ХАРАЧIИССА РЕКЪАВ РАЖБАДИН خاراڃێصا رېقاو راجبادێن

٢٠١٥ سۈناڷۇل رېڨارۇڶ مۈڞاڷۇل ٥ قۈ،  الحاد قۈ - هاطان  قۈ

خاراڃێصا رېقاو راجبادێن

ڬۈدێگانێر رۇگۇن،  ڞۈراڷۇل بێښۇن،

ڞۈرۈرې ۺوېڃۈڬۈ،  داولاڬێ بێڨۇن،

ڃالعۇن رۇڬۈ دێدا هال عۈلۈڅابێ،

رێخۇن رۇڬۈ دێدا رۈسدال باحارزال.

گالڝۇڛا ڛۇڸارال باعارال چۇيال،

ڞۈرالدې بالاهۇن،  حێحێلېل رۇڬۈ.

ازناوۇرزابادا رۇهۇنال خۇلچبێ،

ڸالێنێرڬۈ خۇطۇن،  فاشمانڬۈ رۇڬۈ.

راڅا،  عۈلۈڅابێ،  دۈرې غۈلۈدې،

څاحێلاب الازان باعار هابێزې.

قاڃاي،  هۇدۇلزابێ،  ناڅا ڞۈرالدې،

كافۇراب ڬۇرجێستان بێدا بېڸێنې،

ڞۈراڷۇل مۇسۇدۇل عارښۇڅ خێسێزې.

څوان كاغات انێلا دۈب ناڅباگالدې،

رۇزمانالدا ناڅا راڅايێن ابۇن.

چێ وێطۇن انێلا غۈوې ڮێندادې،

ڞاراب بۈلجالالدا كامۇڬېيێلان.

جال ڷێگال باحارزال دۈل ناڅباگاصا،

څات ڨابۇن،  ڨۈلۈنا بێدايال چۇيال.

رېگېڶ چاران بۇڬېل غۈل ڮێندالاڛا،

چېرڬېساب لۈڬۈدا ياراغ بۈرچانا.

ماجڬێتالدا ڛېبې قۈطێڬێ هابۇن،

قېبېڸۇڅې ڶۇهۇن،  ڬۇلابێڬێ طۇن،

طاد صالاوات څواراب مێصرێڬێ بۈرچۇن،

رۈڛ څاحێلاب څێرێم څاتێڨېڬێ قان،

يا كافۇرڸێ غۇرۇن،  يا غارا طۇبان،

ښۈياب هابێڃۈڬۈ وۇصێنارێلان،

راجبادێن قۈقانا ناڅا ڞۈرالدې.

بێسمێلاڬێ ابۇن،  چۈدې واځێندال،

حۇرۇلعێنزاباڛا حېطېڄېل ڭۇراو،

صالاواتڬێ بێطۇن،  چۈدا ڞال بادال،

صوېرۇڅېل رۈسابێ خادۇر راڅاراو.

ڨېيڬێ دۇيې تالێح،  رېقاو باهادۇر،

الازانڬێ قۈطۇن،  قاربێڬێ باځۇن،

كۈراڷۇل راعالدې جال ۺواراب مېخاڷ،

ښۈ هارێ هابۇنا راجبادێنێڛا.

اواراڬزابازۇل زامانايالدا

زێرارێـيې عاداب تالێح ڨېڬێيان.

بېڿۇن جا هېقۈلېل جال كافۇرزابێ

ڬۇلێي څوان راتاڬێ،  يا راسۇلالاه.

بۈڸۈنێل هان كۇنېل حامۇل ڬۇرجێيال،

خوالچاي ناسێبڸاڬێ،  قۇدراتاو الاه.

نێجېر كوېر ۺواراڷۇب ماعۇ باڅانا،

نێجېر حېط ڄارارڷۇب ڝا طێبێطانا.

كوېر - بېر بېرصێن بێڮۇن،  ياسال راچانا،

ڨېر - مۇڅ باڞاد بێڮۇن،  واسال كوېڭانا.

