ئێمام شامێل Имам Шамил

ښۈ ڝێياب راهاراب ڄێنگێلڸێ عاداو

ڛېبېڬۈ ڞار ڸالېو اواراڬ عاداو

بۈجێزې زاحماتاب مۇعجێزات عاداو

عێڞڬۈ قېرڨېياڷې وێجاراو عاداو

مۇن حێنقۇن طۇرگۇلېب بۇگێنڃۈ خوالچېن

دۇر عاداب ۺۇلێياب باتێڃۈ قۈلدېن

مۇن عاداو ئېبېلاڷ هاوێڃۈ لاچېن

دۇدا فارخېن وۇڬېو واڅێنڃۈ ئۇزدېن

دۇر ئێياح بۈرښێنې باتێڃۈ رۈښېن

كێنالڬۈ مېخازۇڶ بۇڬۈ دۇر بێښېن

دۇدې اداباڷۇل ڶۇعێڃۈ رۈرجېن

دۇر ڞارالدا صوېرۇڅ هېلچانا رۈڞېن

ئێسلامالدا جانێو ۺوانا دۇي ڃاڅېن

رێطۇڅڸێ ڝۇناراب بۇگێندال چابڅېن

هۇجۇماڷ ڝېخېڃۈ مېسېداڷۇل ڝېن

راۺاڸێدۇڅ رېگېڶ بۇگانا ڃالعېن

دۇر بۈدۇل نێزامڸۇن بۇگانا قۇرئان

ئێسلاماڷې عۇمرۇ هابۇنا قۇربان

شارعاڷۇل ڬۇرۈنێ ڝېخېڃۈ بايان

دێناڷۇل ڬۇرۈنێ ڞالێڃۈ فۇرقان

غازاوات هابێزې ۺوانا دۇي فۇرمان

ځوالدا ڛېبې دۇڛا هېقانا زام - زام

قائێدعام ڞار ۺواراو ئێمام

دۇڅ عێشقۇ ڞێڴاراب ۺۇن بۇڬۈ زامان

كېڃ څوانا داربێشحاجێلازۇل  حامزاتێڛا 

Цо цIияб рагьараб чIчIинкIиллъи гIадав

Ццебего цIцIар лъалев авараг гIадав

Божизе захIматаб мугIжизат гIадав

ГIицIцIго къеркьеялълъе вижарав гIадав

Мун хIинкъун тIуркIулеб букIинчIо ххвалчен

Дур гIадаб щулияб батичIо къолден

Мун гIадав эбелалълъ гьавичIо лачен

Дуда парххен вугев вахъинчIо узден

Дур ияхI борцине батичIо роцен

Киналго меххазулI буго дур бицен

Дуде адабалълъул лIугIичIо роржен

Дур цIцIаралда ссверухъ гьелчана роцIцIен

Исламалда жанив щвана дуй чIахъен

РитIухълъи цIунараб букIиндал чабхъен

Гьужумалълъ цIеххечIо меседалълъул цIен

Ращалъидухъ рек1елъ бук1ана ч1алг1ен

Дур бодул низамлъун букIана Къуръан

Исламалълъе гIумру гьабуна къурбан

ШаргIалълъул гурони цIеххечIо баян

Диналълъул гурони цIцIаличIо пуркъан

Гъазават гьабизе щвана дуй пурман

Хвалда ццебе дуцца гьекъана зам-зам

КъаидгIам цIцIар щварав имам

Духъ гIишкъу цIцIикIкIараб щун буго заман

КечI хъварав чи - ХIамзат ДарбишхIажилазул