.

10.21.2016

Ххунзахъа Ахъбердилав خۇنزاڅا اڅبېردێلاو

٢٠١٦ سۈناڷۇل ڸێڸارۇڶ مۈڞاڷۇل ٢١ قۈ،  رۇزمان قۈ - عۇلجۇم قۈ

خۇنزاڅا اڅبېردێلاو
شامێلێل كواراناب كوېر،
داغێستانڬۈ ڃۇحاراو
ڞار راعاراو باهادۇر.

احۇل ڬۈح ڝۇنۇلاڬۈ،
ڝاداو جانێو گانڝاراو،
هېڷۇل ۺۇلاڸابازدا
ساردال قۈياز واغاراو.

ئێماماتاڷ عۇڞاراب
اسكارڬێ ښاداڅ باچۇن،
چاچانازۇل راڨالدا
بېرهېنڸابێ رۈساراو.

غێزلياراڷۇل مۈڅازدا،
ارغۇناڷۇل ڴالاباڅ
فاچاياصۇل اسكارال
ۺۇۺاڅ رێخێزاوۇراو.

واطاناڷې قۇرڨێڃېو،
تۇشماناصې حېلێڃېو،
باحارچێياب ځوېل بۈسۇن،
جێندێرڬۈ راڨ ڝۇناراو.

خۇنزاڅا طالحات اڅبېردێلازۇل "باحارچێڸێياڷۇل ڸالگ" ابۇراب طېڮالداصا بۈساراب كېڃ (٢٠١٦ سۈن)



Ххунзахъа Ахъбердилав
Шамилил кваранаб квер,
Дагъистанго чIухIарав
ЦIцIар рагIарав багьадур.

АхIул гохI цIунулаго,
ЦIадав жанив кIанцIарав,
Гьелълъул щулалъабазда
Сардал къояз вагъарав.

Имаматалълъ гIуцIцIараб
Аскарги цадахъ бачун,
Чачаназул ракьалда
Бергьенлъаби росарав.

Гъизларалълъул мухъазда,
Аргъуналълъул кIкIалабахъ
Пачаяссул аскарал
Шущахъ риххизавурав.

ВатIаналълъе къуркьичIев,
Тушманассе хIеличIев,
БахIарчияб хвел босун,
Жиндирго ракь цIунарав.


Ххунзахъа ТIалхIат Ахъбердилазул "БахIарчилъиялълъул лъалкI" абураб тIехьалдасса босараб кечI (2016с.)

2016 соналълъул лъилъарулI моцIцIалълъул 21 къо, рузман къо - гIулжум къо

10.10.2016

НИЛIЕДА ТIАД МУГIРУЛ РУГО РЕЛЪУЛЕЛ نێڶېدا طاد مۇعرۇل رۇڬۈ رېڸۇلېل

نێڶېدا طاد مۇعرۇل رۇڬۈ رېڸۇلېل.

حابێب داوۇدێلازۇل.

ئۈه،  ماعارۇل طاڸێ،  دێر ماعێل ڬارال
ڬێرانا ناڅۈيڬێ دۇر ئێڛۇل طێندې.
طېه بېڃاراب عۇردا عۈدۈبڬێ گۇسۇن
عۈدۇلېب داندڃوانا دێرڬۈ ڸێمېرڸێ.

عاڬارال نۇځالڬێ،  خێناب رێئێڬێ
خۇطانا رێڴادا،  رېۺطانا خاسېل.
ځێسانا زامانا،  ځېرڸانا دۇنڬۈ
خێرێيال مۇعرۇزدې وۇصانا كواطۇن.

ئۇمۇمۇزۇل تارێخ،  ځوارازۇل ڞارال
ڝۇنۇن رۇڬۈ هانێر ښۈحۈ زاناباز.
ڛېبېڬۈ ڝا صواراب ئێنصۇل غانصێدۇڅ
صواكارال فێكرابێ رۇڬۈ داندېڸۇن.

