КIудияв ГIумахан گۇدێياو عۇماخان

Кудалисса кlудияв Хlасан كۇدالێصا گۇدێياو حاسان

كۇدالێصا  گۇدێياو حاسان

ښۈ ڸاعالێدا جانێب ئۇنقڞۇل ځێسۇلېب دۇنيال،

جێندێر عاقلۇ كامێلاو هېلداصا ڃۇحێلارۈ.

سۈردۈ باڃۇن قۈ باڃۇن ئۇنېب بۇڬۈ زامانا،

جێندێر فێكرێ ڞێڴاراو غافلاتالدا ڄېلارۈ.

رێئێدال بێجاراب خېر ڨێندال ساوۇد بۇحۇلا،

ښۈ حالالدا دۇنێيال ڷێيېڬۈ خۇطێلارۈ.

ڝۇنتۈن خادۇب شاهرێمۈڞ مۇقصانڸۇمۈ طاعۇنا،

دائێمڬۈ نێعماتازۇڶ بێچاص مۇنڬێ تېلارۈ.

هال عادامازدا هۈرڨۈب ڃۇحێ فاخرۇ هابۇڬې،

اخێر چێداي حاقێرڸێ بێڮێڃۈڬۈ تۈلارۈ.

مۇئمێناب اهلۇياڷې دۇڛا ڷێگڸێ هابېيا،

گێيابڬۈڬێ رۇقاڷۇل دۇي فايدا كامێلارۈ.

دۇر امرۇ ڮوادۇلاڬۈ ڷێگڸێ عېمېر هابېيا،

هاب دۇنيالاڷۇل قۈيال ښۈ حالالدا ڄۈلارۈ.

چۈرخۈل كۇتاك بۇگاڬۈ طاعات عېمېر هابېيا،

ڴواحالڸۇن طاعات تاراو ناڅا رازێڸێلارۈ.

عۇجالدا ۺۇيابڬۈ كاك كامێزېڬۈ بێڿاڬې،

كواطۇن باراب كاكاڷۇل فايداڬۈ باځۇنارۈ.

ڛېبې خادۇب راتێبات مۇقصانڸێزې بێڿاڬې،

كاكێل مۇقصانڸێ باڞدې دۈل هېڃۈڬۈ عۈلارۈ.

ئێشراق ئێستێخار تۈمۈ رادال ڨێجێ هابۇڬې،

الجاناڷۇل بۇطا ۺۇن شۇكرۇ طاصا ئێنارۈ.

ښۈڬێدابڬێ عێبادات حالگۇن عېمېر هابېيا،

دۇر عامال ڞالېب قۈياڷ رۈخېل طاصا  ئێنارۈ.

هۇدۇل هالماغ وۇڬێلان رېگېڶ بۇڬېب بێښۇنڬې،

ښۈ راگ باقواراب قۈياڷ باڸڬۈ جۈڬۈ تېلارۈ.

هاونێ كوېش ڄېلارێلان عاداماصدا بۈجۇڬې،

ښۈ ماكرۇياڷۇل قواڃا قوالاڨا كامێلارۈ.

داربێشاصۇل صۇراتاڷ مۇن ڬۇڭێزې وۇگۇنڬې،

دۇيې حێلا هابێزې كێنڬۈ ئۇرغێ تېلارۈ.

مېتېرێصا هابۇلېب قاصدا ئۇرغۇن هابېيا،

فێكرێيالدا هابۇنێ ناڅا فاشمانڸێلارۈ.

بێښارالدا بۈجۇمۈ عامالاڷۇڶ خېخڸۇڬې،

صابۇرالدا هابۇراب كێنڬۈ مېقێ ڭېلارۈ.

دۇنڬێ مێسكێن كۇدالێ گاڸاڃۈڬۈ ڄۈلارۈ،

فێكرێيالدا گاڸازې هاواياڷـڬێ تۈلارۈ.

ۺێب ۺێبنێڬێ راعێياڷ عادامازڬێ تۈلارۈ،

قابۇلاب تاوبۇڬێ ڨۇن الاه دۇڛا ڮێڮاڬێ.

Кудалисса  кlудияв Хlасан

Цо лъагIалида жаниб ункъцIцIул хисулеб дунял,

Жиндир гIакълу камилав гьелдасса чIухIиларо.

Сордо бачIун къо бачIун унеб буго замана,

Жиндир пикри цIцIикIкIарав гъаплаталда чIчIеларо.

