Эбелалълъул магIу ئېبېلاڷۇل ماعۇ

٢٠١٥  سۈناڷۇل باقعېدۇڶ مۈڞاڷۇل ٥ قۈ،  عۇلجۇم قۈ - رۇزمان قۈ

ئېبېلاڷۇل ماعۇ

واس ڨالدا خۇطاراي ځېرڸاراي ئېبېل

نۇځدا بېرالڬێ ڸۇن قوارێدڬۈ يێڬۈ

چۈڮۈل رێجێياڷۇل خابار ڝېخېزې

خابالازۇل گالطا ئېخېتۇن يێڬۈ،

ڃێنڃۇدۇل راعالاڷ ماعۇڬێ باڞۇن

ماعێل هاراڨ بێڿان عۈدۇلېي يێڬۈ

سافاراڷ ان ۺێنال ناڅې رۇصۇنێن

وۇصێنارێۺ دارمان ئێنصۇل رۈسۇڶې

ئۇنېل راڃۇنېزۇل حاطێل ساس ڃوالێن

ساس كێن راعۇلارېب دۇر ڬالابازۇل.

بێښې ځۈبال زانال كێب بۇڬېب زانێ

كێب اراب ڸالارېب دێر ڸێمېراڷۇل.

ڸالێۺ زۈبال راڨال رۇح كێن بۈساراب

راغاڷ بێقۇن اراب دێر رێجێياڷۇل؟

بۇصۇنارېب ڃالعېن قۈطۇلارېب ڮۇل

قوارێد بۇڬێن كېرېن كێن دۇن چۇچێلېي؟

واطاناڷۇل طاداب ناڸێڬێ طۇبان

طاد بۇصێنڃېب ڷێماڅ ئۇهدێلېي يێڬۈ،

طاداب بۈرچڬێ بۈرخۇن ناڅې وۇصێنڃېو

واساصۇڅ عاشێقڸۇن عۈدۈي ڃوان يێڬۈ.

ئېبېل،  دۇر ماعێيڬێ ماعێل هارڨێيڬێ

ماعارۇلڸێياڷـڬۈ ڄېعېر بان بۇڬۈ.

دۇر كارانزۇل بۇحێ رېگېل ئێناهدێ

كێنالڬۈ ئۇلبۇزې زێيارات بۇڬۈ.

Эбелалълъул магIу

Вас кьалда ххутIарай херлъарай эбел

Нухда бералги лъун къваридго йиго

Чохьол рижиялълъул ххабар цIеххезе

Хабалазул кIалтIа эххетун йиго,

ЧIинчIудул рагIалалълъ магIуги бацIцIун

МагIил гьаракь биччан гIодулей йиго

Сапаралълъ ан щинал нахъе руссунин

Вуссинарищ дарман инссул росулIе

Унел рачIунезул хIатIил сас чIвалин

Сас кин рагIулареб дур галабазул!

Бице хобал занал киб бугеб зани

Киб араб лъалареб дир лъимералълъул,

Лъалищ зобал ракьал рухI кин босараб

Рагъалълъ бикъун араб дир рижиялълъул?!

Буссунареб чIалгIен къотIулареб хьул

Къварид бугин керен кин дун чучилей?

ВатIаналълъул тIадаб налъиги тIубан

ТIад буссинчIеб лълъимахъ угьдилей йиго,

ТIадаб борчги борххун нахъе вуссинчIев

Васассухъ гIащикълъун гIодой чIван йиго!

Эбел, дур магIийги магIил гьаркьийги

МагIаруллъиялълъго чIчIегIер бан буго!

Дур каранзул бухIи рекIел инагьди

Киналго улбузе зиярат буго!

2015 соналълъул бакъгIедулI моцIцIалълъул 5 къо, гIулжум къо - рузман къо