راڸدال كاراچېلاز ڸارال كێنێڬێ
ڸاراعڸێياڷ كۇنېل رۇڬۈ رۈسابێ.
رۈسۈ تۇن ارازۇل نامۇسڬۇن ڃۇحێ
ڃۇنتارال طۈځازدا غۈرڨ بۇڬۈ ځۈلېب.

بېچېڸۇدا خادۇر چابڅېناڷ ارال
چێيار راڨالدا نێڶ - افاراڬالڸۇن.
صۇحماتخانابازدا بېرتاڷ ڨۇردۇلېل
نێڶېدا طاد مۇعرۇل رۇڬۈ رېڸۇلېل.




НИЛIЕДА ТIАД МУГIРУЛ РУГО РЕЛЪУЛЕЛ.

ХIабиб Давудилазул.

Огь, магIарул тIалъи, дир магIил гарал
Гирана нахъойги дур иццул тIинде.
ТIегь бечIараб гIурда гIодобги кIусун
ГIодулеб дандчIвана дирго лъимерлъи.

ГIагарал нухалги, хинаб рииги
ХхутIана рикIкIада, рещтIана хасел.
Хисана замана, херлъана дунго
Ххириял мугIрузде вуссана кватIун.

Умумузул тарихх, хваразул цIцIарал
ЦIунун руго гьанир цохIо занабаз.
Ццебего цIа ссвараб инссул гъанссидухъ
Ссвакарал пикраби руго данделъун.

Ралъдал карачелаз лъарал киниги
ЛъарагIлъиялълъ кунел руго росаби.
Росу тун аразул намусгун чIухIи
ЧIунтарал тIохазда гъоркь буго холеб.

Бечелъуда ххадур чабхъеналълъ арал
Чияр ракьалда нилI - апарагаллъун.
Ссухматханабазул берталълъ кьурдулел
НилIеда тIад мугIрул руго релъулел.

10.09.2016

КIАЛАЛЪЛЪ РОСУГИ БЕЦЦУН ХIЕТIГИ КЪВАТIИБ ЛЪУН РУГО گالاڷ رۈسۇڬێ بېڛۇن حېطڬێ قواطێب ڸۇن رۇڬۈ

گالاڷ رۈسۇڬێ بېڛۇن حېطڬێ قواطێب ڸۇن رۇڬۈ

دۇنيالاڷۇل ئۇرغېلاڷ گۈتارال ماعارۇلال
رۈرڃێلاداي،  مۇحاماد،  هانجې نێڶ ماڨێداصا
كۈدۈب ڬازا ڭوېڃۈڬۈ كوېردا ماح باڅێنڃۈڬۈ
بێهاڬۈ ۺوېزې بۈڨۇن بۇڬۈ نێڶېي ماعێشات

واطاناڷۇڅ ئۇرڅۇلا طاڸێيالدې راگ ۺۈلا
عۇمرۇ هابێزې طاصا شاهارڬۈ بێۺۇن تۈلا
شاهاراڷ اسێرڸۇدې رۈسارال ماعارۇلاز
خێنگ - چېدڬێ داندې هانڬێ هانجې بێچۇن بۈسۇلا

بازارالدا تۇكاباڅ بۈڨاراب بۇگۇنېڷۇل
كوېردا حۇر باخێنڃۈڬۈ فێڅڬێ بۈڨاراب ۺۈلا
ۺاي نێڶېي ماعارۇلڸێ شاهارالڬێ رۇگاڬۈ
ئۇمۇمۇزۇل كێښێڬێ عاكصالدا صوېرۇن بۇڬۈ