Риидал бижараб ххер кьиндал савуд бухIула,

Цо хIалалда дуниял лълъиего ххутIиларо.

ЦIунтон ххадуб шагьримоцIцI мукъссанлъумо тIагIуна,

Даимго нигIматазулI Бичасс мунги теларо.

Гьал гIадамазда гьоркьоб чIухIи паххру гьабуге,

Аххир чидай хIакъирлъи бихьичIого толаро.

Муъминаб агьлуялълъе дуцца лълъикIлъи гьабея,

КIиябгоги рукъалълъул дуй пайда камиларо.

Дур амру хьвадулаго лълъикIлъи гIемер гьабея,

Гьаб дунялалълъул къоял цо хIалалда чIчIоларо.

Чорххол кутак букIаго тIагIат гIемер гьабея,

КIкIвахIаллъун тIагIат тарав нахъа разилъиларо.

ГIужалда щуябго как камизего биччаге,

КватIун бараб какалълъул пайдаго бахунаро.

Ццебе ххадуб ратибат мукъссанлъизе биччаге,

Какил мукъссанлъи бацIцIде дол гьечIого гIоларо.

Ишракъ-истиххар томо радал кьижи гьабуге,

Алжаналълъул бутIа щун щукру тIасса инаро.

Цогидабги гIибадат хIалкIун гIемер гьабея,

Дур гIамал цIцIалеб къоялълъ роххел тIасса  инаро.

Гьудул-гьалмагъ вугилан рекIелI бугеб бицунге,

Цо ракI бакъвараб къоялълъ балъго жого теларо.

Гьавни квеш чIчIеларилан гIадамассда божуге,

Цо макруялълъул къвачIа къвалакьа камиларо.

Дарбишассул ссураталълъ мун гуккизе вукIунге,

Дуе хIила гьабизе кинго ургъи теларо.

Метерисса гьабулеб къассда ургъун гьабея,

Пикриялда гьабуни нахъа пашманлъиларо.

Бицаралда божумо гIамалалълъулI ххеххлъуге,

Ссабуралда гьабураб кинго мекъи ккеларо.

Дунги мискин Кудали кIалъачIого чIчIоларо,

Пикриялда кIалъазе гьаваялълъги толаро.

Щиб-щибниги рагIиялълъ гIадамазги толаро,

Къабулаб тавбуги кьун Аллагь дуцца хьихьаги!

Воре, магIарулал, гIедегIуге нуж وۈرې، ماعارۇلال، عېدېعۇڬې نۇج.

٢٠١٥ سۈناڷۇل ئێخازۇڶ مۈڞاڷۇل ١٣ قۈ،  انڷځۇر قۈ - ئێتنێ قۈ

وۈرې،  ماعارۇلال،  عېدېعۇڬې نۇج.

١

وۈرې،  ماعارۇلال،  عېدېعۇڬې نۇج

مۇعرۇل تۇن ڬۈچێنې عاطێراڨالدې.

ئۇمۇمۇزۇل واطان ڝۇنارال ڞۇمال،

ڝا صواراب غاصێتۈ تۈڬې رۈساباڶ.

باڞاداب هاواڬێ ،  ڝۈرۈراب ڷێمڬێ،

ڸاراعڸۇدې ۺوېيڬۇن ۺوېلا راگازدې.

ڸێمېرڸۇدال نۇځال،  ئېبېلاڷۇل ځۇر،

خۇطێلا فێكراباڷ،  رێڮێلا ماڨێڶ.

٢

هانێر ڨۇردۇلارۈ ڨاعێ عۇردادا،

ڨۇرابازدا عۈراز ڃوالارۈ جېرغېن.

عۈدۇلارۈ ساردێڶ ۺۈبازدا عێدرا،

عێشقۇ ڭاراب عێنطۇل طۈهۈدا خادۇب.

هانێر ڞادال رالا ڞوابزال ماح هېڃېل،

ڞۇمال رۈرجۇلارۈ غۇدۇل ڬۇرۈنێ.

ماغێل حانڄاز هانێب احۇلارۈ كېڃ،

كۇمېك هارۇلېڷۇل واتۇلارۈ چێ.

هانێر عاداتالڬێ،  عامالڬێ،  ماڞڬێ،

ڝادۇڶې رېخۇلا جالڬۈ خێنڸێزې.

