Херлъуге, дир кьерилал ځېرڸۇڬې، دێر ڨېرێلال

٢٠١٥ سۈناڷۇل رېڨارۇڶ مۈڞاڷۇل ٢٨ قۈ،  هۈرڨۈ قۈ،  خامێز قۈ

ځېرڸۇڬې،  دێر ڨېرێلال

ځېرڸۇڬې،  دێر ڨېرێلال، ڨێن جېڬێ طادې ۺوېڃێن.

طېه بېڃاراب عۇردادې عازۇ جېڬێ بان هېڃێن.

عۈلۈڅانڸێ انێلان، ابۇڬې،  هۇدۇلزابێ.

اراب عۇمرۇ بۈرښۇنېب رۈښېن ڷێدڬۈ ئۇرغێڃێن.

سۈنازۇل زۇلمۇياڷې نۇج قۇلۇڬې،  قۇرڨۇڬې.

نێڶېرڬۈ قالمێڛايێن قادار څوالېب الاهاص.

قۇنۺبێ څاحڸانێڬێ ۺێب، ڶۇعۇن هېڃۈ نێڶېر كېڃ.

كواطۇن باراب ڞاداڶـڬێ ڝێيال طۇهدۇل راڃۇنێن.

ماطۇياڷۇو كێنێڬێ والاهۇلا دۇن نۇجېڅ

نۇجۈر بېرازۇل ڝاياز ڝێياب خێنڸێ ڨۈلا دێي.

دۇنڬێ ښۈ - ښۈ خېخڸۇلا، ځېرڸۇن وۇڬێن ابێزې.

خادۇو راگاڷ طامۇلا، طاصا ڶۇهێناوێزې.

سۈنڬێ ښۈ بېرښێناي ياس يالاهانا دێڅ هێمۇن.

هېڷ رېگېڶ ڸۇرال ڮۇلال، ڮێڮۇن وۇڬۈ هانجېڬێ.

ځېرڸۇڬې،  دێر ڨېرێلال، ڨێن جېڬێ طادې ۺوېڃێن.

طېه بېڃاراب عۇردادې، عازۇ جېڬێ بان هېڃێن.

كېڃ څوانا داوۇدێلازۇل حابێبێڛا

2015 соналълъул рекьарулI моцIцIалълъул 28 къо, гьоркьо къо, ххамиз къо

Херлъуге, дир кьерилал.

Херлъуге, дир кьерилал, кьин жеги тIаде щвечIин.

ТIегь бечIараб гIурдаде гIазу жеги бан гьечIин.

ГIолохъанлъи анилан, абуге, гьудулзаби.

Араб гIумру борцунеб роцен лълъидго ургъичIин.

Соназул зулмуялълъе нуж къулуге, къуркьуге.

НилIерго къалмиццайин къадар хъвалеб Аллагьасс.

Къунщби хъахIлъаниги щиб, лIугIун гьечIо нилIер кечI.

КватIун бараб цIцIадалълъги цIиял тIугьдул рачIунин.

МатIуялълъув киниги валагьула дун нужехъ

Нужор беразул цIаяз цIияб хинлъи кьола дий.

Дунги цо-цо ххеххлъула, херлъун вугин абизе.

Ххадув ракIалълъ тIамула, тIасса лIугьинавизе.

Сонги цо берцинай яс ялагьана дихъ гьимун.

Гьелълъ рекIелI лъурал хьулал, хьихьун вуго гьанжеги.

Херлъуге, дир кьерилал, кьин жеги тIаде щвечIин.

ТIегь бечIараб гIурдаде, ГIазу жеги бан гьечIин.

КечI хъвана Давудилазул ХIабибицца