ئێنخۈصا عالێحاجێ
طادقاراب حالطێيالدې حۇرمات ڝۇنۇن
بالاهې،
حێساب هابۇلېب قۈياڷ قۈلېوێن،
مێسكێن، مۇنڬۈ.
* * *
دۇدې مۇغ ڃوان واڃاراو ڃۈوۈڬۈ ناڅ قۈطۇڬې،
قابێحاب عامال بۇگێن عاداماز ڝاق كاكۇلێن.
* * *
گێڬۈ حالێڮاتاو چێ ښۈښاڷ رېڄۇن ڨابعانێ،
هۈرڨۈو ڷواراوڬێ ڷۇقۇن، رېقۈلېل هېل عاڬارڬۈ.
***
حالێڮاتاو ئێنصۇل ياسڬێ ياچۇنڬې، ڨالدا واغۇلارېو واس هاوۇلېوێن.
يابۇداڶان ڷواراب چۇڬێ رېگۇنڬې، خالاتاب سافاراڷ قۈ حېڮۈلارێن.
* * *
تۇشمانڬۇن ڨوارۇن وۇگا، ڨالدا ڸالێن باهادۇر،
ڨێبێلڬۇن حېرېن وۇگا، حالبێڮۇلێن چېرخاڷۇل.
* * *
نێڶېر چێ چێنكوا وۇڬێن –
چۇچۇڬې ڭاراب باگاڷ،
چێيار چێ كۇراك وۇڬێن –
كارانزۇل حال بێڨۇڬې.
* * *
نايێڛا طېه كوانالا، طۈطۈڛا غوېص كوانالا،
بێچاصۇل حێكماتالدا دۇن ڝاق تاماشاڸۇلا.
غۈصۈڶ بۇگۇن طۈطۈڛا طۈهۈڶ بۇڬېب نايێدې،
دۇن ڸالارێۺ، هوېل رۈڛان، رۈهۈ قابێحاب بالا.
ИНХХОССА ГIАЛИХIАЖИ
ТIадкъараб хIалтIиялде хIурмат цIунун балагье,
ХIисаб гьабулеб къоялълъ къолевин, мискин, мунго.
* * *
Дуде мугъ чIван вачIарав чIового нахъ къотIуге,
КъабихIаб гIамал букIин гIадамаз цIакъ какулин.
* * *
КIиго хIалихьатав чи цоцалълъ речIчIун кьабгIани,
Гьоркьов лъваравги лълъукъун, рекъолел гьел гIагарго.
***
ХIалихьатав инссул ясги ячунге,
Кьалда вагъуларев вас гьавулевин.
ЯбудалIан лълъвараб чуги рекIунге,
Ххалатаб сапаралълъ къо хIехьоларин.
* * *
Тушмангун кьварун вукIа, кьалда лъалин багьадур,
Кьибилгун хIерен вукIа, хIалбихьулин черххалълъул.
* * *
НилIер чи чинква вугин – чучуге ккараб бакIалълъ,
Чияр чи курак вугин – каранзул хIал бикьуге.
* * *
Найицца тIегь кванала, тIотIоцца гъвесс кванала,
Бичассул хIикматадда дун цIакъ тамашалъула.
ГъоссолI букIун тIотIоцца тIогьолI бугеб найиде,
Дун лъаларищ, гьвел роццан, рогьо къабихIаб бала.
