МагIарул мацIцI ماعارۇل ماڞ

ماعارۇل ماڞ

رێڴادال سافارازدا راگ غۈلارېب مېخالدا

مېخ - مېخاڷ دۇن دێداڬۈ گاڸالا ماعارۇلاڷ.

رېگېل رۇغنال ڸێڸۇلا ئۇرغېلال طاصا ئۇنا،

طادماعارۇڅ بێجاراب ماعارۇل ماڞ راعێدال.

بۈلماڞێلان ڞار تاراب ڞوابزاڅې بێښېن ۺواراب،

بێښاناعان عاشێقاب عاڬاراب دێر راڮدال ماڞ.

دێر ماعارۇل خالقاڷۇل قێسمات جانێب باچاراب،

گێقۈيالدا انڶـڬۈ حارف، الاهاص ڨۇراب نێعمات.

عېلمۇيالدا قوال باراب عاقلۇدال قۇلعا عۇراب، 

هېقۈن قېچ بۇصۇنارېب قێمات طۈگاب ئێڛۇل ڷێم.

هاڞۇل بۇڬۈ ۺێباب حارف، ڞارۇڶ بۇڬۈ ښۈ رۈرجېن،

جاوهار ياقۇتێن ڭۈلا قێمات طۈگال راعابێ.

دۇر راعاباڶ بېصاراب ماعارۇلاصۇل عامال، 

دۇر راهۇقال هارڨاڛا دێيې راهاراب دۇنيال.

عۇراب راڨاڷۇل رۈڨێ راڨا بېكۇلېل حارفال،

نۇج هېڃۈڬۈ هېڃۈ دێـي ڃاڬۈڸـێڬێ عۇمرۇڬێ.

ئېبېلالدا ځاځاراب راڮالدا ڞار خۇرخاراب،

راڮدال ماڞعان خێرێياب خازێنا ښۈيڬێ هېڃۈ.

جاقا ماڞ گۈچۈن تانێ مېتېر ڞار گۈچۈن تۈلێن، 

ڝۇنې،  ڝۇنې ناسلابێ، ڞار راعاراب اوار ماڞ.

حامزالازۇل مۇحاماد

МагIарул мацIцI

РикIкIадал сапаразда

РакI гъолареб меххалда

Мехх-меххалълъ дун дидаго

КIалъала магIарулалълъ.

РекIел ругънал лъилъула

Ургъелал тIасса уна,

ТIадмагIарухъ бижараб

МагIарул мацIцI рагIидал.

БолмацIцIилан цIцIар тараб

ЦIцIвабзахъе бицен щвараб,

БицанагIан гIащикъаб

ГIагараб дир рахьдал мацIцI.

Дир магIарул ххалкъалълъул

Къисмат жаниб бачараб,

КIикъоялда анлIго хIарп,

Аллагьасс кьураб нигIмат.

ГIелмуялда къвал бараб

ГIакълудал къулгIа гIураб,

Гьекъон къеч буссунареб

Къимат тIокIаб иццул лълъим.

ГьацIцIул буго щибаб хIарп,

ЦIцIарулI буго цо роржен,

Жавгьар якъутин ккола

Къимат тIокIал рагIаби.

Дур рагIабалI бессараб

МагIарулассул гIамал,

Дур рагьукъал гьаркьацца

Дие рагьараб дунял.

ГIураб ракьалълъул рокьи

Ракьа бекулел хIарпал,

Нуж гьечIого гьечIо дий

ЧIаголъиги гIумруги.

Эбелалда хахараб

Рахьалда цIцIар ххурххараб,

Рахьдал мацIцIгIан ххирияб

Ххазина цойги гьечIо.

Жакъа мацIцI кIочон тани

Метер цIцIар кIочон толин,

ЦIуне, цIуне наслаби,

ЦIцIар рагIараб авар мацIцI.

МухIамад ХIамзалазул.