تۇلفێسێب ناڅا غۇزڅۇلڬێ غۇرۇن،

ڞۈرالدې ڞار اراي ئېزۇل مېسېدۇ،

ڞۈر باڨۇڶې گانڝۇن،  ئېيڬێ ياچانا.

كامێلاب داولاڬۇن جال راڃێناڬۈ،

باعاراب ڬۈحڬێ تۇن،  شێراكڬێ قۈطۇن،

الازان راعالدې ۺۈلا رۇگاڬۈ،

الاه،  مۇن بۇحاياب نۇځ ڭۇن باتانا.

نۇځ ڭۇمۇ راتانا حامۇل ڬۇرجێيال،

ڛېرې - ڛېرې رۇڬۈ ازناوۇرزابێ.

هېرېگلێ خاناصۇل بايراڅ بێڮۇلا،

بايراڅ صوېرۇن رۇڬۈ تۇشڬۇمۈ مۇسۇگ.

نێجېيې نۇځ بێڿاي،  حامۇل ڬۇرجێيال،

نێج ئېبېل - ئێنصۇيې ښۈ - ښۈيێن رۇڬېل.

رێلا نۇج ڛېرېصا،  ازناوۇرزابێ،

راچارال ڷۇدبۇزې نێج خێرێيالێن.

نۇج ئېبېل - ئێنصۇيې ښۈڬۈ راتانێ،

خوالچاڛاڬێ قۈطۇن،  گێ - گێ هارێلا.

راچارال ڷۇدبۇزې خێرێيالڸێدال،

لۇڬبێ هانێر تېلا،  بۇطرۇل رێطێلا.

احدېزې ڶۇهانا ماڞ ڸالېو څازاڅ:

نۇج،  ښۈداهال چاعێ،  ۺێب باگالداصا،

قۈقادۇل ڛېوېڅان ۺێب مۇڅالداصا؟

نێج ښۈداهال چاعێ ڮێندڬۇن ناڅباگال،

قۈقادۇل ڛېوېڅان رېقاو راجبادێن.

راڨۇڶې ڶۇهێنې نۇج عۇنڴال ڬۇرێن،

هانجې كێر ڶۇهێنېل نۇج،  ماعارۇلال؟

زۈدێڅې رۈرجێنې حانڄالڬێ ڬۇرێن،

هانجې كێو وۈرڃێلېو بۈدۇل ڛېوېڅان؟

راڨۇڶې ڶۇهێنې عۇنڴال ڬۇرېلداي

ڨابۇن چۇچۇلارېل چاران خوالچابێ؟

زۈدێڅې رۈرجێنې حانڄال ڬۇرېلداي،

رېڄۇن عۇج تۈلارېل دۇرۇسال څێرمال؟

داهاو ڛېوېعان قاي،  ڃواياو هېرېگلێ،

ڃالعادې ڬۇلێل حال ڸازې بۈڨانێ.

چانڬێ قۈ حېڮاراب راجبادێنێڛا،

جاقاڬێ حېڮېلېب،  بێچاص بێڿانێ.

هارێ هابۇنێڬێ نێڶ رێڿالارۈ،

طاغرال راڅانێڬێ،  طۈرێطێلارۈ،

جاقايێن مۇن ڸالېو،  ڷێياو باحارچێ،

جاقا ځواراصۇلنێ ڞار ځوېلارێبێن.

ها،  ها،  عۈلۈڅابێ،  جېيا،  باحارزال،

خۇنجرۇڛا عۇرۇ صۇن،  صانڬارالڬێ قاي،

صانڬارال عېڃېڷۇب څوېڅۇن چۇيال راي،

واقۇن حال بېرهاراص چۈل هانڬێ كواناي،

قېچۈن حال بېرهاراص چۈل بێڬێ هېقېي،

رۇغنال حال بېرهاراو صۈنڬرۈيېڬێ ڸې،

غۈرڨ بۇرتابێ طامې،  طادې خېرڬێ باي،

عېمېرڬێ ڨواهۇڬې،  ئێشان ڭۇن رېڄې.

