Цолъе магIарулал ښۈڸې ماعارۇلال

٢٠١٥ سۈناڷۇل رېڨارۇڶ مۈڞاڷۇل ٢٨ قۈ،  هۈرڨۈ قۈ،  خامێز قۈ

ښۈڸې ماعارۇلال

غۇنكارال،  ښۈڸارال مۇعرۇزدا عۇرال

ماعارۇلال ۺاي نێڶ رێڨ - رێڨۇن رۇڬېل؟

ڨۈلبۈل گۈدۈڸێدۇل بێښۇن عۈلېبێۺ،

عادانڸێياڷ تاراب تاخێداڬێ ڄۇن.

دۇن مێلاتچێ ڬۇرۈ،  مێلات هېڃۈڬۈ

دێرڬۈ مێلات تۈلېو مێلاتهېڃ ڬۇرۈ.

اما ماعارۇلال،  مۇعرۇزۇل مێسال

بۈسێزې كواطانێ كێرې نێڶ ڭېلېل؟

جاقا ۺاي نێڶېڛا قادرۇيالداصا

قۈلدېن څانطێياڷې باڅێزې ڨۇراب؟

ڨوارێڬێ،  ئێياحڬێ،  باحارچێڸێڬێ

باحرێياز نۈڅۈدا قۈطێزې تاراب؟

هېل څۇلۇڅازدېڬێ،  څالاباڅېڬێ

څۇرۺێزې ۺاي ڭۈلېل نێڶ ناكابازدا؟

ناكۇ ڷێيڬۈ ڃواڃېب ئۇمۇمۇزۇل ڞار

ڞۈهازۇل كاوۇداڅ كێن ئېخېتاراب؟

نێڶ رێقۇلېل رۇڬۈ رێڨ - رێڨۇن رۇگۇن،

رېڅاڶان راچۇنېل چاڅابێ عادێن.

ښۈڸێزې گوېڃۈڬۈ نێڶ ڃوالېل رۇڬۈ،

ڄېعېر بان ڮوادێزې عاڬارڸێڬێ تۇن.

نێڶېڛاڬۈ نێڶـڬۈ رۇڬۈ كاكۇلېل

كېفكال ښۈيڬێزۇڅا رۈسێزې عۈلۈ.

عۇمرۇ ڷێگڸارابڬۈ،  رېس رېقارابڬۈ،

رۈسابێ مۇعرۇزدا رۇڬۈ گۈچۈن تۇن.

مێسكێنڸۇلېل رۇڬۈ،  بېچېڸاناعان،

بېچېدال عاداتال عۈدۈر تارالڬۈ.

عېمېرڸاناعان نێڶ داهڸۇلېل رۇڬۈ،

داندېڸێزې رېسال راتۇلارۈڬۈ.

نێڶ ښۈڸێزې ڭۈلا،  ښۈيڬێداڛاڬێ،

نێڶېداصا مێسال بۈسېيان ابې.

نێڶ رېقېزې ڭۈلا،  رېقېلڬۇن واڛڸێ،

دائێمڸێزې ڭانێ داغێستانالدا.

كېڃ څوانا داوۇدێلازۇل حابێبێڛا

2015 соналълъул рекьарулI моцIцIалълъул 28 къо, гьоркьо къо, ххамиз къо

Цолъе магIарулал

Гъункарал, цолъарал мугIрузда гIурал

МагIарулал щай нилI рикь- рикьун ругел?

Кьолбол кIодолъидул бицун гIолебищ,

ГIаданлъиялълъ тараб таххидаги чIчIун.

Дун милатчи гуро, милат гьечIого

Дирго милат толев милатгьечI гуро.

Ама магIарулал, мугIрузул мисал

Босизе кватIани кире нилI ккелел?

Жакъа щай нилIецца къадруялдасса

Къолден хъантIиялълъе бахъизе кьураб?

Кьвариги, ияхIги, бахIарчилъиги

БахIрияз нохъода къотIизе тараб?

Гьел хъулухъаздеги, хъалабахъеги

Хъурщизе щай кколел нилI накабазда?

Наку лълъийго чIвачIеб умумузул цIцIар

ЦIцIогьазул кавудахъ кин эххетараб?

НилI рикъулел руго рикь - рикьун рукIун,

РехъалIан рачунел чахъаби гIадин.

Цолъизе кIвечIого нилI чIвалел руго,

ЧIчIегIер бан хьвадизе гIагарлъиги тун.

НилIеццаго нилIго руго какулел

Кепкал цойгизухъа росизе гIоло.

ГIумру лълъикIлъарабго, рес рекъарабго,

Росаби мугIрузда руго кIочон тун.

Мискинлъулел руго, бечелъанагIан,

Бечедал гIадатал гIодор таралго.

ГIемерлъанагIан нилI дагьлъулел руго,

Данделъизе ресал ратуларого.

НилI цолъизе ккола, цойгидаццаги,

НилIедасса мисал босеян абе.

НилI рекъезе ккола, рекъелгун ваццлъи,

Даимлъизе ккани Дагъистаналда.

КечI хъвана Давудилазул ХIабибицца