезул гIакълу биххана,

СултIан, валиюллагь ГъазимухIамад.