جاقا چۇچاراصدا چۇرۇن گاز بايڬێ،

چۇچۇن ڨابۇراصۇل يۈڨۇلېي ځوايڬێ.

ڨواهې،  عۈلۈڅابێ،  خالاتال څێرمال،

څێرمازۇل گالادا ڴۇي بېتێزېعان.

ڨابې،  هۇدۇلزابێ،  چاران خوالچابێ،

خوالچابێڬێ رېكۇن،  عۈرڨ خۇطێزېعان.

ڨواه - ڨواهاراڷۇل رېڄێڬێ ڸايدال،

ڨابۇ - ڨابۇراڷۇل ڨابێ بێڮێدال،

احدېزې ڶۇهانا حاما هېرېگلێ:

واڃايا،  راجبادێن،  رېقېل هابێزێن،

عاراښ بۈڨانانێ،  صاحێڛا ڨېلا،

مېسېد بۈڨانانێ،  څاتێڛا ڨېلا،

ياسال رۈڨانانێ،  مۇسۇدۇل ڨېلا،

واسال رۈڨانانێ،  نۇښابێ ڨېلا.

دۇڛا دێـيې ڨۈلېب عاراښڬۇن مېسېد 

ځوېدال دێـيې ڨۈلېب فێرداوۇس الجان.

دۇڛا دێـيې ڨۈلېل ياسالڬۇن واسال 

ځوېدال دێـيې ڨۈلېل حۇرۇلعێنزابێ.

نۇجېرڬێ نێجېرڬێ ښۈښازۇل رېقېل 

ښۈښادا ڨابۇلېل خالاتال خۇلچبێ.

ئۇمۇمۇڶ باتاراب ښۈښاڷ هۇئێنڸێ 

ښۈښاې ځێسۇلېل طۇڮێدۇل ڬۇلبێ.

ا مۇن،  هێطێناو واڛ،  دۈوې غۈلۈدې،

هێقارێيان ابې،  سالامان ابې.

صوېرۇن څۇزڅۇڛا ڭۇن نێج تانێن بێښې،

مېتېر قادێيالدې طادې ۺوايـێلان،

قادێ ناڅېيالدې كامۇڬېيێلان.

ڬۇلا - خېر طاعانێن،  خۇلچبێ رېكانێن،

حال هابۇلا بۇڬێن هۇدۇلزابازدا.

هېرېگلێ خاناصۇل بايراڅ بێڮێدال،

كۇرڨبێ داندې قاراب قوېگاب ڞۇم عادێن،

غۈرڶې وێلۇن انا گاطێڅا شاعبان.

حامۇل ڬۇرجێيازۇل ڬۇرێ بێڮێدال،

عێيال قايابادې باڝال عادێنان،

غۈرڶې رۈرتۇن انا هال غۈلۈدێصېل.

خاسالێڅې طاماځ هۈرۈڛا عادێن،

څامۇنا ڬۇرجێڸێ طاصا عۈدۈبې.

باڞادابڬۈ عارښۇل هېرېگلێل بايراڅ

چۈل مالاڨ مېرڮانا ماعارۇلاڛا.

مۇعرۇدا طۇفۇلېب ناڴـڬۈ جۈ ڬۇرۈ،

ڄانا ڴۇيدۇل فاچا طاد شێراكالدا.

ئێخدادې چواخۇلېب ڞادڬۈ هېرېصێ،

انا بێدۇل ڸارال الازانالدې.

تۇلفێسێبې عۇنطۇن خۇلچبێڬێ ڨابۇن،

څاحێلاب الازان باعارڬێ هابۇن،

ڞۈراڷۇل مۇسۇدۇل عارښۇڅڬێ ځێسۇن،

ناڅرۇصۇن راڃانا هال عۈلۈڅابێ.

هېدێنال هارېڬێ ئېبېلاڷ واسال.

ХАРАЧIИССА РЕКЪАВ РАЖБАДИН

ГодикIанир рукIун, ЦIцIоралълъул бицун,

ЦIцIороре щвечIого, давлаги бикьун,

ЧIалгIун руго дида гьал гIолохъаби,

Риххун руго дида росдал бахIарзал!

