سۈردۈ رۈهێنالدې Сордо рогьиналде

٢٠١٥  سۈناڷۇل باقعېدۇڶ مۈڞاڷۇل ٥ قۈ،  عۇلجۇم قۈ - رۇزمان قۈ

سۈردۈ رۈهێنالدې طادېڬێ راڅۇن.

طاعات هابۇلېزۇل باراكات ۺوايڬێ.

ۺواراب ماڨۇياڷې مۇطێعڸێڃۈڬۈ.

نافس قېزابۇلېزۇل مۇڅێڸې ڭايڬێ.

ئېبېل - ئېمېن،  ئۇستار،  بێچاصۇل راسۇل.

رازێياب حالالدا ڮوادێزې گوايڬێ.

رۇح باڅۇلېب لاحزات ئێمانالدا ڭۇن.

الاه ڬۇرحارازۇل ڨېرێڶ راتايڬێ.

ڭاراب مۇناه - خاطا خالێقاص چۇرۇن.

راڞاڸۇن راڅايڬێ عاراصاتالدا.

عازاباڷې ڭارال رۇڬۈنانێڬێ.

راحماناص ڬۇرحۇن تۇن خواصار هارېڬێ.

هارێزې ڬۇرۈنێ باجارێ هېڃېل.

بېطېرهان ناڅڃواڬې دۇر لاغزال رۇڬێن.

دۇڛا ناڅې ڃوانێ طۈگاڷ نێج ئێنې.

بېطېرهانڬێ هېڃێن قابۇل هارۇن تې.

ڬۇرحېل ڛېبې ڭاراو راحمانۇ راحێم.

ڬۇرحا مۇن نێجېدا ۺێباب لاحزاتاڷ.

مۇن ڬۇرحێڃۈنانێ ځواصارڸێ هېڃێن.

ڃۈرۈڬۈ رێطۇڬې هارۇن ۺوارال نێج.

Сордо рогьиналде тIадеги рахъун.

ТIагIат гьабулезул баракат щвайги.

Щвараб макьуялълъе мутIигIлъичIого.

Напс къезабулезул мухъилIе ккайги.

Эбел-эмен, устар, бичассул расул.

Разияб хIалалда хьвадизе кIвайги.

РухI бахъулеб лахIзат иманалда ккун.

Аллагь гурхIаразул кьерилI ратайги.

Ккараб мунагь-ххатIа Ххаликъасс чурун.

РацIцIалъун рахъайги гIарассаталда.

ГIазабалълъе ккарал ругонаниги.

РахIманасс гурхIун тун хвассар гьареги.

Гьаризе гурони бажари гьечIел.

БетIергьан нахъчIваге дур лагъзал ругин.

Дуцца нахъе чIвани тIокIалълъ ниж ине.

БетIергьанги гьечIин къабул гьарун те.

ГурхIел ццебе ккарав РахIману РахIим.

ГурхIа Мун нижеда щибаб лахIзаталълъ.

Мун гурхIичIонани хвассарлъи гьечIин.

ЧIорого ритIуге гьарун щварал ниж.

2015 соналълъул бакъгIедулI моцIцIалълъул 5 къо, гIулжум къо - рузман къо.