نېچۈڬې، عۈلۈڅابێ Нечоге, гIолохъаби

نېچۈڬې،  عۈلۈڅابێ...

مێكاعێلێلازۇل مێكاعێل

نېچۈڬې عۈلۈڅابێ ماعۇ بێڿان قۇلێزې،

قادرۇيال ئۇمۇمۇزې دۇعا هابۇن عۈدێزې،

راڅې غۇنێب ماعاردې،  ئێماماصۇل څالادې،

اخێرێصېب غازاوات طۈبێطاراب راڨالدې،

چانڬێ بێښۇنېب بۇڬۈ - ئێمام اسێرڸۇن وۇڬێن،

عۇرۇسازدې راغ بازې اخێرالدا حێنقانێن،

عېنېڭې ڨۇرۇل عۇنڴال،  عێنطامې قواطۇل هابێ،

بێښێنێن داهاب خابار،  عېمېراب نۇجېڅ بۇڬێن:

قادرۇياو ئێماماصۇل وا هېصۇل مۇرێدازۇل

حېطې ڄاراب حۇراڷۇل باها هېڃێن نۇجېدا،

جېڬێ مۇعرۇل رێڮێڃېل،  احۇل ڬۈح كێب ڸالارېل،

راڄالڬێ قان عېنېڭې ڬانڃازۇل ماقانالدا.

هېز نۇجېدا رێښێنا جێدېداصان قواگارال،

مۇعرۇل واسازۇل ڞارال،  غالباڝازۇل تۇخۇمال،

تې ئۇچۇزال خابارال،  چۈرۈك هابۇڬې تارێخ،

بۈرچې ادابڬۇن حۇرمات،  تاوبۇ هابې عادامال.

دۈب اخێرێصېب راغدا،  ئێماماصۇل حۇكمۇياڷ،

داغێستاناڷۇل مێلات قادرۇيالدا خۇطانا،

عۇرۇس فاچالێڅالدا ڄاراب لاغڸێيالداصان،

شاهزاداڬۇن قۈطێ هابۇن ئۇمۇمۇل ځواصارڸانا،

ښۈحۈ هېب مێسال عېلێن،  ياح بۇڬېو ئۇزدېناصې،

هېدێنڸێدال راگ ڄېزې سافار بێطې،  نېچۈڬې،

ازا - ئازار داندېڸۇن بێڄێ ڨې جاهێلازې،

زێياراتال طۈرێطۇن طاد غۇنێب گۈدۈ هابې!

٢٠١١ سۈن

Нечоге, гIолохъаби...

МикагIил МикагIилилазул

Нечоге гIолохъаби магIу биччан къулизе,

Къадруял умумузе дугIа гьабун гIодизе,

Рахъе Гъуниб магIарде, имамассул хъаладе,

Аххириссеб гъазават тIобитIараб ракьалде,

Чанги бицунеб буго - Имам асирлъун вугин,

ГIурусазде рагъ базе аххиралда хIинкъанин,

- ГIенекке кьурул гIункIкIал, гIинтIаме къватIул гьаби,

Бицинин дагьаб ххабар, гIемераб нужехъ бугин:

Къадруяв Имамассул ва гьессул муридазул

ХIетIе чIчIараб хIуралълъул багьа гьечIин нужеда,

Жеги мугIрул рихьичIел, АхIул гохI киб лъаларел,

РачIчIалги къан гIенекке ганчIазул макъаналда.

Гьез нужеда рицина жидедассан къвакIарал,

МугIрул васазул цIцIарал, гъалбацIазул туххумал,

Те учузал ххабарал, чорок гьабуге тарихх,

Борче адабгун хIурмат, тавбу гьабе гIадамал.

Доб аххириссеб рагъда, имамассул хIукмуялълъ,

Дагъистаналълъул милат къадруялда ххутIана,

ГIурус пачалихъалда чIчIараб лагълъиялдассан,

Шагьзадагун къотIи гьабун умумул хвассарлъана,

ЦохIо гьеб мисал гIелин, яхI бугев узденассе,

Гьединлъидал ракI чIчIезе сапар битIе, нечоге,

Аза-азар данделъун бичIчIи кье жагьилазе,

Зияратал тIоритIун ТIад Гъуниб кIодо гьабе!

2011 сон