КIалцIуцца ццулъарал багIарал чуял,

ЦIцIоралде балагьун, хIихIилел руго.

Азнавурзабада ругьунал ххулчби,

Лъалинирго ххутIун, пашманго руго.

Рахъа, гIолохъаби, доре Гъолоде,

ХъахIилаб Алазан багIар гьабизе.

КъачIай, гьудулзаби, Нахъа ЦIцIоралде,

Капураб Гуржистан бида белъине,

ЦIцIоралълъул мусудул гIарцухъ хисизе.

Хъван кагъат анила доб НахъбакIалде,

Рузманалда нахъа рахъайин абун.

Чи витIун анила гъове Хьиндаде,

ЦIцIараб болжалалда камугейилан.

Жал лълъикIал бахIарзал дол НахъбакIасса,

Хъат кьабун, кьолона бидаял чуял.

РекIелI чаран бугел гъол хьиндалацца,

Чергесаб логода ярагъ борчана.

Мажгиталда ццебе къотIиги гьабун,

Къебелъухъе лъугьун, гуллабиги тIун,

ТIад ссалават хъвараб миссриги борчун,

Роцц хъахIилаб хъирим хъатикьеги къан,

Я капурлъи гъурун, я гъара тIубан,

Цояб гьабичIого вуссинарилан,

Ражбадин къокъана Нахъа ЦIцIоралде.

Бисмилаги абун, чоде вахиндал,

ХIурулгIинзабацца хIетIечIчIел ккурав,

Ссалаватги битIун, чода цIцIал бадал,

Ссверухъел росаби ххадур рахъарав.

Кьейги дуе талихI, Рекъав багьадур,

Алазанги къотIун, Къарбиги бахун,

Коралълъул рагIалде жал щвараб меххалълъ,

Цо гьари гьабуна Ражбадиницца.

Аварагзабазул заманаялда

Зирарие гIадаб талихI кьегиян.

Беччун жа гьекъолел жал капурзаби

Гулий хъван ратаги, я Расулалагь.

Болъонил гьан кунел хIамул гуржиял,

Ххвалчай насиблъаги, къудратав Аллагь.

Нижер квер щваралълъуб магIу бахъана,

Нижер хIетI чIчIарарлъуб цIа тIибитIана.

Квер-бер берцин бихьун, ясал рачана,

Кьер-мухъ бацIцIад бихьун, васал квеккана.

Тулписибги нахъа гъузхъулги гъурун,

ЦIцIоралде цIцIар арай эзул меседу,

ЦIцIор бакьулIе кIанцIун, эйги ячана.

Камилаб давлагун жал рачIинаго,

БагIараб гохIги тун, Ширакги къотIун,

Алазан рагIалде щола рукIаго,

Аллагь, мун бухIаяб нух ккун батана.

Нух ккуму ратана хIамул гуржиял,

Ццере-ццере руго азнавурзаби.

ГьерекIли ханассул байрахъ бихьула,

Байрахъ ссверун руго тушгумо мусукI.

– Нижее нух биччай, хIамул гуржиял,

Ниж эбел-инссуе цо-цойин ругел.

Рила нуж цересса, азнавурзаби,

Рачарал лълъудбузе ниж ххириялин.

– Нуж эбел-инссуе цого ратани,

Ххвалчаццаги къотIун, кIи-кIи гьарила.

Рачарал лълъудбузе ххирияллъидал,

Лугби гьанир тела, бутIрул ритIила.

АхIдезе лIугьана мацIцI лъалев хъазахъ:

– Нуж,  цодагьал чагIи, щиб бакIалдасса,

Къокъадул ццевехъан щиб мухъалдасса?

– Ниж цодагьал чагIи хьиндгун нахъбакIал,

Къокъадул ццевехъан Рекъав Ражбадин.

– РакьулIе лIугьине нуж гIункIкIал гурин,

Гьанже кир лIугьинел нуж, магIарулал?

Зодихъе роржине хIанчIчIалги гурин,

Гьанже кив ворчIилев бодул ццевехъан?

