Авар мацIцӀ اوار ماڞ

Авар мацIцI (ХӀамзатил Расул)

Лъаларо, МухIамад, цогиязул иш,

Ама дицца дирго рахъалълъ абила:

Метер магIарул мацIцI хвезе батани,

Хваги дун жакъаго жаниб ракI кьвагьун.

Щай дие къваригIун бугеб Дагъистан,

Дир гьаракь бахъани дир лъималахъа?

Щай, дир магIаруллъи, магIарул чагIаз

Чияр мацIцI бицунеб жидерго гъассда?

Щай дие гьал мугIрул, гIурул рагIалда

ГIагараб магIарул кечI рагIичIони?

Камилаб гьаракьалълъ нилIер кьерилаз

Кьурул рагIалда чIчIун, гьеб ахIулеб куц!

Дун кIудияб пикру гьитIин гьабизе

ГьитIинаб рукIниссан кIалъалев гуро,

Ва пачалихъазул Асанбелеялда

Авар мацIцIалълъе бакI гьарулев гуро.

Ама гьал кьурабалI улкаялълъ рарал

Мактабазда гьеб мацIцI малълъизе ккела.

Гьеб рекъараб буго нилIер ххалкъалда

Черххалда борчараб рачел киниги.

Гьеб мацIцIалълъ панаяб кечI ахIулаго,

Киниги гьулакги кIикIана нилIер.

Гьаб мацIцIалълъ рокъосса унеб меххалда

Нух битIагийилан абуна улбуз.

Гьанже нухалги тун рокъоре щвейгун,

Щиб, цоги мацIцIалъищ нилI гаргадилел?

Дун магIарулазе, гьедин батани,

Бищун аххирияв шагIирищ кколев?

 

اوار ماڞ

حامزاتێل راسۇل

ڸالارۈ،  مۇحاماد،  ښۈڬێيازۇل ئێش،

اما دێڛا دێرڬۈ راڅاڷ ابێلا.

مېتېر ماعارۇل ماڞ ځوېزې باتانێ،

ځواڬێ دۇن جاقاڬۈ جانێب راگ ڨواهۇن.

ۺاي دێيې قوارێعۇن بۇڬېب داغێستان،

دێر هاراڨ باڅانێ دێر ڸێمالاڅا؟

ۺاي،  دێر ماعارۇلڸێ،  ماعارۇل چاعاز

چێيار ماڞ بێښۇنېب جێدېرڬۈ غاصدا؟

ۺاي دێيې هال مۇعرۇل،  عۇرۇل راعالدا

عاڬاراب ماعارۇل كېڃ راعێڃۈنێ؟

كامێلاب هاراڨاڷ نێڶېر ڨېرێلاز

ڨۇرۇل راعالدا ڄۇن،  هېب احۇلېب كۇښ.

دۇن گۇدێياب فێكرۇ هێطێن هابێزې

هێطێناب رۇگنێصان گاڸالېو ڬۇرۈ،

وا فاچالێڅازۇل اسانبېلېيالدا

اوار ماڞاڷې باگ هارۇلېو ڬۇرۈ.

اما هال ڨۇراباڷ ئۇلكاياڷ رارال

ماكتابازدا هېب ماڞ ماڷێزې ڭېلا.

هېب رېقاراب بۇڬۈ نێڶېر خالقالدا

چېرخالدا بۈرچاراب راچېل كێنێڬێ.

هېب ماڞاڷ فاناياب كېڃ احۇلاڬۈ،

كێنێڬێ هۇلاكڬێ گێگانا نێڶېر.

هاب ماڞاڷ رۈقۈصا ئۇنېب مېخالدا

نۇځ بێطاڬێيێلان ابۇنا ئۇلبۇز.

هانجې نۇځالڬێ تۇن رۇقۈرې ۺوېيڬۇن،

ۺێب،  ښۈڬێ ماڞاڷێۺ نێڶ ڬارڬادێلېل؟

دۇن ماعارۇلازې،  هېدێن باتانێ،

بێۺۇن اخێرێياو شاعێرێۺ ڭۈلېو؟