هېل ڝايازۇل ڭۇياز بېڛڸاراب زۈدێر

ڞوابێ رێڮۇلارۈ،  مۈڞ هێمۇلارۈ.

هانێب چارڸۇن بۇڬۈ چێڸێ،  عادانڸێ،

عاراښ ڨۇن بۈسۇلا رۈڨێ،  هۇدۇلڸێ.

هانێر بېرتابازۇڶ بۇگۇنارۈ كېف،

كېفكازۇڅ احۇلا باحارازې كېڃ.

٣

دۇنڬێ عېدېعانا،  مۇعرۇل تۇن ئێنې،

عۈلۈڅانڸێياڷۇل بارتێڬێ ڨۈلۈن.

ڨۇراباڶ خۇطانا خادۇب ئۇهدۇلېب،

ئۇلبۇزۇل ځېرڸێڬێ،  دێر ڸێمېرڸێڬێ.

هانجې طاد وۇصێنې كواطاراو دێدا

كاراندا راغۇلېل رۇڬۈ عايێبال.

بێهاياب عۇمرۇدې بۇڮاراب سافار

ساوۇڸۇن رېۺطۇنا رېگېل ۺۈبازدې.

وۈرې،  ماعارۇلال،  عېدېعۇڬې نۇج،

مۇعرۇل تۇن ڬۈچێنې عاطێراڨالدې.

ئۇمۇمۇزۇل واطان ڝۇنارال ڞۇمال،

ڝا صواراب غاصێتۈ تۈڬې رۈساباڶ

حابێب داوۇدێلازۇل

Воре, магIарулал, гIедегIуге нуж.

1

Воре, магIарулал, гIедегIуге нуж

МугIрул тун гочине гIатIиракьалде.

Умумузул ватIан цIунарал цIцIумал,

ЦIа ссвараб гъассито тоге росабалI.

БацIцIадаб гьаваги , цIцIорораб лълъимги,

ЛъарагIлъуде щвейгун щвела ракIазде.

Лъимерлъудал нухал, эбелалълъул хур,

ХхутIила пикрабалI, рихьила макьилI.

2

Гьанир кьурдуларо кьагIи г1урдада,

Кьурабазда гIораз чIваларо жергъен.

ГIодуларо сардилI щобазда гIидра,

ГIишкъу ккараб гIинтIул тIогьода ххадуб.

Гьанир цIцIадал рала цIцIвабзал махI гьечIел,

ЦIцIумал роржуларо гъудул гурони.

Магъил хIанчIчIаз гьаниб ахIуларо кечI,

Кумек гьарулелълъул ватуларо чи.

Гьанир гIадаталги, гIамалги, мацIцIги,

ЦIадулIе реххула жалго хинлъизе.

Гьел цIаязул ккуяз беццлъараб зодир

ЦIцIваби рихьуларо, моцIцI гьимуларо.

Гьаниб чарлъун буго чилъи, гIаданлъи,

ГIарац кьун босула рокьи, гьудуллъи.

Гьанир бертабазулI букIунаро кеп,

Кепказухъ ахIула бахIаразе кечI.

3.

Дунги гIедегIана, мугIрул тун ине,

ГIолохъанлъиялълъул бартиги кьолон.

КьурабалI ххутIана ххадуб угьдулеб,

Улбузул херлъиги, дир лъимерлъиги.

Гьанже тIад вуссине кватIарав дида

Каранда рагъулел руго гIайибал.

Бигьаяб гIумруде бухьараб сапар

Савулъун рещтIуна рекIел щобазде.

Воре, магIарулал, гIедегIуге нуж,

МугIрул тун гочине гIатIиракьалде.

Умумузул ватIан цIунарал цIцIумал,

ЦIа ссвараб гъассито тоге росабалI

Давудилазул ХIабиб 

نۇج كێر عېدېعارال؟ Нуж кир гIедегIарал?

٢٠١٥ سۈناڷۇل ئێخازۇڶ مۈڞاڷۇل ١٠ قۈ،  عۇلجۇم قۈ - رۇزمان قۈ

نۇج كێر عېدېعارال؟

نۇج كێر عېدېعارال،  عۇمرۇدۇل قۈيال،

هالاڬاب عۈر عادێن چواخۇلېل رۇڬېل؟

نۇجېرڬێ حالاكێ،  حاسراتال ساردال،

صۈعاب هۇرێ عادێن رۈرجۇنېل رۇڬېل!

