РОГЬАЛИЛ КАК رۈهالێل كاك

٢٠١٥  سۈناڷۇل باقعېدۇڶ مۈڞاڷۇل ٥ قۈ،  عۇلجۇم قۈ - رۇزمان قۈ

رۈهالێل كاك

رۈرخاتال مۇعرۇزدا ماعارۇل رۈسۇڶ،

بۇدۇناصۇل هاراڨ راعۇلېب بۇڬۈ.

راحماتال رێڨۇلېب،  رۈهالێل عۇجاڷ،

رۈهالێل كاك،  هالې،  احۇلېب بۇڬۈ.

مێحمارالدې واځۇن،  هېص حابێباصۇل،

ئۇمات،  خواصارڸۇدې،  احۇلېب بۇڬۈ.

اخێراتاڷۇل رۇق،  بېرښێن هابێزې،

الاهاصۇل رۈقۈر راڃايان وۇڬۈ.

الاه گۈدۈ هاوۇن،  تاكبێرڬێ باچۇن،

هېو جاماعاتالدې وۇصۇنېو وۇڬۈ.

جاماعات كاك بازې،  فارز طۈبێطێزې،

طۈلالڬۈ راڃێنێن هېصۇل ڮۇل بۇڬۈ.

الاه ښۈ وۇڬێلان،  شاهادات بێطۇن،

احماد،  هېصۇل راسۇل وۇڬێن ابۇنا.

گێڞۇل تاكرار هابۇن بېرښێناب هاراڨ،

ڨۇرابازۇل سێرتاڷ،  ڨوارۇن باغانا.

حايالا احێ،  بان،  هېص رۈسۇ ښۈيال،

رۈهالێل كاك بازې،  احۇلېل رۇڬۈ.

ابادێياب رۈقۈب،  عازابالداصان،

ڞۇنێ طالاب هابۇن،  ۺوېلێن قاصد بۇڬۈ.

بۇدۇناصۇل هاراڨ،  ماعارۇل رۈسۇڶ،

ۺێواصۇل قاوۇڶې،  ۺۇۺالېب بۇڬۈ.

بېرښێناب هارڨێدا،  ۺێواصۇل كارانڶ،

ئێسلاماڷۇل كوېراڷ گۇطۇلېب بۇڬۈ.

راڅا عۈلۈڅابێ،  راڃا كێنالڬۈ،

رۈهالێل كاك بازې ماجڬێتاڷۇرې،

راحماتال رێڨۇلېب،  رۈهالێل عۇجاڷ،

جاماعات كاك ښاداڅ،  طۈبێطۇن بازې.

РОГЬАЛИЛ КАК

Рорххатал мугIрузда магIарул росулI,

Будунассул гьаракь рагIулеб буго.

РахIматал рикьулеб, рогьалил гIужалълъ,

Рогьалил как, гьале, ахIулеб буго.

МихIмаралде вахун, гьесс ХIАБИБАССУЛ,

Умат, хвассарлъуде, ахIулеб буго.

Аххираталълъул рукъ, берцин гьабизе,

АЛЛАГЬАССУЛ рокъор рачIаян вуго.

АЛЛАГЬ кIодо гьавун, такбирги бачун,

Гьев жамагIаталде вуссунев вуго.

ЖамагIат как базе, парз тIобитIизе,

ТIолалго рачIинин гьессул хьул буго.

АЛЛАГЬ цо вугилан, шагьадат битIун,

АХIМАД, гьессул расул вугин абуна.

КIицIцIул такрар гьабун берцинаб гьаракь,

Кьурабазул сирталълъ, кьварун багъана.

ХIайала ахIи, бан, гьесс росуцоял,

Рогьалил как базе, ахIулел руго.

Абадияб рокъоб, гIазабалдассан,

ЦIуни тIалаб гьабун, щвелин къассд буго.

Будунассул гьаракь, магIарул росулI,

Щивассул къавулIе, щущалеб буго.

Берцинаб гьаркьида, щивассул каранлI,

Исламалълъул квералълъ кIутIулеб буго.

Рахъа гIолохъаби, рачIа киналго,

Рогьалил как базе мажгиталълъуре,

РахIматал рикьулеб, рогьалил гIужалълъ,

ЖамагIат как цадахъ, тIобитIун базе.

2015 соналълъул бакъгIедулI моцIцIалълъул 5 къо, гIулжум къо - рузман къо