ВАЛИГИ ХАНГИ والێڬێ خانڬێ

جابراعێل حاسانێلازۇل

والێڬێ خانڬێ

دێدا هېب ڸالارۈ،  ۺێب شاهارالدا،

ۺێب رۈسۇڶ بۇگاراب،  نېگۈ زاماناڷ

وۇگۇن وۇڬۈ والێ،  عابدالێن ابۇن،

عاداماڛا ماڷێي جێو هاوۇلارېو.

بۈڨا - بۈڨاراڷۇو ڨێجۇن ڬۇرۈنێ،

بۇگێنڃێلا هېصۇل يا رۇق،  يا بۇسېن.

ۺێبڬۈ دۇنيالاڷۇل طالاب هېڃېو هېو

ڨێجۇن وۇگانێلا نۇځلۇل راعالدا.

اصگۈصان ئۇناڬۈ،  ڃۇحاراو خاناص

مالاد هاوۇن وۇڬۈ وېڬاراو مێسكێن.

ماڨێداصا طۇرگۇن طادې واڅاراو

گاڸان وۇڬۈ فاقێر ڛېوې ڄاراصدا:

لې،  دۇڛا جێندێيې هابۇراب ۺێبان،

وۇگانێن جێو ماڨێڶ ڃۇحاراو خانڸۇن،

عېمېراب مېسېدڬێ بۈڞێڬێ بۇڬېو،

دۇڛا وۈرڃێزاوۇن،  بۈرڃۇن انێن هېب.

خان وېڸانڅانێلا،  عامال گۈدۈڬۈ،

عابدالاص بێښۇنېب خابار ۺێبێلان،

عېمېراب ئۇلكا - راڨ بۇڬېو هېصێيې

كېف ۺۇن بۇڬۈ هاصۇل خابارالدا طاد.

مێسكێن گاڸانێلا عۈدۈوې وێڿان:

عېمېر وېڸۇڬېيێن،  ۺواراب بېچېڸێ

بېرال راهارابڬۈ جێنڅاڬێ انێن،

بېرال قانۺارالڬۈ دۇڅاڬێ ئێنێن.

ЖабрагIил ХIасанилазул.

ВАЛИГИ ХАНГИ

Дида гьеб лъаларо, щиб шагьаралда,

Щиб росулI букIараб, некIо заманалълъ

ВукIун вуго вали, гIабдалин абун,

ГIадамацца малълъий жив гьавуларев.

Бокьа-бокьаралълъув кьижун гурони,

БукIинчIила гьессул я рукъ, я бусен.

Щибго дунялалълъул тIалаб гьечIев гьев

Кьижун вукIанила нухлул рагIалда.

АсскIоссан унаго, чIухIарав ханасс

Малад гьавун вуго вегарав мискин.

Макьидасса тIуркIун тIаде вахъарав

КIалъан вуго пакъир ццеве чIчIарассда:

Ле, дуцца жиндие гьабураб щибан,

ВукIанин жив макьилI чIухIарав ханлъун,

ГIемераб меседги боцIцIиги бугев,

Дуцца ворчIизавун, борчIун анин гьеб.

Хан велъанхъанила, гIамал кIодого,

ГIабдаласс бицунеб ххабар щибилан,

ГIемераб улка-ракь бугев гьессие

Кеп щун буго гьассул ххабаралда тIад.

Мискин кIалъанила гIодове виччан:

ГIемер велъугейин, щвараб бечелъи

Берал рагьарабго жинхъаги анин,

Берал къанщаралго духъаги инин.