هالاڬاب عۈرالێ صانڬاراڷ قالێن،

صۇنڛا ڄېزارێلېل رۈرجۇنېل قۈيال؟

ڬۇچاب هۇرێـيالێ هۈرڨۈب قۈطۇلێن،

ڶۇتۇلېل ساردازې كێن نۇځ قۈطێلېب؟

ئۇنېب عۇمرۇيێلان ابێلارۈئان،

عېمېر جۈ بۇگانا جېڬێ هابێزې.

زامان بۈرجێناڷۇل بێښێنارۈئان.

هېبڬێن وۈرجانڅێزې جان بۇڬېبانێ.

ۺاي هاب راڨالدا طاد هۈرڨۈڅېب عۇمرۇ،  

انڨنۇسڬۈ سۈناڷۇل بۇگۇنېب هېڃېب،

هۈرڨۈصا ښۈنێڬێ قۈ باڅێڃۈڬۈ،

ئېبېل- واطاناڷې څۇلۇڅ هابێزې؟

مۇحاماد شامخالێلازۇل

Нуж кир гIедегIарал?




Нуж кир гIедегIарал, гIумрудул къоял,

Гьалагаб гIор гIадин чваххулел ругел?

Нужерги хIалаки, хIасратал сардал,

СсогIаб гьури гIадин роржунел ругел!




Гьалагаб гIорали ссангаралълъ къалин,

Ссунцца чIчIезарилел роржунел къоял?

Гучаб гьури яли гьоркьоб къотIулин,

ЛIутулел сардазе кин нух къотIилеб?




Унеб гIумруйилан абилароан,

ГIемер жо букIана жеги гьабизе.

Заман боржиналълъул бицинароан.

Гьебгин воржанхъизе жан бугебани.




Шай гьаб ракьалда тIад гьоркьохъеб гIумру,

Анкьнусго соналълъул букIунеб гьечIеб,

Гьоркьосса цониги къо бахъичIого,

Эбел–ВатIаналълъе хъулухъ гьабизе?




МухIамад Шамхалов

ЧIорологи оцги ڃۈرۈلۈڬێ ئۈښڬێ

٢٠١٥ سۈناڷۇل ئێخازۇڶ مۈڞاڷۇل ٨ قۈ،  خادۇر قۈ - تالات قۈ

ڃۈرۈلۈڬێ ئۈښڬێ

څاحێلاب زۈبالدا غۈرڨ،

باركاتاب راڨالدا طاد.

طالدايێلان ڞار بۇڬېب،

ڝاقاب دۇنێيال بۇڬۈ.

ڮۈنڸێياڷۇل راڅالدا

رۇڿارال رۈڮال رۇڬۈ.

رۈرخاتال باقڸابازدا

طۈهۈل خالێچا بۇڬۈ.

عۇرڿێناب اولاڅالدا

چابڅێل ئێڛێل راعالدا،

عۇردۇل عادال ڶۇردۇزۇل

زالێماب ئۈښڬێ بۇڬۈ.

يا خاردا گال بالارۈ،

يا ڷېدې بۈرخۇلارۈ،

ځوېزې بېڬاراب عادێن،

عۈدۈب ڃوان بۇڬۈ فاقێر.

سافارالدې ئۇنېڷۇل،

طاد بۇصۇن باڃۇنېڷۇل،

سالام ڨۈلا هېڷێيې

ڃۈرۈلۈياڷ كێداڬۈ.

ښۈ نۇځاڷ ڃۈرۈلۈياڷ

ئێڛۇڅ رېۺطېن هابۇنا

تاماشاياب ئۈښۈلڬۇن

داهاب كالام هابۇنا:

هاب بېرښێناب دۇنێيال

دۇدا بێڮۇلېب هېڃێۺ،

قاد باقاڷ بېئېدۇلېب،

قاصێ ڞوابێ كېنڃۈلېب.

مۇن ئۇنتۇن باتانانێ،

تۈختۇر احێزې ڭېلا.

كێداڬۈ بېڬۇن ڄانێ،

ڬانڃێدې صوېرێلارێۺ؟

ئۈښاڷ بېطېر بۈرخانا،

تاماشاڬۈ بالاهانا،

ښێنڬێ ئۈښازۇل ماڞاڷ

ڞۈرۈراب جاواب ڨۇنا:

- ڬانڃێدې صوېرۇنڬۈ ڷێگ

تالێح قاراب ئۈښۈيې.

