Къавкъаз قاوقاز

قاوقاز

ئێسلاماڷۇل نۇراڷ چېرخ ڷاداراراب،

ڷێيېڬۈ چۇچێڃېب،  چارمێل هاب قاوقاز.

حۇرێڬات بۈرخاراب،  لاغڸێ رێخاراب،

تارێخاڷۇل نۇعڸێ بېچېداب قاوقاز.

مۇعرۇل رۈرخاڸاباز،  خېخال هال عۈراز،

زۇلمۇچێ تېلارێن احاراب قاوقاز.

ڨۇرۇل سۇڅماڅازدا عاطێڸابازدا،

بېطېر قۇلۇلېو چێ حېڮېڃېب قاوقاز.

حامۺار شاه وێڮاراب،  تێمۇر داند ڃواراب،

عۇرۇس فاچاياصې چۇچێڃېب قاوقاز.

«نێزام كافۇرازۇل» كوېرۺېل چامڞۇلڬۈ،

چارمێل خوالچاداڸۇن ناڅ ڃواراب قاوقاز.

جێندێر راڨالدا طاد ۺێباب ناط – زێراع،

شاهێدزابازۇل بێد بېڸاراب قاوقاز.

قانێڨې ئۇنېڷۇل باهادۇرزاباز،

دێن ڝۇنۇن رۇح ڨېيان احاراب قاوقاز.

ڃاحال ئێمامزاباز غازاواتالدې،

غێرا شاوق بۇڬېزۇل عېل تاراب قاوقاز.

غازێمۇحامادێل،  حامزات،  شامێلێل،

ناجمۇدێنێل قۈيال گۈچېنڃېب قاوقاز.

دۈب ڄېعېر راڸداڅا،  كاسفێي حۈرێدې،

ئێسلاماڷۇل بايراڅ بێغاراب قاوقاز.

قواگۇن ياح ڝۇنارال،  ئێمان شۇلێيال،

خالقاز طېهاراب راڨ،  خۈشڬېلدێ قاوقاز.

١٨ رابێعۇل - اوال ١٤٣٤ سۈن 

هێداڶا حاجێمۇراد دامادالازۇل

Къавкъаз

Исламалълъул нуралълъ черхх лълъадарараб,
Лълъиего чучичIеб, чармил гьаб Къавкъаз.
ХIуригат борххараб, лагълъи риххараб,
Тариххалълъул нугIлъи бечедаб Къавкъаз.

МугIрул рорххалъабаз, ххеххал гьал гIораз,
Зулмучи теларин ахIараб Къавкъаз.
Кьурул сухъмахъазда гIатIилъабазда,
БетIер къулулев чи хIехьечIеб Къавкъаз.

ХIамщар Шагь вихьараб, Тимур данд чIвараб,
ГIурус пачаяссе чучичIеб Къавкъаз.
«Низам капуразул» кверщел чамцIцIулго,
Чармил ххвалчадалъун нахъ чIвараб Къавкъаз.

Жиндир ракьалда тIад щибаб натI – зирагI,
Шагьидзабазул бид белъараб Къавкъаз.
Къаникье унелълъул багьадурзабаз,
Дин цIунун рухI кьеян ахIараб Къавкъаз.

ЧIахIал имамзабаз гъазаваталде,
Гъира щавкъ бугезул гIел тараб Къавкъаз.
Гъази-MухIамадил, ХIамзат, Шамилил,
Нажмудинил къоял кIоченчIеб Къавкъаз.

Доб ЧIчIегIер ралъдахъа, Каспий ХIориде,
Исламалълъул байрахъ бигъараб Къавкъаз.
КъвакIун яхI цIунарал, иман щулиял,
Ххалкъаз тIегьараб ракь, хощгелди Къавкъаз.

18 РабигIул-авал 1434 сон  

ГьидалIа ХIажимурад Дамадалазул