Имам Шамил ئێمام شامێل

ئێمام شامێل

مۇن دۇنێيالڬێ تۇن اخێراتاڷۇل

نۇځ طاصا بێۺاراو طاهال ئێرسێلاو

كۇفرۇ اسێر هابۇن،  شارع كامێل هابۇن

كافۇرال حێنقاراو دێناڷۇل حۇبێ.

مۇن دۈب عاصرۇياڷۇل واڞاداو مۇرێد

ڞال شارعاڷۇل ڨابۇن ڨۇن تانا دارسال

ئێخلاصال كامێلاو كاوكازاڷۇل واس

دۇڛا ڃوانا بايراڅ داغێستانالدا.

الاهاصې عۈلۈ خوالچېنڬێ باڅۇن

دۇڛا حال قانا قۈلۈ ۺۇڬۈ سۈناڷ

دێنۇل ئێسلاماڷۇڅ چۈرخۈل رۇحڬێ ڨۇن

مۇن ڨوارۇن واغانا شارعاڷۇل نۇځدا.

ڮۇنداصېب كاوكاز،  داغێستان،  چاچان

چێنال دۇڛا رانا دێناڷۇل وارێس

واطان ڝۇنۇلاڬۈ ڝاداوې ئێندال

مۇن بۈڨۇڅې تانا ئێختێيارڬێ ڨۇن.

بېرال رۇگانێڬێ كانڸێ باڅاراز

بانا شامێل دۇدې عايێبازۇل غېغ

بېطېر بۇگانێڬێ عاقلۇ بۈساراز

قۈر دۇيېڬێ غۇنا دێنۇل مۇجاهێد.

عادلۇڬێ دێوانڬێ دۇرۇس باچاراو

دۇر قێصا ڞالێدال قوارێڸۇلا راگ

قۇرئاناڷ كۇښاراو بۈدۇل ڛېوېڅان

دۇر طابێعاتاڷۇڅ طێنگۇلا ماعۇ.

زۇهرات سێراجۇدێنێلازۇل.

Имам Шамил

Мун дуниялги тун аххираталълъул

Нух тIасса бищарав ТIагьал ирсилав

Купру асир гьабун, шаргI камил гьабун

Капурал хIинкъарав диналълъул хIуби.

Мун доб гIассруялълъул вацIцIадав мурид

ЦIцIал шаргIалълъул кьабун кьун тана дарсал

Иххлассал камилав Кавказалълъул вас

Дуцца чIвана байрахъ Дагъистаналда.

Аллагьассе гIоло ххвалченги бахъун

Дуцца хIал къана къоло щуго соналълъ

Динул исламалълъухъ чорххол рухIги кьун

Мун кьварун вагъана шаргIалълъул нухда.

Хьундассеб Кавказ, Дагъистан, Чачан

Чинал дуцца рана диналълъул варис

ВатIан цIунулаго цIадаве индал

Мун бокьухъе тана иххтиярги кьун.

Берал рукIаниги канлъи бахъараз

Бана Шамил дуде гIайибазул гъегъ

БетIер букIаниги гIакълу босараз

Къор дуеги гъуна динул мужагьид.

ГIадлуги диванги дурус бачарав

Дур къисса цIцIалидал къварилъула ракI

Къуръаналълъ куцарав бодул ццевехъан

Дур тIабигIаталълъухъ тIинкIула магIу.

Зугьрат Сиражудинилазул.