– РакьулIе лIугьине гIункIкIал гурелдай

Кьабун чучуларел чаран ххвалчаби?

Зодихъе роржине хIанчIчIал гурелдай,

РечIчIун гIуж толарел дурусал хъирмал?

Дагьав ццевегIан къай, чIваяв ГьерекIли,

ЧIалгIаде гулил хIал лъазе бокьани.

Чанги къо хIехьараб Ражбадиницца,

Жакъаги хIехьелеб, бичасс биччани.

Гьари гьабуниги нилI риччаларо,

ТIагърал рахъаниги, тIоритIиларо,

Жакъайин мун лъалев, лълъияв бахIарчи,

Жакъа хварассулни цIцIар хвеларибин.

Гьа, гьа, гIолохъаби, жея, бахIарзал,

Ххунжруцца гIуру ссун, ссангаралги къай,

Ссангарал гIечIелълъуб хъвехъун чуял рай,

Вакъун хIал бергьарасс чол гьанги кванай,

Къечон хIал бергьарасс чол биги гьекъей,

Ругънал хIал бергьарав ссонгроеги лъе,

Гъоркь буртаби тIаме, тIаде ххерги бай,

ГIемерги кьвагьуге, ишан ккун речIчIе.

Жакъа чучарассда чурун кIаз байги,

Чучун кьабурассул йокьулей хвайги.

Кьвагье, гIолохъаби, ххалатал хъирмал,

Хъирмазул кIалада кIкIуй бетизегIан.

Кьабе, гьудулзаби, чаран ххвалчаби,

Ххвалчабиги рекун, гIоркь ххутIизегIан.

Кьвагь-кьвагьаралълъул речIчIиги лъайдал,

Кьабу-кьабуралълъул кьаби бихьидал,

АхIдезе лIугьана хIама ГьерекIли:

– ВачIая, Ражбадин, рекъел гьабизин,

ГIарац бокьанани, ссахIицца кьела,

Месед бокьанани, хъатицца кьела,

Ясал рокьанани, мусудул кьела,

Васал рокьанани, нуцаби кьела.

– Дуцца дие кьолеб гIарацгун месед –

Хведал дие кьолеб пирдавус алжан.

Дуцца дие кьолел ясалгун васал –

Хведал дие кьолел хIурулгIинзаби.

Нужерги нижерги цоцазул рекъел –

Цоцада кьабулел ххалатал ххулчби.

УмумулI батараб цоцалълъ гьуинлъи –

Цоцае хисулел тIухьидул гулби.

А мун, гьитIинав вацц, дове Гъолоде,

Гьикъариян абе, саламан абе.

Ссверун хъузхъуцца ккун ниж танин бице,

Метер къадиялде тIаде щвайилан,

Къади нахъеялде камугейилан.

Гула-ххер тIагIанин, ххулчби реканин,

ХIал гьабула бугин гьудулзабазда.

ГьерекIли ханассул байрахъ бихьидал,

Куркьби данде къараб къвекIаб цIцIум гIадин,

ГъорлIе вилун ана КIатIихъа ШагIбан.

ХIамул гуржиязул гури бихьидал,

ГIиял къаябаде бацIал гIадинан,

ГъорлIе рортун ана гьал гъолодиссел.

Хасалихъе тIамах гьороцца гIадин,

Хъамуна гуржилъи тIасса гIодобе.

БацIцIадабго гIарцул ГьерекIлил байрахъ

Чол малакь мерхьана магIарулацца.

МугIруда тIупулеб накIкIго жо гуро,

ЧIчIана кIкIуйдул пача тIад Ширакалда.

Ихдаде чваххулеб цIцIадго гьересси,

Ана бидул лъарал Алазаналде.

Тулписибе гIунтIун ххулчбиги кьабун,

ХъахIилаб Алазан багIарги гьабун,

ЦIцIоралълъул мусудул гIарцухъги хисун,

Нахъруссун рачIана гьал гIолохъаби.

Гьединал гьареги эбелалълъ васал!