ڬۇرحېل هېڃېو چێياصۇل

حايوانڸۇن بۇگێنېعان.

حالڮێ دێدا ڸالارۈ

ڷێگڸێڬێ بێڮۇلارۈ.

ئێځدال ځۇرزال رېڨۇلا،

خاسلێڅې لال هابۇلا.

هېڷێيېنێۺ ئېبېلاڷ

دۇن هابۇراب،  ڮێڮاراب؟

حێنڄ تاماشاڸانا

ئۈښۈدا راگ ڬۇرحانا.

- واي عادالاب،  عادالاب

دۇڛا بێښۇنېب جۈ ۺێب.

انڨێل رېڨێ،  مێڨێل لال

بالاهڸۇنێۺ بێڮاراب.

دێدا رێڮانا ئۈښال

خادۇر هاكالڬێ راچۇن،

حۇر باڅارال نۇځازدا

خالاتال سافارازدا.

هېزدا حالڮێ ڸالارۈ

حۇڮ باڅێ بۇگۇنارۈ،

هادێنال مۇڃدۇل هېزدا

ماڨێڶښێن رێڮۇلارۈ.

ئۈښاڷ بېطېر بۈرخانا،

زازدې بېر ۺوېزابۇنا.

مۇن ڞالاراب كێبێلان

هێقێزې قاصد بۇگانا.

اما حێنڄ زازدا هېڃۈ

هېب فارخۇن ئۇن باتانا.

شامخالێلازۇل مۇحاماد

ЧIорологи оцги

ХъахIилаб зобалда гъоркь,

Баркатаб ракьалда тIад.

ТIалдайилан цIцIар бугеб,

ЦIакъаб дуниял буго.

Хьонлъиялълъул рахъалда

Руччарал рохьал руго.

Рорххатал бакълъабазда

ТIогьол ххалича буго.

ГIурччинаб авлахъалда

Чабхъил иццил рагIалда,

ГIурдул гIадал лIурдузул

Залимаб оцги буго.

Я харда кIал баларо,

Я лълъеде борххуларо,

Хвезе бегараб гIадин,

ГIодоб чIван буго пакъир.

Сапаралде унелълъул,

ТIад буссун бачIунелълъул,

Салам кьола гьелълъие

ЧIоролоялълъ кидаго.

Цо нухалълъ чIоролоялълъ

Иццухъ рещтIен гьабуна

Тамашаяб оцолгун

Дагьаб калам гьабуна:

Гьаб берцинаб дуниял

Дуда бихьулеб гьечIищ,

Къад бакъалълъ беэдулеб,

Къасси цIцIваби кенчIолеб.

Мун унтун батанани,

Тохтур ахIизе ккела.

Кидаго бегун чIчIани,

ГанчIиде ссвериларищ?

Оцалълъ бетIер борххана,

Тамашаго балагьана,

Цинги оцазул мацIцIалълъ

ЦIцIорораб жаваб кьуна:

–ГанчIиде ссверунго лълъикI

ТалихI къараб оцое.

ГурхIел гьечIев чияссул

ХIайванлъун букIинегIан.

ХIалхьи дида лъаларо

ЛълъикIлъиги бихьуларо.

Ихдал хурзал рекьула,

Ххаслихъе лал гьабула.

Гьелълъиенищ эбелалълъ

Дун гьабураб, хьихьараб?

ХIинчIчI тамашалъана

Оцода ракI гурхIана.

–Вай гIадалаб, гIадалаб

Дуцца бицунеб жо щиб.

Анкьил рекьи, микьил лал

Балагьлъуниш бихьараб.

Дида рихьана оцал

Ххадур гьакалги рачун,

ХIур бахъарал нухазда

Ххалатал сапаразда.

Гьезда хIалхьи лъаларо

ХIухь бахъи букIунаро,

Гьадинал мучIдул гьезда

МакьилIцин рихьуларо.

Оцалълъ бетIер борххана,

Зазде бер щвезабуна.

Мун цIцIалараб кибилан

Гьикъизе къассд букIана.

Ама хIинчIчI зазда гьечIо

Гьеб парххун ун батана.

МухIамад Шамхалилазул

2015 соналълъул иххазулI моцIцIалълъул 8 къо, ххадур къо - талат къо