МагIарул чIчIужугIадан ماعارۇل ڄۇجۇعادان

ماعارۇل ڄۇجۇعادان.

راغۇڛا كوېغارال دێر ئۇمۇمۇزۇل

الجانالدا جانێب رېۺطېن باتاڬێ،

راقۇڛا ئۇنتارال رۇڿابێ - ڸێمال

ڷێگاب اخێرات ڨۇن رۈخۇن راتاڬێ.

ا ما مۇن قۇرڨێڃۈ،  دێر ماعارۇلاي،

ماعۇڬێ عېطڬێ دۇر ښاداڅ چواخانا،

چۇچێڃۈ قوارێداب زاماناياڷې

قان راچېلڬۇن ڭۇنا بێڮێنازۇل باگ.

باڅاراب احۇڶـڬێ احاراب بۈڶـڬێ

بېعېراب خېچ عاداي ماعارۇل ڄۇجۇ،

عۇمرۇڬێ تالێحڬێ هارۇلا دێڛا

دۇيېڬێ دۇر طۈلڬۈ ناسلابازېڬێ.

واطانالدې طادې قۈ ڭاراب مېخاڷ

دۇڛا قاراب راچېل ناڅې خۇطانا،

ا ما هېب بۈرچێنې طۈگاب ڭۈڬېڬێ

راغۇل بالاهالدې نێج راچۇنڬېڬێ.

رۈڞاراب زۈدۈبې نا ڴال ڸۈڬېڬێ،

ڞاد بازې ڬۇرۈنێ غۇغادۇڬېڬێ،

ئێڃئابێلېب ماياڷ فاراد ڬۇرۈنێ

ياراغ حاجاڸۇلېب قۈ باڃۇنڬېڬێ.

عايشات نۇرمۇحامادێلازۇل،  ئێنخۈ رۈسۇ.

МагIарул чIчIужугIадан.

Рагъуцца квегъарал дир умумузул

Алжаналда жаниб рещтIен батаги,

Ракъуцца унтарал руччаби - лъимал

ЛълъикIаб аххират кьун роххун ратаги.

Ама мун къуркьичIо, дир магIарулай,

МагIуги гIетIги дур цадахъ чваххана,

ЧучичIо къваридаб заманаялълъе

Къан рачелгун ккуна бихьиназул бакI.

Бахъараб ахIулIги ахIараб болIги

БегIераб ххеч гIадай магIарул чIчIужу,

ГIумруги талихIги гьарула дицца

Дуеги дур тIолго наслабазеги.

ВатIаналде тIаде къо ккараб меххалълъ

Дуцца къараб рачел нахъе ххутIана,

Ама гьеб борчине тIокIаб ккогеги

Рагъул балагьалде ниж рачунгеги.

РоцIцIараб зодобе накIкIал лъогеги,

ЦIцIад базе гурони гъугъадугеги,

ИчIабилеб маялълъ парад гурони

Ярагъ хIажалъулеб къо бачIунгеги!

ГIайшат НурмухIамадилазул, Инххо росу.