Бортана цоги цIцIва хъахIил зодиссан بۈرتانا ݭۈڬێ ڞوا څاحێل زۈدێصان

بۈرتانا ښۈڬێ ڞوا څاحێل زۈدێصان، 

طۈلڬۈ عالاماڷې كانڸێ بێڨاراب.

قانا عېلمۇياڷۇل زامزاماڷۇل ئێڛ، 

كێعان هېقانێڬێ قېچ بۇصۇلارېب.

انا قۈ - ڷێگ هابۇن قادرۇياو ئێمام، 

عۈدێلېب،  ئۇهدێلېب تاخشاهارڬێ تۇن.

انڝ - انڝ سۈناز دۇڛا ئێمامڸێ هابۇن، 

رۇهۇناب،  بۈجاراب جاماعاتڬێ تۇن.

ښۈڬێ ڞوا باڭێلا ڞۇمادا مۇعرۇڅ، 

جېڬێڬێ كامێلاب كۇنڃێ ڞێڴاراب.

ڞار تاكرار هابێلا ڨێبێل - تۇخۇماڷ، 

طۈڛېوې هاوۇراو واساصداڬێ ڸۇن.

اما شاكاب بۇڬۈ،  دۇر عاداب عېلمۇ، 

عامالڬۇن رېقاراو قادێ زاهێرڸێ.

زێكرۇ فێكرۇيالدې اراب زامانا، 

زارايالدې څواراو ماشائێخ طاتێن.

هاب باطۇلاب رۈقۈو رېقېلارێلان، 

ناقلۇڸۇن واتێلا مۇن الجانالدې.

فاناياب دۇنێيال دۇر باگ ڬۇرێلان، 

بۈرخۇن باتێلا حېج اخێرال قۈياز

الجانالدا رۇڬېل حۇرۇلعێنزابێ، 

حادۇرڸۇن راتێلا مۇن واڃێناڷۇڅ.

بارزاخالدې ارال اصحابزابازۇل، 

احۇن چێ واڃۇنێۺ مۇن عېدېعاراو.

كېڃ څوانا احمادنابێلازۇل سايڬێد احمادێڛا

Бортана цоги цIцIва хъахIил зодиссан,

ТIолго гIаламалълъе канлъи бикьараб.

Къана гIелмуялълъул замзамалълъул ицц,

КигIан гьекъаниги къеч буссулареб.

Ана къо-лълъикI гьабун къадруяв имам,

ГIодилеб, угьдилеб таххшагьарги тун.

АнцI-анцI соназ дуцца имамлъи гьабун,

Ругьунаб, божараб жамагIатги тун.

Цоги цIцIва баккила ЦIцIумада мугIрухъ,

Жегиги камилаб, кунчIи цIцIикIкIараб.

ЦIцIар такрар гьабила кьибил-тухумалълъ,

ТIоццеве гьавурав васассдаги лъун.

Ама щакаб буго, дур гIадаб гIелму,

ГIамалгун рекъарав къади загьирлъи.

Зикру пикруялде араб замана,

Зараялде хъварав машаихх тIатин.

Гьаб батIулаб рокъов рекъеларилан,

Накълулъун ватила мун алжаналде.

Панаяб дуниял дур бакI гурилан,

Борххун батила хIеж аххирал къояз.

Алжаналда ругел хIурулгIинзаби,

ХIадурлъун ратила мун вачIиналълъухъ.

Барзаххалде арал ассхIабзабазул,

АхIун чи вачIунищ мун гIедегIарав.

КечI хъвана Ахӏмаднабилазул СайгидахIмадицца