Сарат МухIумалазул - Рамазан моцIцI

راگ بێئۇن ئۇنېب بۇڬۈ، 

كوېر سۈرۈدۇلېب بۇڬۈ،

بادێب ماعۇ ڭۇن بۇڬۈ

رۇزناماڬێ ڛېبې ڸۇن.

هاب مۈڞ رامازان بۇڬۈ،

بېكېرۇن ئۇنېب بۇڬۈ،

جاقا بېڬێزې بۇڬۈ

قۈلۈ مێڨئابێلېب قۈ.

قۇرئان ماعێدا بۇڬۈ،

ڃۇمال غاجالدا رۇڬۈ،

طاعات انێۺاڷ بۇڬۈ،

ڶۇهاراب جۈڬۈ هېڃۈ.

ماصلاحات بۈطرۈڶ بۇڬۈ،

زێكرۇ خێيالاڷ بۇڬۈ،

زێيارات گۈچۈن بۇڬۈ،

بێڮارابێۺ دێر تۈخڸێ.

ماڨۇ خێراڸۇن بۇڬۈ،

خابار هۇئێنڸۇن بۇڬۈ،

ځوېل رێڴادېعان بۇڬۈ

عاقلۇيێۺ دێدا هېڃېب؟

عاقلۇ ڨۈلېو چێ وۇڬۈ،

عېلمۇ ڨۈلېب باگ بۇڬۈ،

عۇندۇل راعۇلېل رۇڬۈ،

بۈسێزې ڸالېب هېڃۈ.

عۇمرۇ خالاڸۇن بۇڬۈ،

ځوارال عېمېرڸۇن رۇڬۈ،

ئێرڬا دێدې ۺۇن بۇڬۈ،

قواگێڬۈ ۺێب دێر رېگېل؟

رامازان نێعمات بۇڬۈ،

عێبادات هۈڞۈ بۇڬۈ،

بۈسێزې ڸالېب هېڃۈ،

ڸايدال كواطۇن بۇگێنا.

خێرێيال ساردال رۇڬۈ،

رۈرڃێزې ڷێگاب بۇڬۈ،

هۇنارڬۈ عۈلېب هېڃۈ،

عۈدێلا ځاباڶې دۇن.

راخصێدا ئێبلێس بۇڬۈ،

ئېركېنڸۇدا نافس بۇڬۈ،

مۈڞڬێ ڶۇعۇلېب بۇڬۈ،

حاصێل ۺێبداي دێر ڭېلا؟

سارات مۇحۇمالازۇل

РакI биун унеб буго,

Квер сородулеб буго,

Бадиб магIу ккун буго

Рузнамаги ццебе лъун.

Гьаб моцIцI Рамазан буго,

Бекерун унеб буго,

Жакъа бегизе буго

Къоло микьабилеб къо.

Къуръан магIида буго,

ЧIумал гъажалда руго,

ТIагIат анищалълъ буго,

ЛIугьараб жого гьечIо.

МасслахIат ботIролI буго,

Зикру ххиялалълъ буго,

Зиярат кIочон буго,

Бихьарабищ дир тоххлъи!

Макьу ххиралъун буго,

Ххабар гьуинлъун буго,

Хвел рикIкIадегIан буго

ГIакълуйищ дида гьечIеб?

ГIакълу кьолев чи вуго,

ГIелму кьолеб бакI буго,

ГIундул рагIулел руго,

Босизе лъалеб гьечIо.

ГIумру ххалалъун буго,

Хварал гIемерлъун руго,

Ирга диде щун буго,

КъвакIиго щиб дир рекIел?

Рамазан нигIмат буго,

ГIибадат гьоцIцIо буго,

Босизе лъалеб гьечIо,

Лъайдал кватIун букIина.

Ххириял сардал руго,

РорчIизе лълъикIаб буго,

Гьунарго гIолеб гьечIо,

ГIодила хабалIе дун!

Раххссида иблис буго,

Эркенлъуда напс буго,

МоцIцIги лIугIулеб буго,

ХIассил шибдай дир ккела?

Сарат МухIумалазул