ГIандадерил хIор عاندادېرێل حۈر

عاندادېرێل حۈر

څاحێلاب زۈب قۈطۇن څاحال ناڴاڛا

څامۇن ئۇنېب بۇڬۈ مۈڞ ڞۈرالدېخۇن.

غۈبا غاغاڶ رۈسۇڶ سۈنڬرۈ - خانسۇدا

ځېراب هوې مۈڞرۈدې حافدۈلېب بۇڬۈ.

چۈدۇل طێقوابازۇل طوارقێ ڬۇرۈنێ،

طۈگاب ساس - ماح هېڃۈ دێر قۈقانۇځالدا؛

ڨێجۇن رۇڬۈ طۇهدۇل،  طېرېنال بۈخدۇل

خارێل يۇرغاناڷۇڶ راخچۇن رۇڬۈ هېز.

ښێنطاڬۈ رێڴادا ڨۇرۇل عۇس طۇنا،

طۇرۇن ئۇنېل هارچاز مێځێر باچانا؛

دێدا ښۈ لاحزاتاڷ راگالدې ڭانا

رېقاو راجبادێنڬۇن داندڃوالېو وۇڬێن.

دێر چۇ ئۇنېب بۇڬۈ ئۇرڬۇ - تاختاعان

تاماځاب،  عۇرڿێناب عۇردال سۇڅماڅ ڃوان.

عۈدۈبې بێڿاراب جانێبڸێيالدا

ڸۇن بۇڬۈ ماطۇڸۇن عاندادېرێل حۈر.

كوېراب راعالڸۇدې راعادڬێ رېخۇن،

رۇڬۈ هالدې قۇلۇن قامارطال طۈهال.

راعالڸالابازدا عێصێناب قامۇش

هاب حۈرال بېرازۇل سێمسالێن ڭۈلا.

دێدا ڭۈلا هاب حۈر ڸارازۇل ڬۇرێن،

مۇعرۇل رۇڿابازۇل ماعێل باتێلێن،

عاسراباز زۈدێصان چافۇلېب باقاڷ

هاب ڷېڶا ڞامحالڸێ باڅۇن ئۇن بۇڬێن.

رێڴاد ڬۇرجێياڷې،  ياڬێ ڞۈرالدې

ڞۈرۈراب رێهنادې ڨۇن اراي ياساڷ،

ئېبېل،  ڬۇرحا مۇنان ئۇهاراب حۇڮېل

ڞادڸۇن چواخۇن بۇڬێن هاب جانێبڸۇدې.

هېدێن باتێڃۈنێ،  زۈنۈدا خاتعان

ئۇزدانال ڬاربازۇل مۇعرۇزۇل عۇنصبێ،

عۇڮبێ حايرانڸۇلېب هێۺطۇل باقنالڬێن

رۈهالێڶ ۺێبێزې حۈرطې راڃۇنېل؟

هېدێن باتێڃۈنێ،  ڨېر طۇراب هۇمېر

هانێب ۺاي چۇرۇلېب ساردێڶ مۈڞرۈڛا؟

سۈردۈ باشاڸێدال زۈدێصا ڶۇتۇن،

ڞوابێ ۺاي رېۺطۇنېل هاب غوارێڸۇدا؟

كاوكاز،  دۇر فێكرۇدال غوارێڸێياڷۇل،

دۈل قوارێڸابازۇل عالاماتداي هاب،

مۇعرۇزۇل ئۇلكاياڷ څاتێنێبڬێ ڸۇن،

هاب بۈرخاڸێيالدې باځێنابۇراب؟

هانێبښێن ڬۇرۈداي رۇستاوېلێدا

تێرێستان داندڃواراو،  وا ڝێرق بێڮاراب؟

ڞۇماڷۇل كوارڨێدال مێڶێرڬێ قۈطۇن،

قالام هانێبښێنداي هېص بېعېراراب؟

ڬۇرېب باتانانێ،  ۺايخا رۈهالێڶ

راعالدې ڬۈچۇنېل كاراچالاباز،

دۈصۇل ئۇهدێ،  فێكرۇ،  فانايال مۇڅال

مۇعرۇزدې،  غۇلدۇزدې تاكرار هارۇلېل؟

طێندې طېرڮۇن انا مۈڞڬێ ڞوابێڬێ،

ڞارۇڞۇن ڬاربالڬۇن عۇنصبێ رېۺطانا.

