БУКIАРАБ, БИЛАРАБ,.. بۇگاراب، بێلاراب

٢٠١٧ سۈناڷۇل هۇرازۇڶ مۈڞاڷۇل ٢٠ قۈ،  عۇلجۇم قۈ - رۇزمان قۈ

بۇگاراب،  بێلاراب، ..

بالېب،  بالېب عازۇ عۇمرۇدۇل طۈځدې،

طانځال رۈڨۇل اځێڨ ڶۇعۇلېل غېنۈن.

غارێمڸۇلېب دۇنيال،  داهڸۇلېل ڞوابێ

دێر هۇدۇلزابازۇل زۈدێل عۇردادا.

باقۇڨ سالێ عادێن بۇحۇلېب كېرېن،

بۇگاراب ڸێمېرڸێ راگالدې ۺوېيڬۇن.

ۺۈبدا عێدرا عادێن،  عۈدۇلېل بېرال،

عۈلۈڅانڸێياڷۇل سۈنازدا خادۇر.

خادۇو غېزې تېڃۈ زاماناياڷ دۇن،

دێرڬۈ ڬۇرېب عادێن انا هاب عۇمرۇ.

ازارڬۈ سۈردۈياڷ شاهرۇزاتێڛا،

شاهاصې بێښاراب مارهۈ كێنێڬێ.

بۇگاراب،  بێلاراب،  باتێزې هېڃېب

زامانالدا خادۇب خاچادۇلېب راگ.

خێيالازۇل عۈرال،  عۇمرۇدۇل نۇځ ڭۇن،

ناڅرۇصۇن چواخۇلېل ئێنصۇل رۈسۇڶې.

داوۇدێلازۇل حابێب

2017  соналълъул гьуразулI моцIцIалълъул 20 къо, гIулжум къо - рузман къо

БУКIАРАБ, БИЛАРАБ,..

Балеб, балеб гIазу гIумрудул тIохде,
ТIанхал рокьул ахикь лIугIулел гъенон.
Гъаримлъулеб дунял, дагьлъулел цIцIваби
Дир гьудулзабазул зодил гIурдада.

Бакъукь сали гIадин бухIулеб керен,
БукIараб лъимерлъи ракIалде щвейгун.
Щобда гIидра гIадин, гIодулел берал,
ГIолохъанлъиялълъул соназда ххадур.

Ххадув гъезе течIо заманаялълъ дун,
Дирго гуреб гIадин ана гьаб гIумру.
Азарго сордоялълъ Шагьрузатицца,
Шагьассе бицараб маргьо киниги.

БукIараб, билараб, батизе гьечIеб
Заманалда ххадуб ххачадулеб ракI.
Ххиялазул гIорал, гIумрудул нух ккун,
Нахъруссун чваххулел инссул росулIе.

Давудилазул ХIабиб

ЗУРМАГИН КЪАЛИЯЛЪЛЪ ТАНИН НИЛI ГЬАНЖЕ زۇرماڬێن قالێياڷ تانێن نێڶ هانجې

٢٠١٧ سۈناڷۇل،  هۇرازۇڶ مۈڞاڷۇل،  ١٣ قۈ،  رۇزمان قۈ - عۇلجۇم قۈ

زۇرماڬێن قالێياڷ تانێن نێڶ هانجې.

دێر رۈسۇڶ وۇگانا گێڬۈ ماځۺېلچێ،

گێياصۇلڬۈ راڅاڷ هابێزێن كالام.

كێب اراب دۈب زۇرما،  هېڃۈ ئێسماعێل،

قۈلۈل بېطېرهانچێ،  هېڃۈ مۇحاماد.

ئێسماعێل،  مۇحاماد،  نۇج ارالداصا،

زۇرماڬێن قالێياڷ تانێن نێڶ هانجې.

دێڛا دێرڬۈ راڅاڷ،  نۇج راگالدې ۺۇن،

څوانا هال راعابێ عېنېڭرازې.

رۈقۈبڬێ قواطێبڬێ،  قالێڬۇن زۇرما،

هېزۇل گێياصۇلڬۈ ښاداڅ بۇگانا،

چان رۈسدال عۈلێڅان،  عۈلۈڅاناي ياس،

هېز،  صۇحمات - قالێ ڃوان،  داندې راچارال.

