Метер мун яхъина, хъахIлъи барабго مېتېر مۇن ياڅێنا، څاحڸێ بارابڬۈ

٢٠١٥   سۈناڷۇل باقعېدۇڶ مۈڞاڷۇل ٦ قۈ،  بۈرهان قۈ - شامات قۈ

مېتېر مۇن ياڅێنا،  څاحڸێ بارابڬۈ،

بالاهێلا ڬۈردۇڅ،  دۇر انێۺ كێناب؟

باق بۇگا،  ڞاد باتا،  باطاڸێ هېڃۈ،

بۈڨۇلېب ڸێمادۇي تالێح ڬۇرۈنێ.

تېلارۈ فێكراباز كارانڶ راخچارال،

چێڬۈ كانطێلارێۺ،  سايغات هابێزې.

صوێنارۈ انێۺال،  ئۇنېب بۇڬېب قۈ،

قوال ڝۇرال طۇهدۇل ۺۇن ۺوېلێن "عارشالدې".

ۺێب ڸالېب باتێلا،  بۇگێنې هېدێن،

هايۇراب قۈ بۇڬۈ،  قێلبال مۇن يێڬۈ،

قارۇماب خالقاڷۇل خێيال ڭېڃۈنێ،

كۈڃۈدې چۇچېخا،  چێياقڸاراب راگ.

يێگاراي انێۺ مۇن،  شاهاصۇل بێكا،

ۺوېلائان قافێلا،  قۈڬۈ ڛېوېتېل.

قايێ - قۈنۈ ڬۇرېب،  جاوهار - ياقۇتال،

قۈطنۈصان بايبێڮۇن ڮواعێلائان دۇي.

ڮۇلالڬۇن،  انێۺاز،  ئۇنتێ هۇقۇلېب،

دافتار كۈدۈب بۈسې مێسكێن كۈڃۈهان.

ۺێواصې ڨۈلارېب،  ڨۇن بێڄۇلارېب،

بۇڬێن بېطېرهاناص،  بێطاراب سالام.

سايغات دێرڬێ هېڃۈ،  ڃالعېن ڬۇرۈنێ،

ڃۇحاراو اواراص ئۇرڅێ بێطێلا.

ازدا رێڄێلارۈ،  دۈزدا ڸالارۈ،

ڸېزې تې بۇهتانال،  بازې بێچاي غوېل.

غاصدې مۇن يۇصێنا،  سۈردۈ باڃێنا،

صۇدۇلېب رېگېدا رۇگېن حۇنصێلا.

حاسراتاب ڸێمېرڬێ ڸۈرۈبې باچۇن،

بێجێلا ڝێداصان،  دۈب حاسراتاب كېڃ.

ښۈ - ښۈ چێ وێجۇنا،  جێندێيې ۺۈلېو،

جاهێلازدا ڭۈلا هېب تالێح بۇڬێن.

ښۈڬێداو واڅۇنا باڅۇن راگ ڨۈلېو،

څۇبال فێكراباڛا،  فايدا بۈسۇلېو.

باركۇلا فاطێمات،  بێطۇلا سالام،

صۇنڬې ابې غاصدا باكاراب چێراڅ.

كۈڃۈڅابێ ځۈلا،  كۇڃدۇل خۇطۇلا.

كوانازې ڬۇرېبێن عۇمرۇ هابۇلېب.

كېڃ څوانا اوارازۇل ادامێڛا 

 Метер мун яхъина, хъахIлъи барабго,

Балагьила гордухъ, дур анищ кинаб?.

Бакъ букIа, цIцIад бата, батIалъи гьечIо,

Бокьулеб лъимадуй талихI гурони!

Теларо пикрабаз каранлI раххчарал,

Чиго кантIиларищ, сайгъат гьабизе.

Ссвинаро анищал, унеб бугеб къо,

Къвал цIурал тIугьдул щун щвелин "гIаршалде"!

Щиб лъалеб батила, букIине гьедин,

Гьаюраб къо буго, къилбал мун йиго,

Къарумаб ххалкъалълъул ххиял ккечIони,

КочIоде чучехха, чиякълъараб ракI.

ЙикIарай анищ мун, Шагьассул Бика,

Щвелаан къапила, къого ццеветел.

Къайи-къоно гуреб, жавгьар-якъутал,

КъотIноссан байбихьун хьвагIилаан дуй.

Хьулалгун, анищаз, унти гьукъулеб,

Даптар кодоб босе мискин кочIогьан.

Шивассе кьолареб, кьун бичIчIулареб,

Бугин бетIергьанасс, битIараб салам!

Сайгъат дирги гьечIо, чIалгIен гурони,

ЧIухIарав Аварасс урхъи битIила.

Азда ричIчIиларо, дозда лъаларо,

Лъезе те бугьтанал, базе бичай гъвел.

Гъассде мун юссина, сордо бачIина,

Ссудулеб рекIеда рукIен хIунссила.

ХIасратаб лъимерги лъоробе бачун,

Бижила цIидассан, доб хIасратаб кечI.

Цо-цо чи вижуна, жиндие щолев,

Жагьилазда ккола гьеб талихI бугин.

Цогидав вахъуна бахъун ракI кьолев,

Хъубал пикрабацца, пайда босулев.

Баркула ПатIимат, битIула Салам,

Ссунге абе гъассда бакараб чирахъ!

КочIохъаби хола, кучIдул ххутIула.

Кваназе гуребин гIумру гьабулеб!

КечI хъвана Аваразул Адамицца