Ккурал кIалал къабулал ратаги

سالامۇ عالايكۇم

خێرێيال ماعارۇلال، 

انا ڬۇرێۺ رامازان

بالاهۇن خادۇر نێڶـڬێن.

هانجې عۈدۈرڬێ گۇسۇن

ناڅېخۇنڬێ رالاهۇن،

ناڅا تاراب مۈڞاڷۇل

ڞۈدۈرڬۈ حێساب هابې:

كوېشڸابێ رېخۇن تانێۺ،

ڷێگڸێ عېمېر هابۇنێۺ،

عادامال رازێڸۇلېب

ڮوادا - ڃوادێ هابۇنێۺ؟

عادامال رازێڸانێ

الاهڬێ رازێڸۇلێن، 

اواراڬـڬێ وۈخۇلێن

بێښۇنېبڬۈ راعێڃێۺ؟

يا الاه،  كێنازۇلڬۈ

گالال قابۇل هارېڬێ، 

كاكال،  وێترۇ،  تاراوێح

ازارێدې راځايڬێ.

ڞالاراب قۇرئاناڷۇل

حارف رێڴۇن كێرێ څوايڬێ،

ڨۇراب صاداقا - خايرات

ځۈباڷۇب نۇرڸۇن ڄاڬێ.

ڃاڬۈ هارۇرال سارداز

صێراط بێها هابېڬێ، 

باچاراب زێكرۇ - صالات

مێزانالدا باگڸايڬێ.

مۈڞاڷ هابێڃېب غێبات

عۇمرۇياڷـڬۈ گۈچايڬێ، 

باڞاڸاراب رېگېدا

طۈگاب جاحدا ڸاڬېڬێ.

جاقا رێهێنڃېل چاعێ

مېتېر عۈدێزې رۇڬېب

رۇصۇنېب راڨۇل ڬواندۇ

راگالداصا ئۇنڬېڬێ.

رېگېل مۇراد طۇبايڬێ،

چۈرخۈيې ساځڸێ ڨېڬێ،

طاصێياب رامازان مۈڞ

رۈخالێدا باڃاڬێ.

ئێنخۈصا عايشات

Инххосса ГIайшат

Ассаламу гIалайкум

Ххириял магIарулал,

Ана гурищ Рамазан

Балагьун ххадур нилIгин.

Гьанже гIодорги кIусун

Нахъеххунги ралагьун,

Нахъа тараб моцIцIалълъул

ЦIцIодорго хIисаб гьабе:

Квешлъаби реххун танищ,

ЛълъикIлъи гIемер гьабунищ,

ГIадамал разилъулеб

Хьвада-чIвади гьабунищ?

ГIадамал разилъани

Аллагьги разилъулин,

Аварагги воххулин

Бицунебго рагIичIищ?

Я Аллагь, киназулго

КIалал къабул гьареги,

Какал, витру, таравихI

Азариде рахайги!

ЦIцIалараб Къуръаналълъул

ХIарп рикIкIун кири хъвайги,

Кьураб ссадакъа-ххайрат

Хобалълъуб нурлъун чIчIаги!

ЧIаго гьарурал сардаз

СсиратI бигьа гьабеги,

Бачараб зикру-ссалат

Мизаналда бакIлъайги!

МоцIцIалълъ гьабичIеб гъибат

ГIумруялълъго кIочайги,

БацIцIалъараб рекIеда

ТIокIаб жахIда лъагеги!

Жакъа ригьинчIел чагIи

Метер гIодизе ругеб

Руссунеб ракьул гванду

РакIалдасса унгеги!

РекIел мурад тIубайги,

Чорххое сахлъи кьеги,

ТIассияб Рамазан моцIцI

Роххалида бачIаги!

Инххосса ГIайшат