باحاراي،  ڷېل ڝېزې يێطۇلېب مېخاڷ،

ښاداڅ نۇج ئێنڃۈڬۈ بېهۇلارۈئان،

نۇجېر زۇرما - قالێ رېقاراب عادێن،

رېقۈلائان هېزۇل عۇمرۇڬێ ښاداڅ.

عاراښ - مېسېد نۇجېي حاجات بۇگێنڃۈ،

رۈسۇڶ بېرتێن بۇگێن عۈلائان نۇجېي،

عاداتالدا رېقۈن،  رۈسدال جاماعات،

بۈخۇن بۇگۇنائان نۇجېڅ بالاهۇن.

زۇرما - قالێياڷۇل هاراڨ باڅێندال،

ڬۈر صوېرۇن ڨۇردۇلېب عۈلۈڅاناب عېل،

غۈزێي څات ڃواي هابۇن،  طۈځازدې راځۇن،

هێطێنال،  ڃاحێيال،  رۈسدال عادامال.

باطێياب باڃانا هانجې زامانا،

هابۇلارۈ رۈسۇڶ بېرتێن - قېل،  صۇحمات،

قوارێعېل ڭانانێ،  ڸێمالڬێ راچۇن،

بانكېتال - زالازدا هابۇلا ماولێد.

رۈخالێدا رۇگا رۈسدال عادامال،

زۇرماڬێن قالێياڷ تانێن نێڶ هانجې،

مۇڮ ڨۇن رۈسۇن ۺوارال بانكېت - زالازدا،

ڨۇردێزې طامێلا طێنڄال باحارال.

زۇرمێڅان،  ئێسماعێل،  دۇر زۇرمێل باقان،

راعێلارۈ طۈگاڷ دێر عادامازدا،

قۈلۈڅان،  مۇحاماد،  دۇر قالێياڷۇل،

راگ بېكانا هانجې،  زۇرما هېڃۈڬۈ.

عۇماربېڬ ساعێدێلازۇل.

حۇرۇڅ رۈسۇ ،  ڄارادا مۇڅ.

2017 соналълъул, гьуразулI моцIцIалълъул, 13 къо, рузман къо - гIулжум къо

ЗУРМАГИН КЪАЛИЯЛЪЛЪ ТАНИН НИЛI ГЬАНЖЕ.

Дир росулI вукIана кIиго махщелчи,

КIияссулго рахъалълъ гьабизин калам.

Киб араб доб зурма, гьечIо ИсмагIил,

Къолол бетIергьанчи, гьечIо МухIамад.

ИсмагIил, МухIамад, нуж аралдасса,

Зурмагин къалиялълъ танин нилI гьанже.

Дицца дирго рахъалълъ, нуж ракIалде щун,

Хъвана гьал рагIаби гIенеккаразе.

Рокъобги къватIибги, къалигун зурма,

Гьезул кIияссулго цадахъ букIана,

Чан росдал гIолихъан, гIолохъанай яс,

Гьез, ссухIмат-къали чIван, данде рачарал.

БахIарай, лълъел цIезе йитIулеб меххалълъ,

Цадахъ нуж инчIого бегьулароан,

Нужер зурма-къали рекъараб гIадин,

Рекъолаан гьезул гIумруги цадахъ.

ГIарац-месед нужей хIажат букIинчIо,

РосулI бертин букIин гIолаан нужей,

ГIадаталда рекъон, росдал жамагIат,

Боххун букIунаан нужехъ балагьун.

Зурма-къалиялълъул гьаракь бахъиндал,

Гор ссверун кьурдулеб гIолохъанаб гIел,

Гъозий хъат чIвай гьабун, тIохазде рахун,

ГьитIинал, чIахIиял, росдал гIадамал.

БатIияб бачIана гьанже замана,

Гьабуларо росулI бертин-къел, сухIмат,

КъваригIел кканани, лъималги рачун,

Банкетал-залазда гьабула мавлид.

Роххалида рукIа росдал гIадамал,

Зурмагин къалиялълъ танин нилI гьанже,

Мухь кьун росун щварал банкет-залазда,

Кьурдизе тIамила тIинчIчIал бахIарал.

Зурмихъан, ИсмагIил, дур зурмил бакъан,

РагIиларо тIокIалълъ дир гIадамазда,

Къолохъан, МухIамад, дур къалиялълъул,

РакI бекана гьанже, зурма гьечIого.

ГIумарбег СагIидилазул.

ХIурухъ росу , ЧIчIарада мухъ.