ښۈڸې، ماعارۇلال ЦОЛЪЕ, МАГIАРУЛАЛ

٢٠١٧ سۈن،  طێنڄۇڶ مۈڞ،  ١٣ قۈ،  انڷځۇر قۈ - ئێتنێ قۈ.

ښۈڸې،  ماعارۇلال.

حابێب داوۇدێلازۇل.

غۇنكارال،  ښۈڸارال مۇعرۇزدا عۇرال،

ماعارۇلال،  ۺاي نێڶ رێڨ - رێڨۇن رۇڬېل؟

ڨۈلبۈل گۈدۈڸېدۇل بێښۇن عۈلېبێۺ،

عارڨابێ غۇراراب غۈطۈڨڬێ گۇسۇن.

دۇن مێلاتچێ ڬۇرۈ،  مێلات هېڃۈڬۈ

دێرڬۈ مێلات تۈلېو مانقۇرتڬێ ڬۇرۈ.

اما،  ماعارۇلال،  مۇعرۇزۇل مێسال

بۈسێزې كواطانێ كێرې نێڶ ڭېلېل؟

جاقا ۺاي نێڶېڛا قادرۇيالداصا

قۈلدېن څانطێياڷې باڅێزې ڨۇراب؟

ڨوارێڬێ،  ئێياحڬێ،  باحارچێڸێڬێ

«ئېركېنڸێ» ۺوارابڬۈ ۺاي عۈدۈب تاراب؟

هېل څۇلۇڅازدېڬێ،  څالاباڅېڬێ

څۇرۺێزې ۺاي ڭۈلېل نێڶ ناكابازدا؟

ناكۇ ڷێيڬۈ ڃواڃېب ئۇمۇمۇزۇل ڞار

ڞۈهازۇل كاوۇداڅ كێن ئېخېتاراب؟

نێڶېر ڸێمالازدا ڸالېب هېڃۈ ماڞ،

ماحمۇدێد،  راسۇلێد سارێنال څواراب.

سافار خالاتڸاراب،  ڸاراع راڨالدا

رۈسابێڬۇن مۇعرۇل رۇڬۈ گۈچۈن تۇن.

رېس رېقان ۺێنازدا،  چۈڮۈل ئۇرغېلاز

چێياقڸۇدا رۇڬېل هېڃۈ رێڮۇلېل.

بۈڞۇڛا مېتخاراز مېرڮۇلېب بۇڬۈ

مۇعرۇزۇل عاداتال ،  عۇمرۇدۇل اصلۇ.

نێڶ رێچۇلېل رۇڬۈ رێڨ - رێڨۇن رۇگۇن،

رېڅاڶان راچۇنېل چاڅابێ عادێن.

ښۈڸێزې گوېڃۈڬۈ نێڶ ڃوالېل رۇڬۈ،

ڄېعېر بان ڮوادێزې عاڬارڸێڬێ تۇن.

نێڶېڛاڬۈ نێڶـڬۈ رۇڬۈ كاكۇلېل

كېفكال ښۈيڬێزۇڅا رۈسێزې عۈلۈ.

نێڶېر تارێخ بۇڬۈ تاخێدا رۇڬېز

تێرێزې هابۇلېب جێدېي بۈڨۇڅې.

مێسكێنڸۇلېل رۇڬۈ،  بېچېڸاناعان

بېچېدال عاداتال عۈدۈر تارالڬۈ.

عېمېرڸاناعان نێڶ داهڸۇلېل رۇڬۈ،

داندېڸێزې رېسال راتۇلارۈڬۈ.

نێڶ ښۈڸێزې ڭۈلا،  ښۈيڬێداڛاڬێ،

نێڶېداصا مێسال بۈسېيان ابې.

نێڶ رېقېزې ڭۈلا،  رېقېلڬۇن واڛڸێ،

دائێمڸێزې ڭانێ داغێستانالدا.

2017 сон, тIинчIчIулI моцIцI, 13 къо, анлIхур къо - итни къо.

ЦОЛЪЕ, МАГIАРУЛАЛ!

ХIабиб Давудилазул.

Гъункарал, цолъарал мугIрузда гIурал,

МагIарулал, щай нилI рикь-рикьун ругел?

Кьолбол кIодолъедул бицун гIолебищ,

ГIаркьаби гъурараб гъотIокьги кIусун.

Дун милатчи гуро, милат гьечIого

Дирго милат толев манкъуртги гуро.

Ама, магIарулал, мугIрузул мисал

Босизе кватIани кире нилI ккелел?

Жакъа щай нилIецца къадруялдасса

Къолден хъантIиялълъе бахъизе кьураб?

Кьвариги, ияхIги, бахIарчилъиги

«Эркенлъи» щварабго щай гIодоб тараб?

Гьел хъулухъаздеги, хъалабахъеги

Хъурщизе щай кколел нилI накабазда?

Наку лълъийго чIвачIеб умумузул цIцIар

ЦIцIогьазул кавудахъ кин эххетараб?

НилIер лъималазда лъалеб гьечIо мацIцI,

МахIмудид, Расулид саринал хъвараб.

Сапар ххалатлъараб, лъарагI ракьалда

Росабигун мугIрул руго кIочон тун.

Рес рекъан щиназда, чохьол ургъелаз

Чиякълъуда ругел гьечIо рихьулел.

БоцIцIуцца меххтараз мерхьулеб буго

МугIрузул гIадатал , гIумрудул асслу.

НилI ричулел руго рикь-рикьун рукIун,

РехъалIан рачунел чахъаби гIадин.

Цолъизе кIвечIого нилI чIвалел руго,

ЧIчIегIер бан хьвадизе гIагарлъиги тун.

НилIеццаго нилIго руго какулел

Кепкал цойгизухъа росизе гIоло.

НилIер тарихх буго таххида ругез

Тиризе гьабулеб жидей бокьухъе.

Мискинлъулел руго, бечелъанагIан

Бечедал гIадатал гIодор таралго.

ГIемерлъанагIан нилI дагьлъулел руго,

Данделъизе ресал ратуларого.

НилI цолъизе ккола, цойгидацаги,

НилIедасса мисал босеян абе.

НилI рекъезе ккола, рекъелгун ваццлъи,

Даимлъизе ккани Дагъистаналда!