КИРЕДАЙ РАЧИНА ГЬАЛ КАРАЧЕЛАЗ كێرېداي راچێنا هال كاراچېلاز

٢٠١٥ سۈناڷۇل باقعېدۇڶ مۈڞاڷۇل ٩ قۈ،  انڷځۇر قۈ - ئێتنێ قۈ

كێرېداي راچێنا هال كاراچېلاز

جاقادڬێ ڨۇنا دارس ماعارۇل ماڞاڷ

باۺداب ماعارۇلاڷ، باۺداب عۇرۇساڷ،

جاقاڬێ ۺوانا دۇن صواكان رۈقۈيې

صواراب چێراڅ عادێن رېگېل نۇرڬێ صۇن،

صابۇراب،  ماعناياب ماعارۇل راعێ،

عێصێناب عېلاڷې عادڸۇلېب بۇڬۈ،

چێڸێياڷۇل حۇبێ،  ياحاڷۇل راچېل،

راڮدال ماڞ هازێيې چێيارڸۇن بۇڬۈ،

هان بێچۇن،  چېد بۈسۇن،  دێر ماعارۇلاز

ماعارۇل ماڞاڷۇل هۈد بېكۇن بۇڬۈ.

هادێناب بېچېداب دێر اوار كالام،

چێياراب ماڞاڷې ناكۇ ڃوان بۇڬۈ.

ماعارۇل خالقاڷۇل عێصێنال ڸێمال،

هالې دێر دارسێدا عۈدۈر ڄۇن رۇڬۈ،

هالې دۇن هێطێناو ماعارۇلاصدا،

ماعارۇل ماڞالدا كاڸالېي يێڬۈ.

دێي هېو ماعارۇلاص هادێناب جاواب،

بادێوې والاهۇن هابۇلېب بۇڬۈ:

«نې فۈنێمايۇ يا اوارسكێي يازێك

سكاجێتې نا رۇصكۈم،  تۈڬدا يا فۈيمۇ».

ماعارۇل واساصۇل عاصێياب كالام

كارانڶ قازابۇراب خانجارێن ڭانا،

عاقلۇ هېڃۈڸێياڷ بێښاراب راعێ

رېڄاراب هۈرچۈڸۇن عاداڶ ڨابانا.

كێن،  دێر ماعارۇلاو،  دۇدا هېب راعێ

هېدێعان بێهاڬۈ ابێزې گواراب؟

كێن مۇن هاوۇرال دۇر ئېبېل - ئێنصۇدا

هېدێن مۇنڬێ تۇن رۇگێنې گوارال؟

كێن نۇجېدا گۈلېب،  دێر ماعارۇلال،

ماعارۇل ماڞاڷۇل ڞۈكۈ باڅێزې؟

كێن نۇجېدا ۺۈلېب ساردێڶ ماڨۇڬۈ

چۈڮۈل ڸێمالازدا ماڞڬێ گۈچۈن تۇن؟

ۺاي نۇجېر صۇرصاتال طاطالا رېخۇن

ڸێمادا ماڞ ڸازې طادېڸۇلارېل؟

ۺاي طۈلابڬۈ دێر خالق،  داندېڬێ بۇصۇن،

هاب ئۇنتۇيې دارۇ ئۇرغۇلېب هېڃېب؟

خێنگ - چېداڷۇل ئۇرغېل طادېڬێ بۈسۇن،

مێلێياب راڅالدې رۈڅۈ څوان بۇڬۈ.

ماڞ ځوېيالدا ښاداڅ خالق ځۈلېبڸێڬێ،

گوارڬۈ هابێڃۈڬۈ،  گۈچۈن تۇن بۇڬۈ.

ۺێب قێسماتداي ڭېلا هاب دێر خالقاڷۇل

خالقێياب خازێنا چادێڅڬێ بێچۇن؟

كێرېداي راچێنا هال كاراچېلاز،

چێيار مادانێياتاز كوېردې رۈسارال؟

سارات مۇحۇمالازۇل،  اوار ماڞاڷۇل ماڷۇڅان، 

غێزێليۇرت (ڬېلباڅ)،  ڞالدۈگان ٧

КИРЕДАЙ РАЧИНА ГЬАЛ КАРАЧЕЛАЗ

Жакъадги кьуна дарс магIарул мацIцIалълъ

Бащдаб магIарулалълъ,бащдаб гIурусалълъ,

Жакъаги щвана дун ссвакан рокъое

Ссвараб чирахъ гIадин рекIел нурги ссун,

Ссабураб, магIнаяб магIарул рагIи,

ГIиссинаб гIелалълъе гIадлъулеб буго,

Чилъиялълъул хIуби, яхIалълъул рачел,

Рахьдал мацIцI гьазие чиярлъун буго,

Гьан бичун, чед босун, дир магIарулаз

МагIарул мацIцIалълъул гьод бекун буго.

Гьадинаб бечедаб дир авар калам,

Чияраб мацIцIалълъе наку чIван буго.

МагIарул ххалкъалълъул гIиссинал лъимал,

Гьале дир дарсида гIодор чIчIун руго,

Гьале дун гьитIинав магIарулассда,

МагIарул мацIцIалда калъалей йиго.

Дий гьев магIаруласс гьадинаб жаваб,

Бадиве валагьун гьабулеб буго:

«Не понимаю я аварский язык

Скажите на русском, тогда я пойму».

МагIарул васассул гIассияб калам

КаранлI къазабураб хханжарин ккана,

ГIакълу гьечIолъиялълъ бицараб рагIи

РечIчIараб гьорчолъун гIадалI кьабана.

Кин, дир магIарулав, дуда гьеб рагIи

ГьедигIан бигьаго абизе кIвараб?

Кин мун гьавурал дур эбел-инссуда

Гьедин мунги тун рукIине кIварал?

Кин нужеда кIолеб, дир магIарулал,

МагIарул мацIцIалълъул цIцIоко бахъизе?

Кин нужеда щолеб сардилI макьуго

Чохьол лъималазда мацIцIги кIочон тун?

Щай нужер ссурссатал тIатIала реххун

Лъимада мацIцI лъазе тIаделъуларел?

Щай тIолабго дир ххалкъ, дандеги буссун,

Гьаб унтуе дару ургъулеб гьечIеб?

ХхинкI-чедалълъул ургъел тIадеги босун,

Милияб рахъалде рохъо хъван буго.

МацIцI хвеялда цадахъ ххалкъ холеблъиги,

КIварго гьабичIого, кIочон тун буго.

Щиб къисматдай ккела гьаб дир ххалкъалълъул

Ххалкъияб ххазина чадихъги бичун?

Киредай рачина гьал карачелаз,

Чияр маданиятаз кверде росарал?

Сарат МухIумалазул, Авар мацIцIалъул малълъухъан,

Гъизилюрт (Гелбахъ), цIцIалдокIан  №7

2015 соналълъул бакъгIедулъ моцIцIалълъул 9 къо, анлълъхур къо - итни къо