كېڃ څوانا  سارات تۇماغارێڛا


КIАЛАЛЪЛЪ РОСУГИ БЕЦЦУН ХIЕТIГИ КЪВАТIИБ ЛЪУН РУГО


ДУНЯЛАЛЪЛЪУЛ УРГЪЕЛАЛЪЛЪ КIОТАРАЛ МАГIАРУЛАЛ 
РОРЧIИЛАДАЙ, МУХIАМАД, ГЬАНЖЕ НИЛI МАКЬИДАССА
КОДОБ ГАЗА ККВЕЧIОГО КВЕРДА МАХI БАХЪИНЧIОГО
БИГЬАГО ЩВЕЗЕ БОКЬУН БУГО НИЛIЕЙ МАГIИШАТ

ВАТIАНАЛЪЛЪУХЪ УРХЪУЛА ТIАЛЪИЯЛДЕ РАКI ЩОЛА
ГIУМРУ ГЬАБИЗЕ ТIАССА ШАГЬАРГО БИЩУН ТОЛА
ШАГЬАРАЛЪЛЪ АСИРЛЪУДЕ РОСАРАЛ МАГIАРУЛАЗ
ХХИНКI-ЧЕДГИ ДАНДЕ ГЬАНГИ ГЬАНЖЕ БИЧУН БОСУЛА

БАЗАРАЛДА ТУКАБАХЪ БОКЬАРАБ БУКIУНЕЛЪЛЪУЛ
КВЕРДА ХIУР БАХИНЧIОГО ПИХЪГИ БОКЬАРАБ ЩОЛА
ЩАЙ НИЛIЕЙ МАГIАРУЛЛЪИ ШАГЬАРАЛГИ РУКIАГО
УМУМУЗУЛ КИЦИГИ ГIАКССАЛДА ССВЕРУН БУГО


КечI хъвана  Сарат Тумагъарицца

10.06.2016

АРАБ БАТИЛАРО اراب باتێلارۈ

اراب باتێلارۈ

حابێب داوۇدێلازۇل.

دۇن ماڨێڶ قۈچانا قاصێڬێ دۇدا،
ماڨاباڷ خۇطاراي خێرێياي هۇدۇل.
خاسالێل كواچارال سارداز ياڃۇنا،
سۈناز ناڅا تاراب ئێځڬێ بۈسۇن،  مۇن.

مۇن انا دۈب ساردێڶ،  دێر عايێبازۇل
عۈمۈ بێغۇن خادۇي طاد يۇصێنێلان.
يۇصێڃۈ مۇن طۈگاڷ،  ڝێيال عايێباز
عۈمۈ خۇطارابڬێ بێغاراو دێڅې.

هانجې زاماناياڷ زۇرۇلېب دێر راگ
راگالدېۺوېياڛا بۇڬۈ ڮێڮۇلېب.
ڮۇلازۇل غۈطۈدا رېۺطارال حانڄاز
مۇنڬۇن اراب رێئێ،  احۇلا ناڅې.

اراب باتێلارۈ،  تاراب ۺوېلارۈ،
ۺێنگارال قۈياڛا هېقانا زاهرۇ.
زاماناڷۇل رۈڨۇي باكاراب چێراڅ
هادێنڬێ خالاتڭۇن خۇطانا رېگۇن.



АРАБ БАТИЛАРО

ХIабиб Давудилазул.

Дун макьилI къочана къассиги дуда,
МакьабалI ххутIарай ххирияй гьудул.
Хасалил квачарал сардаз ячIуна,
Соназ нахъа тараб ихги босун, мун.

Мун ана доб сардилI, дир гIайибазул
ГIомо бигъун ххадуй тIад юссинилан.
ЮссичIо мун тIокIалълъ, цIиял гIайибаз
ГIомо ххутIарабги бигъарав дихъе.

Гьанже заманаялълъ зурулеб дир ракI
РакIалдещвеяцца буго хьихьулеб.
Хьулазул гъотIода рещтIарал хIанчIчIаз
Мунгун араб рии, ахIула нахъе.

Араб батиларо, тараб щвеларо,
ШинкIарал къояцца гьекъана загьру.
Заманалълъул рокьуй бакараб чирахъ
Гьадинги ххалатккун ххут1ана рекIун.