راغۇل بۇران بۇڬۈ دۈبا صوېرۇلېب...
بێدۇل راڸداڶ غانقۇن خۈلېب خالقالدا.
راڃا هۇدۇلزابێ زێڬارا بازې...
زۇلمۇياڷۇل عۈراڷ څامۇن ئۇنېزۇڅ.
راڃا دۇنڬۇن ښاداڅ داهاڷ ئۇهدێزې
ڞۈب رېۺطۇنېب مۈڞڬێ حالاي ڄېزابۇن
راحماناصدا راڃا حېلۇن هارێزې.
هاب شاماڷۇل اهلۇ خواصار هابېيان
ځوالێل ڨۈعڸێ حالاب طۇفانالداصا.
راغۇل بۇران بۇڬۈ دۈبا صوېرۇلېب
ساځابڬۈ ئۇلكاڬێ جانێبې باچۇن.
عاجال بۇڬۈ رېۺطۇن ۺۇۺارال رۇقزاڅ
رۇقاڷۇل اهلۇڬێ ځابالاڷې غۇن.
بۈمباباز ڷاڸالېل مێنامێ هانێر
ځۈبالازدې صوېرۇن رۇڬۈ خالقاڷې
ڝادۇل ساوارێخاز بېڨۇلېب ڃابار
ڃاڬۈ جۇجاح بۇڬۈ هاب طاڸێياڷې.
زۈدۈر ناڴال ڬۇرۈ،
ڴۇي بۇڬۈ بێغۇن
غۇغاي زۈبالڬێ تۇن راڨدې ۺۇن بۇڬۈ
ڨالۇل صۈعاب زاقۇم ڃامێزې هانێب
هابۇن ۺێناب ڸێمېر طامۇلېب بۇڬۈ.
حالاي چێ احێزې هاراڨ قۈطارال
رۇڿابازۇل خۇطۇن حېرحېرێ بۇڬۈ.
ښۈ - ښۈڭۇن طۇن ارال طانڃازدا خادۇب
ماعۇ باقوان ئۇلبۇز بێ طۈلېب بۇڬۈ.
ئۇمۇمۇل ځاباڶ ڸۇن خۇطارال ڸێمال
راقێ - قېچاڷ زۇرۇن راقوالېل رۇڬۈ.
زۇلمۇياب طاڸێياڷ رۈصال ڃوان تارال
ياسالازۇل ماعێل عۈرال ۺۇن رۇڬۈ.
ڃاحال فاچالێڅاز زاعێفڸاراب خالق
څۇرمۇز باركان عادێن طۇطۇلېب بۇڬۈ
څاچاغازۇل "ڞۈبدې" ڭاراب هاب طاڸێ
طۈلڬۈ دۇنێيالاڷ رېخۇن تۇن بۇڬۈ.
هالاڬڸاراب ڨالۇل هۈرۈڨا طۇرۇن
طېلال هارۇن خالقال رۇڬۈ صوېرۇلېل،
"بۇصۇربابێ، نۇجېر كۇمېكڬۈ ۺێب" - ان،
شاماڷۇل اهلۇياڷ بۇڬۈ احۇلېب.
حاجێمۇراد دامادالازۇل.
Рагъул буран буго доба ссверулеб...
Бидул ралъдалI гъанкъун холеб ххалкъалда.
РачIа гьудулзаби зигара базе...
Зулмуялълъул гIоралълъ хъамун унезухъ.
РачIа дунгун цадахъ дагьалълъ угьдизе
ЦIцIоб рещтIунеб моцIцIги хIалай чIчIезабун
РахIманассда рачIа хIелун гьаризе:
Гьаб Шамалълъул агьлу хвассар гьабеян
Хвалил кьогIлъи хIалаб тIупаналдасса.
Рагъул буран буго доба ссверулеб
Сахабго улкаги жанибе бачун.
ГIажал буго рещтIун щущарал рукъзахъ
Рукъалълъул агьлуги хабалалълъе гъун.
Бомбабаз лълъалъалел минами гьанир
Хобалазде ссверун руго ххалкъалълъе
ЦIадул саварихаз бекьулеб чIабар
ЧIаго жужахI буго гьаб тIалъиялълъе.
Зодор накIкIал гуро, кIкIуй буго бигъун
Гъугъай зобалги тун ракьде щун буго
Кьалул ссогIаб закъум чIамизе гьаниб
Гьабунщинаб лъимер тIамулеб буго.
ХIалай чи ахIизе гьаракь къотIарал
Руччабазул ххутIун хIерхIери буго.
Цо-цоккун тIун арал тIанчIазда ххадуб
МагIу бакъван улбуз би тIолеб буго.
Умумул хабалI лъун ххутIарал лъимал
Ракъи-къечалълъ зурун ракъвалел руго.
Зулмуяб тIалъиялълъ россал чIван тарал
Ясалазул магIил гIорал щун руго.
ЧIахIал пачалихъаз загIиплъараб ххалкъ
Хъурмуз баркан гIадин тIутIулеб буго
Къачагъазул "цIцIобде" ккараб гьаб тIалъи
ТIолго дуниялалълъ реххун тун буго.
Гьалаглъараб кьалул гьорокьа тIурун
ТIелал гьарун ххалкъал руго ссверулел,
"Буссурбаби, нужер кумекго щиб" — ан,
Шамалълъул агьлуялълъ буго ахIулеб.
ХIажимурад Дамадалазул.
