Маккаялълъул мугIрузухъ ماڭاياڷۇل مۇعرۇزۇڅ

٢٠١٧ سۈناڷۇل رېڨارۇڶ مۈڞاڷۇل ٢ قۈ،  تالات قۈ - خادۇر قۈ

ماڭاياڷۇل مۇعرۇزۇڅ

ئۇرڅۇن بالاهۇلا دۇن،

دۇنيالاڷۇل خێرێياو

بۈرخاڸۇدې واځارال.

صوېرۇن رۇڬېل ڴالازدې

جاحداښێن باڃۇنا دێر،

اخێراتاڷۇلڬێ خان

غوارێڸۇدې واڭارال.

ۺۇلاڬۈ حېطې ڸېزې

گۈلارۈ راڨالدا طاد،

طاهاياصۇل حاطازۇل

حۇر خۇطۇن باتێلێلان.

حێنقادڬۈ كوېرال څوالا

كێنالنێڬێ ڬانڃازدا،

كامێلاو راسۇلاصۇل

اسار خۇطۇن باتێلێن.

واسازۇل رۇڭېل بێڮۇن

بېراز ماعۇ ڭۈلارۈ،

هادێن وۇگۇن واتێلێن

ڸێمېرڸۇدا مۇحاماد.

هېو هاوۇراب رۇق بێڮۇن

راگ ڨابێزې ڶۇهۇنا،

راڨالدا طاد عېمېراب

عالامات زاهێرڸاراب.

ځېراو ۺێناو چێ دێيې

عابدۇلمۇطالێب وۇڬۈ،

عامال بېرښێنال ۺێنال

خادێجاتێلان ڭۈلا.

بېرښێنال،  عۈلۈڅانال

عائێشاتالڬێ رۇڬۈ،

لۈڬۈڶان قۈقال ۺێنال

صافێياتالڬێ رۇڬۈ.

باڭۇلېب باق ڬوانغاراب،

طېرڮۇنېب مۈڞ كۇنڃاراب،

ڞوابزازۇل كۇنڃێڬێښێن

كامێلاب ماڭا شاهار.

ڬاماڃ مارمار عادێناب،

سالێ مېسېد عادێناب،

مۇعرۇل عاراښ عادێناب

اواراڬاصۇل واطان.

ۺێباب رابێعۇل اوال

طادې ۺواراب ۺێناڅې

ۺوېلا دێدا راگالدې

دۇنيالاڷۇل باڨۇڶ باگ.

ئېب ڬۇرېبڬێ مۈڞازدا

ڞان ئۇنېب بۇگێنا راگ،

رېگېل تۈختۇر هاوۇراب

هايباتاب ماڭايالدې.

مۇرتازاعالێلازۇل مۇرتازاعالێ

2017  соналълъул рекьарулI моцIцIалълъул 2 къо, талат къо - ххадур къо

Маккаялълъул мугIрузухъ

Урхъун балагьула дун,

Дунялалълъул ххирияв

Борххалъуде вахарал.

Ссверун ругел кIкIалазде

ЖахIдацин бачIуна дир,

Аххираталълъулги Хан

Гъварилъуде ваккарал.

Щулаго хIетIе лъезе

КIоларо ракьалда тIад,

ТIагьаяссул хIатIазул

ХIур ххутIун батилилан.

ХIинкъадго кверал хъвала

Киналниги ганчIазда,

Камилав Расулассул

Асар ххутIун батилин.

Васазул руккел бихьун

Бераз магIу кколаро,

Гьадин вукIун ватилин

Лъимерлъуда МухIамад.

Гьев гьавураб рукъ бихьун

РакI кьабизе лIугьуна,

Ракьалда тIад гIемераб

ГIаламат загьирлъараб.

Херав щинав чи дие

ГIабдулмутIалиб вуго,

ГIамал берцинал щинал

Ххадижатилан ккола.

Берцинал, гIолохъанал

ГIаишаталги руго,

ЛоголIан къокъал щинал

Ссапияталги руго.

Баккулеб бакъ гвангъараб,

ТIерхьунеб моцIцI кунчIараб,

ЦIцIвабзазул кунчIигицин

Камилаб Макка шагьар.

ГамачI мармар гIадинаб,

Сали месед гIадинаб,

МугIрул гIарац гIадинаб

Аварагассул ватIан.

Щибаб РабигIул авал

ТIаде щвараб щинахъе

Щвела дида ракIалде

Дунялалълъул бакьулI бакI.

Эб гуребги моцIцIазда

ЦIцIан унеб букIина ракI,

РекIел тохтур гьавураб

Гьайбатаб Маккаялде.

МуртазагIали МуртазагIалилазул