Рагьдухъан баккана беричаб хасел راهدۇڅان باڭانا بېرێچاب ځاسېل

راهدۇڅان باڭانا بېرێچاب خاسېل..

طاهێرات جاواتخانازۇل.

قۈبۇحێڶ طېرڮانا طانځالڬێ رێقۇن،

طۇرێ ۺۇن ڶۇتانا ڸار باڅۇن رێئێ.

ڸۈراڅ راخچۇن عېچال عێصێنال ڷێماڅ

عۈدۈرې رۈرتارال عێڞال غۇطبۇڨان.

زۈدێصان ۺۇۺالېب ۺېنۈن ڞاد بۇڬۈ،

ڞالتۇن بێڿۇن رۈهېل ماعێل ۺۇباڛا.

ۺۈبداصا طېرڮارال رۈئۈل قۈيازۇڅ

خێناب ڞادال طێرێ طێنگۇن عۈدۇلېب....

باڭانا راهداصا بېرێچاب خاسېل،

خێنڸێ باچاڅۇلېب هۇرێڬێ باچۇن.

بارچا بێغانا هېڷ صوېرۇڅ طۈهێلاب.

طاد رېطۇن قاطێفا مېسېدێل ڨېراب.

بۈڨۇلا بېرښێناب،  خاسېل مۇن دێيې

خێرێياب راگاڷې گارچاناب دۇر ڨېر.

ځۇرزاباڅان طۈرۺېل باخچاباڅ نێعمات،

بۈعۇن ښاغۇر ڝۇراب باراكاتاب مېخ.

Рагьдухъан баккана беричаб хасел..

ТIагьират Жаватханазул.

КъобухIилIги тIерхьана тIанхалги рикъун,

ТIури щун лIутана лъар бахъун рии.

Лъорахъ раххчун гIечал гIиссинал лълъимахъ

ГIодоре рортарал гIицIцIал гъутIбукьан.

Зодиссан щущалеб щенон цIцIад буго,

ЦIцIалтун биччун рогьел магIил щубацца.

Щобдасса тIерхьарал роол къоязухъ

Хинаб цIцIадал тIири тIинкIун гIодулеб....

Баккана рагьдасса беричаб хасел,

Хинлъи бачахъулеб гьуриги бачун.

Барча бигъана гьелълъ ссверухъ тIогьилаб.

ТIад ретIун къатIипа меседил кьераб.

Бокьула берцинаб, хасел мун дие

Ххирияб ракIалълъе кIарчанаб дур кьер.

Хурзабахъан тIорщел бахчабахъ нигIмат,

БогIун цагъур цIураб баракатаб мехх.