ЖИНДИЛIАН ЯХI БЕЦIЦIУЛЕБ ГЬАБ МАЦIЦIАЛЪЛЪУЛ ГЬУИНЛЪИ جێندێڶان ياح بېڞۇلېب هاب ماڞاڷۇل هۇئێنڸێ

٢٠١٥ سۈناڷۇل باقعېدۇڶ مۈڞاڷۇل ٩ قۈ،  انڷځۇر قۈ - ئێتنێ قۈ

جێندێڶان ياح بېڞۇلېب هاب ماڞاڷۇل هۇئێنڸێ

هاب نۇجېر ماجلێسالدې ڞارۇيې ۺواراي ڬۇرۈ،

ڞېر عادێناب باڞاداب رۈڨۇڛا ڞاراي يێڬۈ.

رۈڨۇلا دێيې مۇعرۇل،  ماعارۇل فاصێحاب ماڞ،

دێرڬۈ خێرێياب طاڸێ،  خۇندېرێل هايباتاب راڨ.

بۈڨۇلا ئێنصۇل رۈسۇ،  رۈسدال ئێڛال،  صانابێ،

طۈهۈڶان جێب باڭاراب صوېرۇڅ بۇڬېب طابێعات.

بۈڨۇن بۇڬۈ دێر رۈڨێ كێنازېڬۈ بێڨێزې،

جێو - جێواصۇل رېگېڶان هېب رۈڨۇل ڝا كۇنڃێزې.

دێر خالقاڷۇل ياح - نامۇس،  باحارچێياب خاصێيات،

خێسێ هېڃېب عاداتڸێ،  عۈرڅێ هېڃېب عادانڸێ،

دێر خالقاڷۇل هايباتڸێ،  هېزۇل هۇنار،  لېبالڸێ،

جێندێڶان ياح بېڞۇلېب هاب ماڞاڷۇل هۇئێنڸێ.

هاب رۈڨۇل كواڝێ بۈسۇن ڞالۇرۇقالدې دۇن ياڃۇنا،

دێر خێرێيال طانڃازې طۇهدۇلڸۇن هېب بێڨۇلا.

هاب اساراڷۇل غاماص دێڛا هېزێي راهۇلا،

هېب رێڃۇلېل گۇلالڬێ گوار ڨۇن هېزۇڅې ڨۈلا.

دارسازدا نێج راځۇنا رۈرخاتال مۇعرۇزدېڬێ،

مۇعرۇزداصان رېۺطۇنا ۺۈبال،  ڴالاباڅېڬێ.

ماعارۇل هاوا ڞۇلا،  ڞۈرۈراب ڷێم هېقۈلا،

باقۇدېخۇن رۇصارال طۇهدۇزۇل ماح صۇنطۇلا

ماعارۇل ماڞ ماڷێزې جێڬار باڅۇلېل رۇڬېل

مۇعالێمزابازېڬێ هارۇلا دێڛا ساخڸێ.

نۇجېر زاحماتاب حالطۇڶ ڨېڬێ نۇجېيې صابرۇ.

جێدېرڬۈ ماڞ بۈڨۇلېل ڨېڬێ نۇجېيې ڸێمال.

سارات مۇحۇمالازۇل - اوار ماڞاڷۇل ماڷارۇڅان، 

غێزێليۇرت (ڬېلباڅ)،  ڞالۇر №٧

ЖИНДИЛIАН ЯХI БЕЦIЦIУЛЕБ ГЬАБ МАЦIЦIАЛЪЛЪУЛ ГЬУИНЛЪИ

Гьаб нужер мажлисалде цIцIаруе щварай гуро,

ЦIцIер гIадинаб бацIцIадаб рокьуцца цIцIарай йиго.

Рокьула дие мугIрул, магIарул пассихIаб мацIцI,

Дирго ххирияб тIалъи, ххундерил гьайбатаб ракь.

Бокьула инссул росу, росдал иццал, ссанаби,

ТIогьолIан жиб баккараб ссверухъ бугеб тIабигIат.

Бокьун буго дир рокьи киназего бикьизе,

Жив-живассул рекIелIан гьеб рокьул цIа кунчIизе.

Дир ххалкъалълъул яхI-намус, бахIарчияб ххассият,

Хиси гьечIеб гIадатлъи, гIорхъи гьечIеб гIаданлъи,

Дир ххалкъалълъул гьайбатлъи, гьезул гьунар, лебаллъи,

ЖиндилIан яхI бецIцIулеб гьаб мацIцIалъул гьуинлъи.

Гьаб рокьул квацIи босун цIцIалурукъалде дун ячIуна,

Дир ххириял тIанчIазе тIугьдуллъун гьеб бикьула.

Гьаб асаралълъул гъамасс дицца гьезий рагьула,

Гьеб ричIулел кIулалги кIвар кьун гьезухъе кьола.

Дарсазда ниж раххуна рорххатал мугIруздеги,

МугIруздассан рещтIуна щобал, кIкIалабахъеги.

МагIарул гьава цIцIула, цIцIорораб лълъим гьекъола,

Бакъудеххун руссарал тIугьдузул махI ссунтIула

МагIарул мацIцI малълъизе жигар бахъулел ругел

МугIалимзабазеги гьарула дицца сахлъи!

Нужер захIматаб хIалтIулI кьеги нужее ссабру!

Жидерго мацIцI бокьулел кьеги нужее лъимал.

Сарат Мух1умалазул - Авар мацIцIалълъул малълъарухъан,

Гъизилюрт (Гелбахъ), цIцIалур №7