دێر چۈڛا،  گێيابڬۈ ناكۇڬێ سۇگۇن،

صۇرمێياب حۈرێل ڷېڶا گۇطبێ ڿۇن رۇڬۈ.

كاوكاز،  بالاهې مۇن دێر داغێستاناڷ

ئۈغۈڅاتێنێب ڸۇن زۈدۈي بۈرخاراب،

دۇر فێكرۇياڷۇلڬێ ڃۇحێياڷۇلڬێ

ڃاڬۈياب ماطۇداڅ. باق ۺۈلېب بۇڬۈ.

ГIАНДАДЕРИЛ ХIОР

ХъахIилаб зоб къотIун хъахIал накIкIацца

Хъамун унеб буго моцIцI ЦIцIоралдеххун.

Гъоба ГъагъалI росулI Сонгро-Хансуда

Хераб гьве моцIцIроде хIапдолеб буго.

Чодул тIикъвабазул тIваркъи гурони,

Т1IокIаб сас-махI гьечIо дир сухъмахъалда;

Кьижун руго тIугьдул, тIеренал боххдул

Ххарил юргъаналълъулI раххчун руго гьез.

ЦинтIаго рикIкIада кьурул гIус тIуна,

ТIурун унел гьарчаз михир бачана;

Дида цо лахIзаталълъ ракIалде ккана

Рекъав Ражбадингун дандчIвалев вугин.

Дир чу унеб буго ургу-таххтагIан

Тамахаб, гIурччинаб гIурдал сухъмахъ чIван.

ГIодобе биччараб жаниблъиялда

Лъун буго матIулъун ГIандадерил хIор.

Квераб рагIаллъуде рагIадги реххун,

Руго гьалде къулун къамартIал тIогьал.

РагIаллъалабазда гIиссинаб къамуш

Гьаб хIорал беразул симсалин ккола.

Дида ккола гьаб хIор лъаразул гурин,

МугIрул руччабазул магIил батилин,

ГIассрабаз зодиссан чапулеб бакъалълъ

Гьаб лълъелIа цIцIамхIаллъи бахъун ун бугин.

РикIкIад Гуржиялълъе, яги ЦIцIоралде

ЦIцIорораб ригьнаде кьун арай ясалълъ,

Эбел, гурхIа мунан угьараб хIухьел

ЦIцIадлъун чваххун бугин гьаб жаниблъуде.

Гьедин батичIони, зонода ххатгIан

Узданал гарбазул мугIрузул гIунссби,

ГIухьби хIайранлъулеб гьищтIул бакъналгин

РогьалилI щибизе хIортIе рачIунел?

Гьедин батичIони, кьер тIураб гьумер

Гьаниб щай чурулеб сардилI моцIцIроцца?

Сордо бащалъидал зодисса лIутун,

ЦIцIваби щай рещтIунел гьаб гъварилъуда?

Кавказ! Дур пикрудал гъварилъиялълъул,

Дол къварилъабазул гIаламатдай гьаб,

МугIрузул улкаялълъ хъатинибги лъун,

Гьаб борххалъиялде бахинабураб?

Гьанибцин гуродай Руставелида

Тиристан дандчIварав, ва цIиркъ бихьараб?

ЦIцIумалълъул кваркьидал милъирги къотIун,

Къалам гьанибциндай гьесс бегIерараб?

Гуреб батанани, щайхха рогьалилI

РагIалде гочунел карачалабаз,

Доссул угьди, пикру, панаял мухъал

МугIрузде, гъулдузде такрар гьарулел?

...ТIинде тIерхьун ана моцIцIги цIцIвабиги,

ЦIцIаруцIцIун гарбалгун гIунссби рещтIана.

Дир чоцца, кIиябго накуги сукIун,

Ссурмияб хIорил лълъелI кIутIби ччун руго.

Кавказ! Балагье мун дир Дагъистаналълъ

Огъохъатиниб лъун зодой борххараб,

Дур пикруялълъулги чIухIиялълъулги

ЧIагояб матIудахъ!...Бакъ щолеб буго!

ГIумархIажи Шагьтаманилазул