غاصدا رېگاراب ڝا Гъассда рекIараб цIа

٢٠١٥ سۈناڷۇل باقعېدۇڶ مۈڞاڷۇل ٣ قۈ،  ڿۇعادۇر قۈ - ارباع قۈ

غاصدا رېگاراب ڝا.

دێر يانغێزڸێياڷۇل غارێماب هۇدۇل،

غاصطا رېگاراب ڝا،  وۇصۇنا دۇدې.

ڝا صۇنېب رېگېل رۇق ځێنڸێڃۈنێڬێ،

خێوالال ڝێڸۇلا ڝۇل بۇحۇلېڷۇل.

دۇر غوارێڸۇداصا دێدا بێڮۇلا

دێرڬۈ ڸێمېرڸێدۇل ڶۇعاراب كۇنڃێ.

كېنڃۈلېل ڃۈرازۇل ڃاڬۈياب خاربێد

ځوارال ئۇمۇمۇزۇل بێښۇنا دێيې.

غاصدا رېگاراب ڝا،  دۇر حېنېحازۇڷ

حېبطۇن بۇڬێن ڭۈلا ئېبېلاڷۇل راگ.

مۇن رېگۇنارېڷۇل راڃۇنا ڛېرې

دێدا ئێنصۇل كوېرال دۇدا كوالكوالېل.

ڛېبې،  رېگېل غاصدا ڝا هالدۈلېڷۇل،

ڝادۇڅ عۈدۈو ڄېزې باتێڃۈ زامان.

عۈلۈڅانال سۈناز،  طۇهدۇزۇل ڬۇرېب،

باطێيال ماحازۇل بۈسێڃۈ طاعام.

غاصدا رېگاراب ڝا،  ڝۇل بۇحۇلېب ماح

ڞۈرۈراب خاسالێي خۇطاراب ځێنڸێ.

ځێنال دۈل دێر قۈيال،  غاصدا ڝۇل عادێن

زاماناڷۇل ڝاياز ڶۇعانا رۇحۇن.

كېڃ څوانا داوۇدێلازۇل حابێبێڛا

Гъассда рекIараб цIа.

Дир янгъизлъиялълъул гъаримаб гьудул,

ГъасстIа рекIараб цIа, вуссуна дуде.

ЦIа ссунеб рекIел рукъ хинлъичIониги,

Ххивалал цIилъула цIул бухIулелълъул.

Дур гъварилъудасса дида бихьула

Дирго лъимерлъидул лIугIараб кунчIи.

КенчIолел чIоразул чIагояб ххарбид

Хварал умумузул бицуна дие.

Гъассда рекIараб цIа, дур хIенехIазулI

ХIебтIун бугин ккола эбелалълъул ракI.

Мун рекIунарелълъул рачIуна ццере

Дида инссул кверал дуда квалквалел.

Ццебе, рекIел гъассда цIа гьалдолелълъул,

ЦIадухъ гIодов чIчIезе батичIо заман.

ГIолохъанал соназ, тIугьдузул гуреб,

БатIиял махIазул босичIо тIагIам.

Гъассда рекIараб цIа, цIул бухIулеб махI

ЦIцIорораб хасалий ххутIараб хинлъи.

Хинал дол дир къоял, гъассда цIул гIадин

Заманалълъул цIаяз лIугIана рухIун.

2015 соналълъул бакъгIедулI моцIцIалълъул 3 къо, ччугIадур къо - арбагI къо

КечI хъвана Давудилазул ХIабибицца